مشكلة في السيراتو 2011

**medooo115** · 07-06-2012 01:15 PM

المشاركة الأصلية كتبت بواسطة salodas

طبعا لازم تشيك على الأتى قبل ماتدور السيارة ( وخصوصا فى حالة السفر)
1 - الأربع فرد كاوتش تمام ويا ريت عند أول واحد بتاع كاوتش تشيك على الضغط .
2 - افتح الكبوت وشيك على مستوى الميه .
3 - شيك على الزيت كما هو معروف شيل السيخ ونضفة بمنديل ورق وبعدين حطة تانى فى مكانة وبعدين شيله وشوف مستوى الزيت .

متشكر جداااا وهعمل كده ان شاء الله
بس سؤال هو انا بشيك علي مستوي الزيت ليه هو هينقص يعني ؟؟؟؟؟؟؟؟؟:

**medooo115** · 07-06-2012 01:25 PM

المشاركة الأصلية كتبت بواسطة safwatali

بلنسبه للتكيييف فدة بسبب الموتور بتاع الايديال كونترول الموجود على بوابة الهواء محتاج التنظيف هو و البوابه
اما بالنسبه للمبة الزيت انها بتنور وتطفى على مزاجها فده لان السلك الواصل بين (ساعة الزيت)(حساس الزيت)الى الدفيرة ثم لوحة العدادات به قطع وبيلمس ارضى مع جسم الموتور او السيارة عند اهتزاز جسم السيارة عند التحرك فبرجاء مراجعة هذا السلك (عن تجربة سابقة)

شكرااااا علي الرد والاهتمام كلامك شكله جميل اوي
لكن هما قالولي هناك ان ساعة الزيت هي اللي بايظة عالعموم لما اروح هكون حفظت اللي حضرتك كتبته واقولهم عليه وربنا يسهل

المشاركة الأصلية كتبت بواسطة moha4tec

+11111111111111
الكلام ده زى الفل و 100%
يا ريت صاحب الموضوع يشوف و يرد علينا بعد التجربه و الكشف

بأذن الله هروح التوكيل يوم السبت وهشوف هيبقي ايه النظام وهقولكم علي كل اللي هيحصل ان شاء الله
بس خليكوا معايا عالخط

**moha4tec** · 07-06-2012 01:29 PM

المشاركة الأصلية كتبت بواسطة medooo115

متشكر جداااا وهعمل كده ان شاء الله
بس سؤال هو انا بشيك علي مستوي الزيت ليه هو هينقص يعني ؟؟؟؟؟؟؟؟؟:

ممكن طبعا .
حصلى قبل كده و للاسف فى التوكيل و هما بيغيرولى زيت و بيربطوا الفلتر الجديد .خرموا الفلتر الجديد .و بالصدفه بعدها بكام يوم ببص على منسوب الزيت لقيته ناقص جدا و تقريبا مفيش زيت اصلا .
رحت شيكت عليها و لحد ما توصلنا ان الفلتر اتخرم من اللى ربطه بمفك انجليزى و خرمه للاسف .و العربيه كانت غرقانه زيت من تحت للاسف .

انك تشيك على منسوب الزيت و السوائل و غيرها مهم فوق ما تتخيل .
فى واحد عمل حادثه بعربيه سيراتو سلفر من قدام و الردياتير اتخرم منه و مخدش باله ان الميه بتنقص .فضلت العربيه تسخن منه و هو بردوا مبيبصش على مؤشر الحراره لحد ما العربيه جابت موتور .و ممكن تتاكد من كلامى تدخل على الفاس بوك و تشوف على جروب ال tps و تشوف بنفسك .
الاهمال وحش جدا و ممكن يكلفك كتير جدا جدا .

**medooo115** · 07-06-2012 04:17 PM

اتصلت بالتوكيل انهارده
قالي جربتلك سيارة سيراتو والمشكله دي عندك بس
فيه حاجة في التكييف تعالي يوم السبت نشوف الكمبيروسور او هنسحب الفريون ونحقنه تاني وهنشوف ايه المشكله

وكنت سألته علي سعر ساعة الزيت اللي مهيسه قالي لسه هسأل في الشركة علي سعرها وبعتنا نجيبها

ايه رأيكم

**safwatALI** · 10-06-2012 05:30 PM

ارجو من الزميل صاحب المشكلة يقولنا عمل اية للمساعدة فى حل المشكلة وارجو من الله ان تكون قد حلت وكله تمام

**medooo115** · 12-06-2012 02:24 PM

رجالة كيا الكرام
انا رحت التوكيل وبعد شوية خلصوا العربية وقالولي ان كان ضغط الفريون زياده شوية وفرغوا الزياده والحمد لله اشتغل كويس بعد التجربة

**moha4tec** · 12-06-2012 04:34 PM

المشاركة الأصلية كتبت بواسطة medooo115

رجالة كيا الكرام
انا رحت التوكيل وبعد شوية خلصوا العربية وقالولي ان كان ضغط الفريون زياده شوية وفرغوا الزياده والحمد لله اشتغل كويس بعد التجربة

تمم جدا و مشكور على نقل التجربه .و كويس انها طلعت حاجه بسيطه .

الموضوع: مشكلة في السيراتو 2011

LinkBack

أدوات الموضوع

عرض

-

-

المواضيع المتشابهه

مشكلة تكييف السيراتو 2011 بيبرد وانا ماشي ولما اهدي مش بيبرد

ما رأيكم فى السيراتو 2011 جنط 17

نواكل السيراتو 2011

بعض الاسئله فى السيراتو 2011

الاوبشنز الجديده في السيراتو 2011

الكلمات الدلالية لهذا الموضوع

المفضلات

المفضلات

ضوابط المشاركة