الموضوع: حسبي الله ونعم الوكيل في المطبات واللي بيعملوها

المشاركة الأصلية كتبت بواسطة yalahwy2010

أى مطب بيتحط ....بيبقى عشان حصلت حادثة فى المكان ده.......فا عشان يهدوا الناس.....بيعملوا مطب....وتغور فى داهية الناس اللى راكبة العربيات
احنا فى الزقازيق بيعملوا مطبات فوق الكوبرى............حاجة مسخرة........كان فى مطبات كتيرة برضه على كوبرى على طريق الاوتوستراد........مليان مطبات..........حاجة بصراحة تقرف........
المشكلة ان مافيش أى وسائل تنبيه ولا يافطة ولا كشافات اضاءة تنور للعربيات وتعرفهم ان فى مطب......للأسف

المشاركة الأصلية كتبت بواسطة haitham1985

إزيك يا زقازيقى :10d5c8w1107::10d5c8w1107: ......... فين المطبات دى اللى فوق الكوبرى :n_no[1]::n_no[1]: ....... متفتريش على المدينة المعفنة أكتر ما هى معفنه .......... هههههههه

دا المطب نفسه كوبري
شوفتو طريق الزقازيق المنصوره لحد ديرب نجم بقئ عليه اكتر من 35 مطب في 21 كيلو
ويا سلام علي القوميه بمطبتها حاجه تشرخ القلب وبلعتها
في مره كنا بنعمل مطب في مكان معين علي طريق قدام مدرسه فبنتكلم مع الناس الي بتعمل المطب لو يا جماعه خلو المطب مفرود عشان العربيات مش واقف كدا
الرد انت هتفهمنا شغلنا يا استاذ واتعمل المطب والبسو يا حلوين

للاسف كل مطبتنا عشوائية بل هى السبب فى كثيير جدااااااااا من حوادث الطرق
واللى زاد وغطا المطبات اللى على الطرق السريعة واللى ولا مدهونة ولا يفطه ولا تصميم هندسى
ربنا يسترها علينا وحسبى الله ونعم الوكيل فى كل من يستهتر بارواح الناس وممتلكاتهم

متزعلش يا خالد ما انا كنت عندكوا وخت مطب هدية برضوا
وانت كنت معايا اظن ...
بس ربنا بيستر
الحمد الله علي كل شئ ..

المطبات في مصر
حاجه كده زي طبق الفول الصبح مينفعش تعيش من غيره
وزي فانوس رمضان مينفعيش يجي رمضان من غير فاونيسه
لو مشيت في طريق من غير مطبات تحس بالغربه وانك مش في مصر

انا خدت مطب برضه على طريق الماظة كنت ماشي بالليل وعلى سرعة 100 تقريبا
فجأة وبدون سابق انذار لقيت مطب طلعلي زي الكالو في الشارع
وسريعا بيكون ادامك حل من الاتنين اما تضرب فرامل والعربية تصعب عليك من التزعيق اللي هتزعقه
او تلبس المطب والعربية هتصعب عليك برضه من الهبده
او لو انت ماشي بسرعة عالية هتلبس الخيارين غصبا عنك
وانا مش معترض بتااااااتا على المطبات او انها تتعمل بأي صورة بس يعملوا تحذيرات قبلها
لوحة حقيرة مش هتكلف الدولة 50 جنيه تتحط هتوفر على الناس كتير او اضاءة سفلة تتعمل عند المطب عشان يتشاف
لكن لا اضاءة ولا اشارات واشوف المطب قبل منه ب10 متر تكون النتيجة كاوتش يبوظ مني بسبب بالونة طلعت في
وحسرة على هبدة العربية اللي دافع فيها دم قلبي فده حرام بجد

ودايما كل اللي بيحصله كده ردة فعله واحدة لا تتغير حسبي الله ونعم الوكيل فهنيئا لمسؤلي تلك الطرق

المشاركة الأصلية كتبت بواسطة haitham1985

إزيك يا زقازيقى :10d5c8w1107::10d5c8w1107: ......... فين المطبات دى اللى فوق الكوبرى :n_no[1]::n_no[1]: ....... متفتريش على المدينة المعفنة أكتر ما هى معفنه .......... هههههههه

عادي يا باشا.
طيب ده كمان في بلاعات في الكباري .. زي البلاعة اللي في مطلع كوبري التجنيد من ناحية إدارة التجنيد والتعبئة.