تيدا 1800 و نيسان صنى الجديدة ( تجربة )

**SonaSteel** · 09-06-2012 11:51 AM

المشاركة الأصلية كتبت بواسطة ahmed a.maksoud

أيوة هى يا باشا

التسارع أنا قولت أنه كويس...............يعنى مش حاسس بفرق شاسع بينها و بين التيدا ال 1800

احمد بيييييييك كيفيك يا صديقي :))

انا مش مصدق الجملة ديه خااااااااالص ههههههههههههه
اصلاا الماتور ده اقل من الصني الحالية ازاي مفيش فرق بينه وبين التيدا وال 1800
ما هي لو سحبها جبار كده يبقي الصني ديه فاكس كده ... انه الجديدة سحبها احسن واستهلاك اقل

النقطة ديه هاتفرق معايا جاااااااااامد :))

**Ahmed Selim** · 09-06-2012 12:13 PM

المشاركة الأصلية كتبت بواسطة highspeed

تسلم ياباشا على المعلومات العملية

الله يسلمك يا باشا

المشاركة الأصلية كتبت بواسطة ahmazong

بصراحة الصني الجديدة عربية ممتازة و عالجت كل مشاكل القديمة و سعرها ممتاز جدا و فيها كل وسائل الامان الهامة ..

متشكرين جدا على التقرير الجميل ..

نورت القسم ..

تحياتي ..

العفو

المشاركة الأصلية كتبت بواسطة zangry

شكراا على التقرير الجميل

منور القسم

منور بالصقور يا باشا

المشاركة الأصلية كتبت بواسطة limo81

الله ينور يا استاذ أحمد عبدالمقصود......سلمت يداك

الله ينور عليك يا زعيم

المشاركة الأصلية كتبت بواسطة sonasteel

احمد بيييييييك كيفيك يا صديقي :))

انا مش مصدق الجملة ديه خااااااااالص ههههههههههههه
اصلاا الماتور ده اقل من الصني الحالية ازاي مفيش فرق بينه وبين التيدا وال 1800
ما هي لو سحبها جبار كده يبقي الصني ديه فاكس كده ... انه الجديدة سحبها احسن واستهلاك اقل

النقطة ديه هاتفرق معايا جاااااااااامد :))

سحس الجبار

عامل أيه يا باشا ؟

بص هو فيه فرق بس أنا كلامى أنه مش فرق شاسع.........يعنى الفرق من 0-100 بينهم مش هتلاقيه 3 أو 4 ثوانى.......ممكن يكون ثانية أو ثانية و كسور.

الأستهلاك بقى

أنا فولت أول أمبارح بالليل.......مشيت حوالى 100 أو 120 كيلو.........و لسه التريب كمبيوتر بيقولى قدامى 340 كم كمان..........ممكن يزيدوا شوية أو يقلو شوية..........و لو التريب صدق يبقى أستهلاكها زى التيدا تقريباً 450 كم فى التانك ( بس مش متأكد من سعة التانك فى الأتنين زى بعض ولا لأ )..........مع التكييف على طول و مع حرق معظم الوقت.

عموماً هيبان أكتر مع التفويلة اللى جاية..........

الحرق معظم الوقت علشان ال 1600 أو 1500 أو 1800 و حتى ال 2000 سى سى هنا تعتبر عربيات غلبانة فى سط الغيلان اللى فى الشارع.

يعنى ببقى داخل ميدان مثلاً و لسه العربية يا دوب بتتحرك و تلاقى عربية تانية كانت بعييييييييد عنك تلاقيه فجأة فى ديلك و شوية شوية هينط فوق عربيتك و بالتالى بضطر أحرق فى المواقف اللى زى دى علشان معطلش الناس و علشان مبحبش حد يبقى لازق فيا و هما أصلاً الموضوع ده عندهم هواية :)

**SonaSteel** · 09-06-2012 02:18 PM

الله يكرمك يا أحمد بيك ... اجبت فأوفيت
انا مشكلتي في حاجة واحده لا بنزين ولا غيره
السحب ثم السحب ثم التسارع

بمعني هاتفرق في الجري عن اصني الحالية المانيوال في في الاداء كسحب وتسارع و التكييف هاتتأثر بيه ولا لأأ

يعني لو جيبها بدل الصني اللي معايا هايبقي نزت في الاداء ولا طلعت ؟؟

**EhabVet** · 09-06-2012 03:48 PM

المشاركة الأصلية كتبت بواسطة sonasteel

الله يكرمك يا أحمد بيك ... اجبت فأوفيت
انا مشكلتي في حاجة واحده لا بنزين ولا غيره
السحب ثم السحب ثم التسارع

بمعني هاتفرق في الجري عن اصني الحالية المانيوال في في الاداء كسحب وتسارع و التكييف هاتتأثر بيه ولا لأأ

يعني لو جيبها بدل الصني اللي معايا هايبقي نزت في الاداء ولا طلعت ؟؟

يا عم احمد ربنا على اللي معاك
وبوس ايدك ورجلك وش وضهر
وخلص اقساطها .. وبعدين اتجوز
وبعد كده نشوف الموضوع ده :)

**SonaSteel** · 09-06-2012 04:07 PM

المشاركة الأصلية كتبت بواسطة ehabvet

يا عم احمد ربنا على اللي معاك
وبوس ايدك ورجلك وش وضهر
وخلص اقساطها .. وبعدين اتجوز
وبعد كده نشوف الموضوع ده :)

يااااااه ده لسه بدري هههههههههههههه :))

**Ahmed Selim** · 09-06-2012 04:54 PM

المشاركة الأصلية كتبت بواسطة sonasteel

الله يكرمك يا أحمد بيك ... اجبت فأوفيت
انا مشكلتي في حاجة واحده لا بنزين ولا غيره
السحب ثم السحب ثم التسارع

بمعني هاتفرق في الجري عن اصني الحالية المانيوال في في الاداء كسحب وتسارع و التكييف هاتتأثر بيه ولا لأأ

يعني لو جيبها بدل الصني اللي معايا هايبقي نزت في الاداء ولا طلعت ؟؟

للأسف أنا مسوقتش الصنى القديمة علشان أقدر أحكم

و بالنسبة لموضوع التكييف...........مينفعش أجربه لأن الجو هنا مش مستحمل.........لو مشغلتش التكييف هتسلق فى خلال 10 دقايق بالكتير.

السحب أنا شايفه كويس بصراحة.

حاول لما العربية تنزل مصر تعملها تست و تشوف رأيك أيه...........و فى أغلب الأحوال هتحس بفرق علشان المانيوال و الأوتو.

**Ahmed Selim** · 10-06-2012 05:30 PM

المشاركة الأصلية كتبت بواسطة ahmed_elsayed

انتا اتاكدت انها 1500 ولا لسه؟

للأسف لسه مفتحتش الكبوت........و الرخصة هنا مش بيتكب فيها أى معلومات عن السعة اللترية و عدد السلندرات.

**Youssef.Awad** · 10-06-2012 11:49 PM

مقارنة عادلة ورأى صائب يا استاذ أحمد ..

**Ahmed Selim** · 11-06-2012 11:00 AM

المشاركة الأصلية كتبت بواسطة y2y1500

مقارنة عادلة ورأى صائب يا استاذ أحمد ..

الله يكرمك يا أستاذ يوسف

أنا فتحت كبوت العربية أمبارح بالليل علشان أشوف الموتور....للأسف مفيش أى كتابة عليه توضح السعة اللترية........بس أغلب الظن أنها 1500.
فولت العربية وصفرت العداد أمبارح بالليل.........على التفويلة اللى جاية نحدد الإستهلاك مع بعض.

الحاجة اللى لاحظتها فى التريب كمبيوتر و شايفها غريبة شوية
عندك عدادين أستهلاك بنزين.......
الأول لحظى و دى بيتغير حسب دوسة البنزين و حسب الزحمة و غيره........و طبعاً القراية مش ثابتة....يعنى ممكن على الطريق السريع تبقى باينة 14.4 كيلو لكل لتر و بعدها على طول 16 و بعد كده 15.5

التانى ده المتوسط و المفروض أنه بيحسب متوسط الأستهلاك طول عمر العربية........اعتقد كان ظاهر حوالى 12 كيلو فى اللتر ( طبعاً لسه بدرى على الحكم النهائى علشان العربية مكملتش 2000 كم حتى )

الغريب بقى أن العداد اللى بيقولك البنزين الباقى يمشيك قد أيه بيحسب على عداد الأستهلاك اللحظي مش على المتوسط...........و بالتالى البنزين اللى باقى شوية تلاقيه مثلاً يمشيك 50 كيلو و بعدها على طول ينزل ل 38 و بعد كده يطلع ل48 و هكذا.....الكلام ده خلال نفس الدقيقة.

فى الميجان على ما أفتكر أنه كان بيحسب على متوسط الأستهلاك و بالتالى بتلاقى المسافة المتبقية ثابتة لفترات طويلة مقارنة بالصنى.

الموضوع: تيدا 1800 و نيسان صنى الجديدة ( تجربة )

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

حصريا لقسم نيسان .. تقرير بالصور عن حفل نيسان ايجيبت لتدشين نيسان صنى الجديدة كليا

نيسان تيدا ولا نيسان بلوبيرد :ارجو الاجابه سريعا

نيسان تطلق تيدا 2011 الجديدة تجهيزات افضل قوة اعلى

حصريا : نيسان تيدا 2009 سيدان بالكماليات الجديدة

الجيتا 2009 خليجي بعد تجربة 1800 كم

الكلمات الدلالية لهذا الموضوع

المفضلات

المفضلات

ضوابط المشاركة