السلام عليكم ورحمة الله وبركاته

من فترة TPS كانو عاملين Dyno Day !! فالنهارده بالصدفة كدة قلت اما ادخل اشوف ال Results خصوصا انهم منزلين كل حاجة على النت

قلت ادخل اخد فكرة

اول حاجة لفتت انتباهي وصعقت لما شفتها Honda civic SiR ومطلعة 122 حصان على الداينو !! ؟؟ معقول الفقد الرهبي ده في الطاقة من 175 ل 122 حصان !! ؟

وياريت على كدة وبس ده كمان فيه Run طلعت فيها 83 حصان !! ؟

كمان لقيت حاجة تانية غريبة الكورولا ال 1.3 مطلعة على الداينو 71 حصان في حين الياريس مطلعة 68 حصان !! ؟ مع ان المفروض االاتنين نفس الماتور والياريس وزن اخف ومعروف ان تسارعها افضل من الكورولا على السرعات العالية

والانسر ال 1.3 75 حصان !! يعني معقول الانسر ال 1.3 اللى الناس بتشتكي من سحبها تبقى مطلعة احصنة على العجل اكتر من الكورولا والياريس ؟؟

لقيت كمان هوندا سيفيك 2008 101 حصان !
جين تو 75 حصان !

هسبكم مع ال Sheets !! بس تفتكرو الداينو عنده في حاجة ؟؟ لان انا كنت ناوي اروح احط الياريس عليه واشوفها كام حصان بس بعد ال Results دي شكلي كدة هرجع في كلامي