عملية تصحيح النظر بالليزر

**Ahmad Allawy** · 21-06-2008 01:25 AM

انا متابع الموضوع ..
و مهتم عشان كنت فعلا بافكر فيه..
بس والدي معترض و بشدة..
باملناسبة هو طبيب.. و مش مقتنع باي خاجة فيها جراحة او الخضوع تحت بنج..
او تدخل خارجي عموما.. (انا عارف ان مفيهاش جراحة و مفيهاش بنج كلي)

بس اللي عايز اعرفه بقي ان الواحد ممكن يعمل العملية و نظره يضعف تاني..
و بالتالي بقي اللي اتعمل مالوش اي لازمة..
ابقي قضيت شوية وقت من غير نضارة و رجعت ليها تاني..!!!
بس ده بالنسبة لبعض الناس اللي نظرها مش ضعيف جدا يعني و النظر -1 احسن ما يكون -6

**TaoTao** · 21-06-2008 01:26 PM

المشاركة الأصلية كتبت بواسطة casperinoo

معظم اساتذة الرمد عندنا لابسين نضارات!!!

هو ده اللي بيجنني وبيخليني كل ماتقدم خطوة في اتجاه العملية أرجع تاني واقلق ..
تلاقي واحد في التليفزيون يكلمنا عن المزايا والأمان والحلاوة بتاعة العملية وهو نظارته في وشه قد كدة !!
وكمان فيه حاجة .. كل شوية تكنولوجي جديدة تطلع في مجال تصحيح قوة الإبصار، اقول استنى شوية التكنولوجي تثبت نجاحها تثوم تكنولوجي تانية تطلع وهكذا !

حاجة تحير .. مش كدة؟

**emadspeed** · 22-06-2008 01:36 AM

على فكرة يا جماعة انا النهرده رحت مركز اسكندرية للعيون
وللاسف ما لقتش اى حجز للدكتور فتحى الصحن الا يوم 5/7 بس حجزت طبعا وامرى لله مع ان الميعاد بعيد شوية
وفعلا العملية حتتكلف 3700 زى ما استاذ احمد قال + 90 جنيه الكشف
وقالولى العملية حتبقا فى نفس اليوم ان شاء الله ومش حتاخد اكتر من ساعة

ان شاء الله يوم ما اعملها حرد على اى حد بخصوص الموضوع ده
عشان برده اللى عايز يعرف حاجة اقولهاله

**emadspeed** · 07-07-2008 10:03 PM

باركولى يا جماعة
عملت العملية الحمد لله وفعلا زى ما قالت نهى كانت ليزك
انا بس فى شوية زغللة بس الدكتور قالى ان ده طبيعى لحد اول اسبوع ومع العلاج حيبتدى الموضوع يتزبط
بس هو قالى عادى انى اعد ادام الكمبيوتر ومافيش مشكلة خالص فى كده

**Chicco** · 07-07-2008 10:36 PM

حمد الله على سلامتك يا باشا :)

**elpasha009** · 07-07-2008 11:07 PM

حممدا لله على السلامة يا أستاذ عماد وإن شاء الله الإسبوع يخلص بسرعة:)

**Noha.M** · 07-07-2008 11:20 PM

الف حمدلله على سلامة حضرتك

ان شاء الله الزغللة دي تروح هم تلات اربع ايام و كله هيبقي زي الفل كمان ماشاء الله انت عملت الليزك العادي و دة احسن كتيييييييييير من الابي ليزك اللى انا عملته

المهم بس استمر على القطرات على طول كمان برضه متقعدش كتير برضه قدام الكمبوتر

**elrasy** · 08-07-2008 12:10 AM

المشاركة الأصلية كتبت بواسطة emadspeed

باركولى يا جماعة
عملت العملية الحمد لله وفعلا زى ما قالت نهى كانت ليزك
انا بس فى شوية زغللة بس الدكتور قالى ان ده طبيعى لحد اول اسبوع ومع العلاج حيبتدى الموضوع يتزبط
بس هو قالى عادى انى اعد ادام الكمبيوتر ومافيش مشكلة خالص فى كده

حمد الله على السلامة ويا ريت تبقى تطمنا عليك اول باول ,,,
وانا كمان بفكر اعملها ربنا يسهل

**emadspeed** · 08-07-2008 12:52 AM

بجد يا جماعة انا مش عارف اشكركم ازاى على الروح الجميلة دى اللى عمرى ما لقتها فى اى منتدى تانى
والله يا نهى موضوع الكمبيوتر ده غصب عنى لانه شغلى كله عليه وبحاول على اد ما اقدر ما اعدش كتير عليه بس مش عارف
بس انا بحاول على اد ما اقدر
والنهرده ده ما اقولكوش لبست نضارة الشمس بتاعتى وبقيت شايف كويس بجد ما كنتش مصدق نفسى
ربنا يخليكوا يا جماعة على الرد ولو اى حد عنده اى استفسار بخصوص العملية ممكن يبعتلى اكيد مش حتاخر عليه

**Noha.M** · 08-07-2008 01:31 AM

اه فعلا يا استاذ عماد بجد احساس رااااااااااائع

كمان انا كنت محرووووومة من النضارات الشمس لان مش كلها ممكن يتعمل شمس نظر . فانتقمت بأة بعد العملية و رحت جبت واحدة vercase دة غير ال channel اللى جبتها قبل العملية