الموضوع: عملية تصحيح النظر بالليزر

رجعتونى لنايل موتورز بعد غياب .. انا كما قلت زمان عملتها من حوالى 7 سنيين و اكيد التكنولوجيا اتقدمت كتير كانوا زمان بيقولوا الليزر دلوقتى الليزك و انا لا اعرف الفارق لانى مش دكتور .. عموما كنت بشوف كويس بعد العملية ثم بدأ نظرى يضعف بالتدريج و طبعا من الاسباب ان انا حريقة فى القراية طبعا غير النت و التليفزيون .. الحياة الحديثة بطبيعتها بتضعف النظر ..حلم الرجوع للطبيعة ذى ما كان بيطالب جان جاك روسو بيقول معدش ممكن للاسف .. الحياة الحديثة بتطارد الانسان .. المهم يا كريم بيه انا بأستخدم النظارة تانى و ان كنت برضه بشوف من غير نظارة احسن من زمان عندما كنت لازم اول م افتح عينى الصبح احط النظارة او اشوف اشباح !......اهم حاجة تشوف دكتور محترم و متمكن و مش بيعمل عملية فقط عشان ياخد الاتعاب - تاجر يعنى - و اخيرا كما قال الزميل فالدكتور - المحترم - هو من يحدد لك تعمل العملية ام لا .. و طبعا صعب كمان اقولك قلل الكمبيوتر و انت رئيس منتدى نايل موتورز ! المهم ليس فقط فى عودة ضعف النظر بالتدريج فهذ ممكن ياخد سنيين طويلة تستمع بالاستغناء عن النظارة لحين العودة لها مرة اخرى و تكون العملية اقتصادية يعنى تسترد اتعاب العملية (!! ) المهم الا تحدث متاعب جانبية اخرى .. و اخيرا تمنياتى بالتوفيق فى اتخاذ القرار السليم ..

المهم مش سنى انا يا كريم باشا المهم سنك انت ! ..الافضل الا تقوم بالعملية اذاكنت شباب قوى لان بالتأكيد نظرك سيتغير مع الوقت بمرور السنيين - يضعف يعنى - و هذا لا يعنى عدم نجاح العملية فالعين تضعف مثل سائر اعضاء الجسم فالعملية قد تنجح لكن لا تثبت درجة النظر الى الابد يعنى حتى مع نجاحها لا تضمن الاستغناء عن النظارة الى الابد .. و طبعا بلاش تجرى هذه العملية مرة اخرى مستقبلا .. و لاحظ ان بعد سن الخامسة و الاربعين او الخمسين يتحول النظر عند كثيرين الى طول نظر و يحتاجون لنظارة قراءة بينما يرون جيدا الاشياء البعيدة .. و وفق الكنولوجيا التى كانت متوفرة ايام اجرائى العملية فلقد خيرنى جراح العيون بين عملية تتيح الاستغناء عن نظارة المسافات او تتيح الاستغناء عن نظارة القراءة ( كنت استعمل نوعين من النظارات واحدة للقراءة و اخرى للمسافات و اقوم بخلع ده و البس ده و هو امر مزعج جدا و كثير ما كنت انسى نظارة منهم فى اىمكان او اكسرها !!) .. كان همى الاساسى ان استغنى عن استعمال نظارتين و استعمل واحدة فقط ) و عليه فحالتك غالبا مختلفة اذا كنت تستعمل نظارة واحدة . و لا اعرف هل تغيرت التكنولوجيا و هل توجد عملية تتيح الروية لمن يستعملون نظارتين فى الاحوال العادية ؟ ..
انا خايف بدل ما اكون ساعدتك اكون لخبطك زيادة لكن من المهم ان تعرف كل جوانب الموضوع بدلا من ان تصادفها مستقبلا بعد ان تكون اجريت العملية .. عندك كام سنه يا عم كريم ؟؟ اذا كنت اقل من 45 من الافضل ان تنتظر شوية الا اذا كنت قد اقتربت من - 9 مثلا ... عندما تقابل الدكتور مرة اخرى ناقش معه هذه المسائل و رمضان كريم !