الله يبارك في حضرتك يارب :)
اللهم امين
عرض للطباعة
مبرووووووووووووووووك يا نور والله فرحتلك بس متجريش بالعربيه واهدى على الموتور لحد ما يتفتح عشان ده لسه زيرو براحه عليه اول 1000 كيلو
وبعد اول تغيره زيت حط بقى زيت نضيف واحرق براحتك يا معلم عشان تفوق المكنه ومتحطلهاش بنزين اقل من 92
الرينو محترمه ربنا يباركلك فيها ويديك خيرها ويكفيك شرها
الله يبارك فيك يا ميسوووووووو :) ربنا يخليك يارب :)
هو في اول 1000 يا ميسو السرعة 100 ولا 130 ؟
انا ماشي معاه 100 دلوقتي و مش بحرق عليه و عملت بيه 250 كم
حاطت فيها 92 بس الزيت بيمشي 10,000 كم بتاع العربية اللي هو Elf
اللهم امين يارب يخليك :) لوجي :Bravo: :grin28:
لا اللى اعرفه انها 100 مش 130 وخليك ماشى 100 وكويس ان مشاويرك طوالى ده بيريح الموتور اكتر بس متثبتش على 100 كتالوجات العربيات بتقول انه ميفضلش انك تفضل ماشى على سرعه واحده طول الطريق لازم تزود وتقلل السرعه عشان ده كويس للموتور بس مش عارف ليه بصراحه هما كاتبين كده
وطالما الزيت ماشى 10 الاف يبقى خلاص خليه وهما حيغيروه فى الصيانه بس غير معاه الفلتر ضرورى حتى لو هما مش حيغيرو الفلتر خليهم يغيروه عشان اول تغييره دى بينزل فيها الرايش بتاع الموتور كله اللى جوه بعد ما البساتم والحجات دى بتاخد وضعها
بس قوللى جالك قلب تركب عده الصوت فيها ولا خايف تمد ايدك فيها ؟؟
قشطة اخيرا هستفاد من مشاويري للجيش :beated: علشان هتبقي طوالي :colsmil:
و هغير الفلتر ان شاء الله مع اول تغييره
لأ ان شاء الله هركب الصب و ال جي ام بس مستني افضي شوية و اروح اسأل بازوكا بس خايف يقولي الكاسيت ضعيف و مش هيقومهم او الصوت مش هيبقي زي الكاسيت اللي كان عندي علشان مش هينفع اغير الاستوك بتاعها علشان المالتي فاكشن :guitarplay1:
بس ليا سؤال هل لو ركبتهم أخرج من ضمان الكهرباء ؟
على حسب التوكيل عموما ممكن تركبهم ولما تروح تعمل الصيانه كل فتره تشيلهم
قشطة :)
ايه مش ناوي تشوف اللوجي ولا ايه ؟!
ههههههههه ياعم انت مشغول على طول حتى ليك عندى امانه شايلهالك بتاعه استاز محمد وقولتلك شوف اى يوم تكون سهران فيه وكلمنى اقابلك باليل فى اى مكان
حد هنا ف الاعضاء عاوز يبيع سيينا 2002 بلس 1400 سي سي ؟ بس تكون حالتها كويسه
مشيت بالعربية 1300 كم ماشاء الله علي السحب بتاعها من ال 0 لغاية ال 170 سحب رااائع فوق الممتاز بس حسيت بأن العربية خفيفة شوية بعد ال 140-150 مش عارف هل ده كاوتش ولا ايه ! مع اني مضبط الكاوتش علي 29 قدام و 32 ورا زي ما مكتوب علي قايم العربية
تعلالي علي الصحراوي يا ميسو و نشوف السيينا ولا اللوجي :)
ميلقتش غيرى دا انا غلباااااااان ههههههههههه
عموما حتى لو السيينا اقوى من اللوجان فيه فرق زمن بين العربيتين يعنى الفرق بين عمر عربيتى كام سنه شوف انت :fun_36_3_4[1]:
اللوجان حلوه بس خلى باااااااااالك العربيه عاليه ومش عاوزه جرى والا لو عاوز تديها ثبات غير كاوتش وجنوط بقى بس فى الغالب ده حيخرج العفشه من الضمان
فبلاش تعدى ال 140 بيها لان ثباتها تقريبا زى السيينا الميجان هى اللى ثباتها افضل بكتييييييير
اجرى بس بالمعقول وانت مع الوقت حتعرف امكانيتها وتمشى على هذا الاساس وربنا يباركلك فيها
مساء الخير علي افضل منتدي و اجدع شباب
عندي كام سؤال بخصوص فيات سيينا موديل 2000 1400ccعلشان عايز اشتريها و قلقان منها مع العلم اني معنديش اي خبرة في السيارات و اول مرة مرة اشتري عربية و بسوق علي قدي حبتين و كمان انا من اسكندرية فياريت الاسكندرانية يساعدوني
1- عايز مركز او مكان متخصص في السيينا في اسكندرية علشان اكشف علي العربية من كل حاجة (ميكانيكا - سمكرة - عفشة- كشف كمبيوتر - كهرباء)و التكلفة هتكون قد اية
2- لو مفيش مركز بالمواصفات دي ممكن اروح لمين (ميكانيكي و سمكري) بس يكون شاطر اوي و يجبلي من الاخر و هياخد كام
3- قطع الغيار اسعارها اية و ممكن اجيبها منين و اية الاصلي و اعرفة ازاي
4- لو العربية طلعت كويسة يبقي سعرها حوالي كام مع العلم انها ماشية 130000 كلم وهل دة كويس ولا ماشية كتير
و الف شكر و اسف اني طولت عليكم
ياااااااااه الموضوع اتفتح من تاني :)
بلاش تستفسر في الموضوع هنا انت شايف قد ايه انا عانيت من السيينا بتاعتي بس برغم كده بحبها جدا انا اللي كانت معايا كانت حالتها وحشة جدا و برغم كده بحبها
الرجالة هنا هتفيدك ان شاء الله و اولهم استاذ محمد جلجل و ميسو :)
طيب ممكن تقولي توكيل فيات فين في اسكندرية و هيكلف حوالي كام وهو بيكشف علي كل حاجة(ميكانيكا-كهرباء-سمكرة-كمبيوتر) ولا حاجات معينة بس ؟؟
مركز صيانة فيات علي الصحراوي هتلاقي يافطة كبيرة مكتوب عليها فيات
هو توكيل فيات في اسكندرية هو اومترا اللي في الصحراوي ولا طارق النيل اللي في المنشية لاني كلمت الشركتين و الاثنين بيقولو انهم توكيل فيات وان الكشف علي العربية هيكلف 550 جنية
ولو هما الاتنين توكيل مين الاحسن و الاضمن فيهم
مش هقدر افيدك
هو فيه اوماترا علي الصحراوي و معرفش هو لسه الوكيل ولا لأ علشان كان فيه عضو هنا كان قال ان اوماترا مبقتش وكيل فيات فمعرفش الصراحة
و فيه الطارق اللي عند كوبري التاريخ
اللي هيقدر يفيد حضرتك هو ميسو و يقولك احمد لانشيا ده كويس في الكشف علي العربية ولا لأ!
الف مبروك