عجبتني النهاردة العربية الحمدلله جبت بيها 180 مستريح بس مرضتش ازود عن كده قلت كده تمام
جابت 180 علي ار بي ام 5 وشوية
عرض للطباعة
عجبتني النهاردة العربية الحمدلله جبت بيها 180 مستريح بس مرضتش ازود عن كده قلت كده تمام
جابت 180 علي ار بي ام 5 وشوية
بسم الله ماشاء الله ربنا يحرسك ويحميك
ايه اخبار الثبات وصوت الماتور عامل ايه على السرعة ده
بصراحه انا اخرى 140 على الصحراوى عشان الاسرة بتكون معايا وكمان بحس ان العربية اخرها كده مع انى دايس بنزين على الاخر والـ rpm بيكون على 5 ونص
بالنسبه لموضوع النقلات فعلا بيكون التيش وهو عبارة عن عصاية من الفتيس متصله ببليه وعصاية اخرى الى الماتور ولما تقفش على نقله بتكون البليه فرطت من مكنه بين العصايتين وحصلت معيا وانا على الدائرى
وكملت المشوار وانا على التالت لاقرب ميكانيكى.
روحتله امبارح قلتله علي رجرجة الموتور و الباور اللي راح قالي هشوفلك الموتور من ايه لما اشوف الباور و طبعا نسينا الموتور خالص لما اكتشف ان زيت الباور اختفي و العلبة فاضية و العيب من الاسكاترا
فكان معايا صاحبي قالي جهز فلوس و نروح لوسيلة بتاع عفشة في صلاح الدين و بيقولي ممتاز علشان عمل عنده عربيته الفيرنا قبل كده و هو هناك يفكهالنا و نروح لواحد يشوف اذا كان ممكن تتحشي ولا مينفعش و تتغير علطول !
هي تعمل كام الاسكاترا جديدة او مستعملة ؟
خسرت لتر زيت موبيل اللي راح و خسرت واحد تاني امبارح اللي هيروح هو كمان قالي هاتلك كام علبة زيت باور من ابو 10 جنيه علشان اول ما ينقص تزوده علشان متضيعش طرمبة الباور
ربنا يعينك في مشوار الباور
وطبعا لاننا بننصح بعض
وزي ما ميسو نصحني وانا اضحك عليا عشان قلبي الطيب اللي بيصدق الناس
الباور صارف معابا لحد النهارده 1850 جنيه ولسه ما اتصلحش رجاء
رجاء
لا تحشي علبة دركسيون
ولا تركب طقم اصلاح
ولا تصدق اي نصاب
علبة دركسيون السيينا مش بتتصلح
العلبة فيها سم قاتل
هتخرب بيتك
انا حرقت طرمبة الباور وغيرتها ب 400 جنية
وصرف على اصلاح العلبة 720 على مرتين بطقمين اصلاح
والنهاية صفر
العلبة في الوكالة من 500 إلى 650 استيراد ومعاك تجربة اسبوع رجاء انزل اشتري واحد
انا اشتريت من عزبة شلبي بس ولسه هاركب بكره
بس بصراحة في واحد في الوكالة اسمه مهران هو مصمم على 650 جنيه بس العلبة بتاعته شكلها رائع جدا عن اللي اشترتها ب500
عامة استني يومين لو ينفع وانا جرب اللي اشترتها لو كويسه انزل نفس المحل في عزبة شلبي وهاتها ب500 جنيه عند واحد اسمه محمد هتعرفه بسهوله لأن محله متغطي بقطع غيار سيينا
هات فعلا زيت من ابو 10 جنيه مؤقتا
والاسكاترا ب 500 تقريبا
علبة الدركسيون هي الاسكاترا اخي الفاضل بس عشان علبة الدركسيون باور بيسموها اسكاترا
ماشي في طريقي امبارح رايح الزفت الجيش الساعة 6,30 قبل الفطار كنت عند لكيلو 76 و ماشي علي 170-180 علشان عايز انجز
مرة واحدة لاقيت دخان كتير قوي داخل عليا من فتحات التكييف اللي في التابلوه بصيت علي الحرارة بسرعة لقيتها طبيعية قلت هقف علطول اشوف ايه اللي بيحصل اجي ادوس فرامل مفيش فرامل نهائي فضلت سايب العربية لغاية ما تهدي شوية لغاية الاخر كده رحت موقفها بالهاند انزل افتح الكبوت الاقي نار طالعة من ورا الموتور اعمل ايه اعمل ايه طلعت جري علي الشنطة اجيب الطفاية اللي مش متأكد موجودة ولا لأ علشان عمري ما اهتميت بالحاجات ديه الحمدلله لقيت الطفاية نزعت فتيل الامان و اجي ارش مفيش طيب ارجها و ارش مفيش طيب اقلبها و ارش مفيش :angry26: بقيت اوقف العربيات و معايا الطفاية و شايفين العربية مولعة نار و دخان كتير طالع منها مفيش حد راضي يقف بقيت اقف قدام العربيات علشان تقف :alien45: برضه مفيش :B4_048: كله بيعدي لقيت واحد ابن حلال وقفلي بعربيته بس للاسف معهوش طفاية بس فضل واقف معايا لغاية الاخر فجأة لقينا واحد جايب جركن كبيير جاي يجري علي العربية راح جاي مطفيها كلها بالمياه بعد كده فيه عربية نقل جاب الطفاية بتاعته بس كان خلاص مستخدمنهاش شوية لقينا شوية نار و دخان طالعين فبيدورا علي مية افتكرت اخيرا ان فيه جنبي علي الكرسي اللي قدام 2 كرتونة مياه :drugsneeded: ففتحوا واحدة و استخدموها و واحد مسك الطفاية بتاعتي و شغلها و رش بودرة علي البلاستيك اللي في العربية من ورا الموتور :pirate03:
اتصت بأخويا جه قطرني بعربيته اللادا و علشان اول مرة اسوق العربية و حد هو اللي بيسحبني قطعت الحبل 3 مرات و خبطت فيه كتير قوي علي سرعة 80 :hitwall3:
وديت العربية للكهربائي الساعة 1,30 بالليل و مشيت هروحله بعد الفطار ان شاء الله
الحمدلله علي كل شئ
لما كلمتك يا ميسو علشان اقولك علي ان العربية بتبطل و كده رحت للميكانيكي غيرلي موتور طرمبة البنزين اشتريته ب 110 من عند شكوكو بعد 120 بس علشان معرفة :( و الميكانيكي شمطني في 80 جنيه :) بس اللي خلاني ادفعهمله ان عوامة البنزين اتعدلت (مؤشر البنزين)
ايه الحكايه يا عم نور
اوعى يكون عليك نذر و الا حاجه
الف سلامه و بركه امك بخير .
نعمل ايه معاك ؟؟؟اى خدمه - حاضرين
تحياتى
حمد لله على سلامتك ويارب تكون بسيطة
امبارح رحت اخذت العربية من الكهربائي
قالي الدينامو اتحرق و غير فيه حاجات و اتكلفت 180 و غيرلي حاجات في الضفيرة اللي ورا و اخذ مصنعية 120 جنيه
و قالي تروح جري علي بتاع جكمانات علشان الجكمان بينفس ولا بيسرب لجوه و لو مشيت بيها تاني هتولع تاني
و قالي روح شوف الزيوت علشان العربية بتوقع زيت كتير
المهم طلعت من عنده روحت لبتاع جكمانات في الحرفيين المدينة الثانية عند اولاد جاد قالي السوستة هتتغير و فيها كذا حاجة كمان و التكلفة 140 جنيه و 10 جنيه للي شغال عنده بس قالي خلي بالك ال4 جوايت بتوع الفرن بيفكوا و بيسربوا و لو مشيت عليها العربية هتولع منك ولازم يتغيروا قلتله ما العربية ولعت خلاص و مكنش مصدق طبعا غير لما شاف بنفسه
المهم و انا مروح بيها اتمشيت شوية لقيت لمبة الانجكشن نورت كل شوية تنور و تطفي لغاية ما بقت منورة علطول روحت ركنت العربية و هطلع بكرة علي الميكانيكي ان شاء الله
بس و انا ماشي بالعربية عمالة تقطع كل شوية تحس ان البنزين مش واصل كويس الانجكشن فيها حاجة غلط
ايه ياعم كل اللى بيحصلك ده ؟؟؟؟؟؟
لاحول ولا قوه الا بالله
الحمد لله انك طفيت النار قبل ما يحصل مشكله الحمد لله
وبعدين 180 ايه ياعم اهدى شويه الله يكرمك انت مش راكب باسات ولا مينى كوبر
الحمد لله انها جت على اد كده
وموضوع التقطيع زى مقولتلك يا طرمبه يا فلتر وطلع الطرمبه بس 80 جنيه كتير الا لو فعلا صلحلك العوامه وبقت تمام
ولمبه الانجكشن ان شاء الله حتلاقيها حاجه بسيطه ان شاء الله
حمد الله على السلامة يا برنس والحمد لله أنك بخير
180 يا مفترى حرام عليك ، دة أنا بجيب الـ 140 وبقول ربنا يستر ومش بعملها على طول . لما بيكون الطريق بيسمح بكدة
أنت شكلك فى واحد عنية باصة عليك على طول ومش عاوز يسيب العربية فى حالها ( مشاكل ورا بعض مش طبيعى كدة )
أدبح حاجة بـ 4 رجول :)))
مش عارف والله يا ميسو بجد حاجة تزهق لولا اني حابب العربية والله كنت بعتها
هو 180 كتير علي تصليح الدينامو يا ميسو ؟
الحمدلله
هي العوامة بقت مظبوطة الحمدلله من ساعة ما فك الطرمبة و ركبها تاني بس معرفش قدام هتعمل ايه اتمني تفضل مظبوطة يارب
الانجكشن بقالي يومين بروح للميكانيكي متأخر يقولي هاتها بكرة ان شاء الله بكرة هضبط الميعاد و اروحله في ميعادي و يبدأ فيها ان شاء الله بس طول ما انا ماشي عمالة تقطع بعباطة :breakpc2: :angry26:
الله يسلم حضرتك يا استاذ عمرو
ما العربية المفروض انها تستحمل السرعة ديه و الطريق كان سامح بكده قوي
ربنا يستر طرييقك يارب
علي ايه :B4_444: هيركز معايا علي ايه ديه سيينا يا رجالة بتفكرني بالكروز والله العظيم كان كل يوم لازم مشكلة (خبطة,سرقة ) و اليوم اللي كان بيعدي من غير خبطات كنت ببقي فرحان قوي بس مكملتش شهر و 4 ايام
ايه رأيك في ارنب :) :wink:
رحت للميكانيكي من 3 ايام غيرلي زيت الموتور و الفلتر حطيت موبيل 3000 علشان هبقي اغيره لليكوي ان شاء الله بس هو كان فضي الزيت فكنت مضطر اجيب اي حاجة
غيرلي اسلاك البوجيهات انجليزي و تيل الفرامل الامامي و كشف عليها علي الجهاز و قالي تروح لكهربائي يضبطلك الضفيرة اللي قدام و 2 فيشة بتوع الكمبيوتر بتوع العربية و كنت سايبه شغال فيها بيعمل حاجات كتير في الكبوت و من تحت و طبعا بوظلي المياه الخضراء علشان حب يزود المياه من غير ما يسأل فيه جركن في الشنطة ولا لأ :( المهم اخذنا العربية بنجرب فيها تقطيع و كل شوية تنتش شافلي فلتر البنزين قالي سليم و مش محتاج يتغير المهم لو فضلت تنتش منك كده حطلها اوكتين قصده علي منظف الانجكشن و احنا مشيين فضلت تنتش بطريقة غريبة لغاية ما روحت موبيل حطيت stp للانجكشن و فولت سبحان الله العربية مش عربيتي اللي كانت ماشية كل شوية تبطل و عمالة تقطع بقت سليمة 100% الحمدلله بس للاسف مكملتش يومين و رجعت تنتش تاني و بتزيد كل يوم فأيه الحل بتاع الموضوع ده !!!
بما ان عربيتي سليمة 100% قولت اروح اركب سماعتين في الابواب الامامي جبت سوني 190 وات 2 واي برضه و عاملين شغل عالي
* بالنسبة للمراية التانية عندي اتكسرت لوحديها من غير ما المسها فصاحبي بيقولي علي مرايات الكاربون معرفش شكلها حد يقدر يفيدني في الموضوع ده ؟
الضفيره وفيش الكمبيوتر ممكن تأثر على الانجكشن وبالتالى العربيه حتنتش وتبقى مبرجله
بس هو طالما حطيت منظف انجكشن واتظبطت يبقى مشكلتك فى الانجكشن فى الغالب على حد علمى
انت بتحط بنزين من مكان واحد ولا اكتر من مكان وبتحط 90 ولا 92
الميكانيكي فعلا قالي غير فيش الكمبيوتر و اضبط الضفيرة اللي قدام علشان فاشلة منه لله اللي اخد مني 300 جنيه و قالي ظبطلك الضفيرة
صاحبي بيقولي العيب هتلاقيه في طمبة البنزين هي اللي عاملة المشكلة ديه علشان اول ما افول العربية بتتعدل لغاية النص كده و تبدأ تنتش من تاني و اللي مكنني قوي ان مؤشر البنزين باظ تاني و لما سألت علي الطرمبة قالولي ب 1600 جنيه
لأ من اماكن كتير و بحط 92
كل سنة و انتم طيبين و عيد سعيد معلش جاية تالت يوم علشان العيد بقي :)
حراااااااااااااااااااااام عليكي البنزين !!!
العربية بقت تسحب بنزين بطريقة مش طبيعية
الاول كنت بروح العلمين مرتين و ارجع بتفويلة واحدة دلوقتي بروح و انا راجع في الطريق بفول كده حرااااااااام هل ده بسبب لمبة الانجكشن اللي مش راضية تطفي ولا ايه علشان بفولها يوميا ب 60 جنيه و كده حراااااااااااااااااام
و العداد محسبش ال 100 الف كيلو يعني دلوقتي انا ماشي بالعربية 300 و حاجة كيلو بس يعني لسه زيرو :) بدأ من الاول خالص و مشيت بيها 300 كيلو بس !
فيه حد عايز يشتري سيينا 2002 زيرو عدادها 300 كيلو بس !!!! ايه يا ميسو اللي بيحصل ده