روح للمكانيكى االلى قال عليه عمرو اللى فى شارع مصطفى كامل
عرض للطباعة
روح للمكانيكى االلى قال عليه عمرو اللى فى شارع مصطفى كامل
النهاردة رحت للميكانيكي علشان حكاية اللمبة الحمرا وصلح العطل في ثواني
عن طريق انه مشي بيها شوية وبعدين فصل البطارية ووصلها تاني ...؟؟؟؟؟
أنا كنت خايف جدا بس الحمد لله اتحلت بسرعة ...
ربنا يخليك يا استاذ محمد
رحت للميكانيكي لقي فيشتين مش راكبين و قالي امشي بيها مسافة علشان هتلاقي بنزين (ني) علي البوجيهات فلازم تنضفها فقولتله طيب و موضوع انها كل 5 دقائق بتبطل اول ما ادوس دبرياج قالي حطلها مظف الانجكشن و اطلع بيها مشوار سريع رحت حطيت منظف الانجكشن من موبيل العامرية و طلعت علي الدولي رايح جاي لقيت العربية اخرها بقي 100 و جيت اخد غرزة عالسريع اتوبيس ريح عليا :fdsa: و انا بجري المهم اول ما وصلت و رايح علي الميكانيكي علشان اقوله :B4_611: لقيت العربية بتطلع دخااااااان كتير من عصاية الفتيس و من الكبوت و الجكمان و من كل حتة :11: انا قولت ولعت تاني :crying2: فكان معايا صاحبي وديتها لميكانيكي قريب من الاستاد كده و سيبتهاله و مشيت علشان جبت اخري منها العربية ديه خلاص :I_angr1[1]: روحتله بعديها ب 3 ساعات قالي كتمة الموتور سخنت الجكمان اللي بدوره سخن البلستكة اللي في الفتيس (الغيارات) سيحها دلوقتي لما بنقل بتبقي عذاب فهشتري واحدة النهاردة ان شاء الله و قالي حساس الايرماس عايز يتغير هو و حساس الايدل :arab: و اخد مصنعية 130 جنيه بطقم بوجيهات صيني غيره من دماغه من غير ما يقولي و رمي ال ngk الياباني :durak:
لاحول ولا قوه الا بالله
ومازالت مشكله العربييه دى فى الصنايعيه وفتى الصنايعيه الله يحرقهم
وبعدين انت كده لمفروض تحد العربيه على الجهاز تكشف عليها
انا العربية ديه يا خميس مش راضية تهدي عليا كل ما اصلح حاجة حاجتين يبوظوا بصراحة مبقتش قادر عليها ولا علي مصاريفها اللي مش بتخلص
الجهاز اخر مرة حطيتها عليه مكنش فيها مشاكل و الايرور اللي كان بيبان الميكانيكي كان بيظبطه و خلاص علي كده لكن من بعد ما طلعتلي مشاكل الحساسات ديه و انا مش عايز اعمل فيها اي حاجة كل اللي ممكن اعمله اغير ال 2 حساس دول و البلاستيك اللي ساح في الفتيس ده و كفاية انا مبقتش قادر خلاص لما اصرف علي العربية و علي الجيش مين يصرف عليا :tongue:
ربنا يكون فى عونك يا نور
انا عارف عذاب اللف على الميكانيكية وكل واحد يخترع شوية
جبت النهاردة زيت ليكوي مولي فورميولا سوبر 20w50 5000كم ب 120 جم
بقالي فترة بدور علي المشاغل و مش لاقيها جديدة هل هتبقي استيراد كويسة ؟ و هتبقي في حدود كام؟
المشاغل ديه يا استاذ محمد هي اللي مخلية نقلات الفتيس تقيلة جدا الميكانيكي قالي لما العربية سخنت جامد سيحت المشاغل البلستكة اللي في الفتيس من تحت لما تشيل الكفر الجلد في عصاية الفتيس
دلوقتي لما باجي انقل او اجيب اي غيار بيبقي تقيل جدا و بيطلع صوت جامد من جوة :fun_broken:
السلام عليكم اولا
بكره ان شاء الله رايح اسجل سيينا 2003
العربيه فبريكه جوه وحالتها نضيفه جدا
وهيا كامله 1400 وعامله 87 الف كم
صاحبها طالب 35 عايز نصيحتكم تخلص على كام تقريبا
وشكرا
فعلا يا استاز محمد السعر ده على عدد الكيلو ده يبقى شويه
كده يا اما العربيه محتاجه مصاريف او العربيه ملعوب فى العداد
لان اللى معاه 2003 وماشيه اكتر 100 الف بيطلب 38
او ممكن العربيه سليمه بس صاحبها مستعجل فى البيع
فالافضل تكشف على العربيه كويس رخص و سمكره ومكانيكا وتحطها على الكمبيوتر
و عليكم السلام
اكشف عليها الاول كويس جدا جدا و الافضل تروح التوكيل تكشف علشان ميحصلش معاك زيي انا اترفعت في عربيتي :fun_broken: و كل شوية تصليحات فالافضل تكشف عليها كويس و لو حالتها ممتازة (ممتازة مش كويسة) تول علي الله و اشتري
و بالتوفيق ان شاء الله
السلام عليكم يا جماعة الخير
انا ناوى اجيب عربية فى حدود اوائل التلاتينات النصيحة
سيينا و لا اكسنت ولا بولو؟؟
طبعا اكسنت تسعينات او 2000 و بولو تسعينات برضة
او حاجة تانية خالص لو ليكو راى تانى
السعر من 27 ل 33 ماكسينان
لو ملقيتهاش فى القاهره او لو اغلى يبقى روح لاحمد لانشيا وهو اكيد عنده وحيركبهالك وقوله لو العربيه متظبطتش مش حخودها عشان يركبلك حاجه نضيفه
معلش اسف ع التأخير وشكراً على ردودكم
انا جبت العربيه الحمدلله بقالها معايا 6 ايام
وبالفعل كشفت عليها كشف كامل وسمكرى وميكانيكى
ورفعتها فى بنزينة مينا هاوس اللى فى الهرم وعملت كشف كامل وكبس موتور
والحمدلله العربيه فبريكه وحالتها ممتازه جدا وصاحبها كان مستعجل عشان مسافر
خلصتها على 32500 الحمدلله والعربيه ظبطت شوية حاجات خفيفه فيها
وبشهادة الجميع الحمدلله مش محتاجه اى حاجه تانى
وان شاء الله اشارك معاكم فى الرابطه
نسيت اقولكم انها كان فيها مشكلة الحراره مع التكييف لما بشغله الصبح او الضهر
وانهارده روحت سلكت الردياتير والسربنتينه بتاعت التكييف وبقى ما شاء الله زى الفل
والمروحه المزعجه اللى ماكنتش بتفصل سكتت خااالص والحراره مش بتحصل الربع ما شاء الله
الف مبروك
الف مبروك يا باشا وربنا يديك خيرها ويكفيك شرها
وانا برضو لسة مشترى سيينا 2002 بس 1600 وكنت عايز اعرف اية انواع الزيوت الى تتحط للموتور واية الى تتحط للفتيس واية للفرامل واية للبور وكدة. وهى فيها كام سير علشان انا ما اعرفش غير بتاع الكتينة وبيتغيرو على كام والحاجات دى؟ ياريت حد يفيدنى .... شكرا
بص لازم تنزل الكتالوج العربى وتقرأه صفحه صفحه حتستفاد وحتعرف ارقام ومقاييس الزيوت وكده
اما بالنسبه للسيور فالعربيه فيها سيور كتير بصراحه :( باور وتكييف ودينامو وطبعا سير الكاتينه ومعاه سير تانى مش فاكر اسمه البلانص ولا ايه
والافضل تستخدم زيت ليكو مولى او فالفولين او موبيل وان ودول بيقعدو 10 الاف او 7 الاف على حسب سواقتك
هى العربيه ماشيه معاك اد ايه واخر صيانه اتعملت ليها امتى واخدتها بكام
للاسف مش هعرف اسمعك مبروووووووووووووووك
بس ممكن اكتبلك
الف مبررررررروك عليك السينا