ههههههههههههههههههههههاخوانى الاعزاء
والله وحاشتونى قوى وطبعا بعتزر عن قلة مشاركتى فى المنتدى
انا كنت عاوز خبراتكم فى الاسعار بتاعت شوية حاجات عاوز اعملها فى الابيزا 94
1- جلب دنجل ( اجيب دنجل على بعضه استيراد ولا اجيب الجلب بس )
اسأل علي الجلب و شفهم بكام لأنهم غير شائع تغييرهم و أعتقد مش هيكونو غاليين يعني في حدود 100 جنيه
2- تيل فرامل واحتمال طنابير امايه كمان
تيل فرامل فيه انواع كتير من 75 الي 200 جنيه
الطنابير فيه جديد من 250 حتي 400 جنيه بس أنصحك لو احتاجت تغيرهم اشتري جوز استعمال خارج يكونو محملين و حالتهم كويسة هيكونو أفضل مليون مرة من خامة الجديد و مش هعدو ال 200 استيراد
3-ماستر فرامل
مش عارف
4- كساحه اماميه
مش فاهم تقصد ايه بالكساحه الأمامية (يمكن اكون مهنج )
5- علبة الفتيس ( العلبه الى ماسك فيها العصايه علشان بتلق جامد )
انت محتاج حشو عصاية فتيس اللي هو السوستة اللي بتثبت العصاية نفسها اللي اسفل العصاية + الجلبة اللي بتبقي حوالين العمود اللي واصل بين الفتيس بره بالعصاية جوه و دول موجودين الاتنين في حدود 100 جنيه من زمان كنت سألت عليهم عند أشرف الشهابي للابيزا و كانو ألماني أصلي بس مشكلتك زي ما قلتلك ان الحتة دي محتاجه تتفك و نشوف ايه ناقص فيها لأن العصاية بتلق جامد و حواليها بوش كتيييييييييير عند الأكس الطولي اللي داخلها
6- بلية دبرياج ( يفضل انى اجيب طقم كامل ولا البليه كفايه )
انت قلت قبل كده انك مغير الطقم كله قريب و بناء عليه رأيي انك هتحتاج تغير البلية بس زي ما حصل معاي بالضبط و حكيتلك قبل كده مع الابيزا
7- جوز كبالن ( هيا العربيه بتقطق فى الملفات الحاده , اغير الكبلن كامل ولا الراس بس كفايه )
ماهي الطقطقة دي بيتغير فيها الكبلن الخارجي و فيه ناس بتسميها رأس الكلبن الخارجية يعني الاتنين واحد و بعد دي للداخل فيه عمود نقل حركة و بعدين ناحية الفتيس رأس الكبلن الداخلية او فيه بيسميها الكبلن الداخلي
المهم هتغير جوز كبالن خارجيين و فيه انواع كتير و كلهم صيني متخليش حد يضحك عليك و يقلك ألماني و مش عارف ايه لأني اتضحك عليا قبل كده في القصة دي بيبقي كله تغليف و كتابة و فحر عليه و في الأخر كله صيني المهم فيه جود ب 200 الي 400 ولو كده خليك في الأرخض لأنه كله زي بعضه و صيني زي ما قلتلك ولو عرفت تشتري جوز نضاف استيراد يبقي كويس لو حاتلهم حلوه هيبقو احسن من الجديد مليون مرة ولكن انت و حظك و لن يتعدو ال 200 جنيه الجوز
8- عوامه بنزين ( كتير قوى القراءه بتاعت البنزين بتبقى غلط هل هينفع تتظبط )
غلط القرأة بسبب نوع البنزين اللي انت بتستخدمه و كثرة الشوائب و العك فيه ولو نضفت و غيرت لبنزين 92 مع استخدام منظف و محاولة انهاء البنزين اللي في التانك مرة و اتنين القرأة هتتظبط معاك (عن تجربة سابقة للقصة دي معايا)
وانا بقترح اننا نفتح باب التبرعات واهو كل شيئ بثوابه
و حسنة قليلة تمنع بلاوي كتيرة و هنيالك يا فاعل الخير انت عارف حال البلد اليومين دول !!!!
والله المستعان
والله المستعان
المفضلات