تكييف البيجو 307

**shark_3li** · 12-06-2012 01:24 AM

التكييف بقي تمام يا جماعة وفي فرق واضح جدا بس برضو موصلش طبعا لتكييف العربيات الياباني بس مرضي جدا واحسن من الاول بكتيير المشكلة عندي كانت ان الفريون فيه هوا ورطوبة كتيير فكان بياخد وقت عشان يبرد ومكنش بيوصل لدرجة الحرارة المطلوبة غير ان السربنتينة كانت محتاجة تنضف دلوقتي الحمد لله انا شايف انو كويس جدا

**eng_asd2000** · 13-06-2012 04:56 PM

ممكن نعرف عملت الموضوع دة فين عشان لو المحل كويس نتعامل معاة

**shark_3li** · 13-06-2012 10:25 PM

عند كهربائي بيجو اسمه خالد رقمه ٠١٠٠٣٣٤٢٣٩٥

**mona anter** · 27-06-2012 03:18 PM

انا كمان التكييف عندي ملهوش اي لازمة ببقى نفسي افتح الشباك على الاقل هيجيب هوا ده وانا ماشيه الظهر, لكن الصبح بدري بيكون حلو اوي, فبفكر اوديه لحد يشوفوه,

**shark_3li** · 04-07-2012 07:57 PM

المشاركة الأصلية كتبت بواسطة mona anter

انا كمان التكييف عندي ملهوش اي لازمة ببقى نفسي افتح الشباك على الاقل هيجيب هوا ده وانا ماشيه الظهر, لكن الصبح بدري بيكون حلو اوي, فبفكر اوديه لحد يشوفوه,

لو عندك التكييف وحش وانتي ماشية يعني والعربية بتتحرك يبقى كده في عندك حاجة غلط ولازم تكشفي عليها وغالبا هتكون محتاجة شحن فريون أما لو التكييف وحش وهي واقفة في الزحمة فاعتقد إن معظم ال 307 كده بس برده ميمنعش إنك تكشفي عليها على الاقل تحسي باحسن أداء للتكييف

**toot70** · 05-07-2012 03:26 PM

اكشفوا علي عزم وظغط الكباس الاول ....لو ضعيف ممكن بيطببوه ويخلي العربية باشا

لو فيريون يبقي شحن ...ممكن تعملوه عند عشم نوار في م الجديدة

**shark_3li** · 07-07-2012 06:31 PM

المشاركة الأصلية كتبت بواسطة toot70

اكشفوا علي عزم وظغط الكباس الاول ....لو ضعيف ممكن بيطببوه ويخلي العربية باشا

لو فيريون يبقي شحن ...ممكن تعملوه عند عشم نوار في م الجديدة

لأ ده كده في كلام جديد
ممكن تقولنا إيه البيحصل في الكباس لو ضغطه ضعف يعني إيه بيطببوه وال موضوع ده بيأثر على حاجة وتكلفته اد إيه

**toot70** · 15-07-2012 03:22 PM

المشاركة الأصلية كتبت بواسطة shark_3li

لأ ده كده في كلام جديد
ممكن تقولنا إيه البيحصل في الكباس لو ضغطه ضعف يعني إيه بيطببوه وال موضوع ده بيأثر على حاجة وتكلفته اد إيه

بص يا سيدي لما الكباس بيبقي ضعيف بيطببوا عمود نحاس جواه كدا بيفكوه ويلحموا فتحة من فتحيتين فيه

ويرجع يشحنهولك صدقني هتبقي تمام بس روح لبتوع عشم نوار انا عملتوا عندهم

العمليه هتدخل في 150 مصنعية و200 شحن مش فاكر بس غالبا الاجمالي كان كدا واي حاجة انا تحت امرك

**benmatar** · 16-07-2012 01:01 PM

السلام عليكم
بصراحة مش عارف تكييف بيجو307 أخباره إيه، بس من واقع استخدامي لبيجو 406، و405 و 206 أقول إن بيجو تكييفها كويس، واقواهم طبعا 406، بس من خلال تجارب اكتشفت إن لو دورة تبريد موتور العربية مش تمام أو الموتور بيسخن هيكون التكييف مالوش أي لازمة غير إنه مروحة وبالأخص الحر بتاع اليومين دول، وأنصح بزيارة سريعة لمحطة بنزين وتنظيف دورة مياه تبريد الموتور وتغيير سائل التبريد بالمياه الخضرا وبالذات الأسباني iada
وهيكون الوضع مختلف تماما
وتاني حاجة هي الحرص على تنظيف السربنتينة بالهواء في أي محطة بنزين بذمة والفارق هيكون ملحوظ، بس الحق إن تكييف 406 بيكون ثلاجة لو الموتور مظبوط، واعتقد إن 307 برضه نفس الشيء

**shark_3li** · 20-07-2012 12:10 PM

المشاركة الأصلية كتبت بواسطة toot70

بص يا سيدي لما الكباس بيبقي ضعيف بيطببوا عمود نحاس جواه كدا بيفكوه ويلحموا فتحة من فتحيتين فيه

ويرجع يشحنهولك صدقني هتبقي تمام بس روح لبتوع عشم نوار انا عملتوا عندهم

العمليه هتدخل في 150 مصنعية و200 شحن مش فاكر بس غالبا الاجمالي كان كدا واي حاجة انا تحت امرك

ممكن عنوان ورقم تلفون عشم نوار وهو بيشحن الشحن العادي ولا عنده الجهاز اللي بيشفط الفريون وينضف ويرجع يشحن

الموضوع: تكييف البيجو 307

LinkBack

أدوات الموضوع

عرض

-

-

-

المواضيع المتشابهه

فكره / بخصوص تكييف الفلشيا يعنى تكييف بدون حمل على الموتور ياله بينا نشارك فى الحر ده

استفتاء بخصوص وحوش البيجو مش مالكين البيجو

تكييف العربية البيجو هل يؤثر على السيارة ؟

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة