الموضوع: مكافأة 3000 ثلاثة آلاف جنيه للي يدلني على عربية شبه دي للبيع مهما كانت حالتها نظيفة ت

المشاركة الأصلية كتبت بواسطة w-m-a

ما شاء الله
ربنا معاك

شكرا لدعوتك وشعورك الجميل

المشاركة الأصلية كتبت بواسطة migos

استحمل فضولي ممكن أعرف السبب؟

مش فاهم سؤالك بس تقصد ليه عاوزها هي بالذات مثلا
ممكن عدة اسباب اولها انها حلم طفولة او العربية اللي كنت بغسلها لبابايه او كان بيخليني اسوق دركسيونها وانا قاعد جنبو من طفولتي في طريقنا لصلاة الفجر كل يوم في جامع مختلف ثانيا هي فعلا سواقتها متعة وفخامة وليها قعدة غريبة كمان شكلها سابق لعصرها غير كده انا ركبت مئات العربيات وفضلت كام وحده بس هي اللي علقت في دماغي ودي وحده منهم بعدين انا عندي 6 عربيات منهم 2 لسه زيرو 2010 بجد اكتشفت ان العربيات دلواتي اي كلام وخشنة في المطبات وبعد دراسة لكل عربيات مصر اكتشفت ان اي عربية في مصر باقل من 700 الف فهي عربية نص كم او دون المستوى وبما اني مصمم سيارات فتفكيري بدل مشتري عربية ب مليون نص اجيب شبح 600 مثلا ب 150 واصرف عليها 100 الف وقفت ب 250 بس ساعتها اللي راكب ام مليون ونص يحس نفسو 128 جنب عربيتي اللي كلفت 250 الف بس عدا الضريبة الخرافية السنوية
اما الكراون رويال دي فدي واحدة من اخر 8 عربيات عايزة اضيفهم لمجموعتي واختم

انا قلتلك العربية هتلقيها فين واديتك رقم تليفون الراجل ومردتش عليا

المشاركة الأصلية كتبت بواسطة the_bird5

انا قلتلك العربية هتلقيها فين واديتك رقم تليفون الراجل ومردتش عليا

أنا مش فاكر حضرتك معلش بس أفتكر حد محترم كان شاف وحده على طريق أقاليم وجابلي نمرتو طلعت العربية موديل 99 مش 90 وكمان واحد قلي أو نفس الشخص تقريبا على محل قطع غيار في شربين المهم انا كلمتو وقلي اشوفلك ومكلمنيش تاني خالص وانا في يوم بيني وبينك قررت اروح شربين من فاقوس الشرقية عشان انا بسافر كل اول شهر لفاقوس اتابع العربية رقم 1 والعربية رقم 5 وهم بيتشدو فللاسف ملقيتش مواصلا ت من هناك قالولي لازم ارجع اركب من مصر وطبعا دخلنا في المغرب فمش حنلحق غير كده معرفش حد في شربين فقررت ازود المكافأة ل 3000 عشان حد يدور مكاني وصدقوني الموضوع بسيط ومحتاج بس يا اما مواطن من شربين جدع يصطادها او اي حد في المنتدى هنا يكون قرايبو امه ابوه ابن عمه ابن خاله موظف في مرور الدراسة يجيبلنا عنوان كام وحده كده وانزل الف عليهم وطبعا كل صحابها عيزين يخلصوا منها بس مش لاقيين مشتري بسبب عدم وجود قطع غيار خالص عندنا في مصر

ايوه انا اللى قولتلك على واحد من شربين على العموم انا بشوف منها عندنا كتير جدا وهسألك اللى بشفهم
انا من المحلة

المشاركة الأصلية كتبت بواسطة the_bird5

ايوه انا اللى قولتلك على واحد من شربين على العموم انا بشوف منها عندنا كتير جدا وهسألك اللى بشفهم

المشاركة الأصلية كتبت بواسطة the_bird5

انا من المحلة

مش قلتلك قبل كده انك شخص محترم وأنا بثق فيك عشان كلامك دايما دقيق من المرة اللي فاتت بس ارجوك تتاكد من الصورة عشان عاوزها 90 او 91 او 89 وتكون عشان تميزها زجاج الابواب من غير اطار وانا حستناك دنته كده حتجيبلي صدمة بتقلي عندكو منها كتير انا متاكد انك اللي بتشوفها كراون موديل 85 بس اكيد حد حيدلك منهم لان معظمهم عارفين بعض