الموضوع: مكافأة 3000 ثلاثة آلاف جنيه للي يدلني على عربية شبه دي للبيع مهما كانت حالتها نظيفة ت

[QUOTE=saddam;3874363479]طيب ممكن تشوفهالي بعد اذنك هل ممكن تكلمو وتعرفلي الموديل بالظبط ايه وهل هي سوبر صالون ولا رويال صالون يا ريت الرد عالخاص وانا اساسا من اسكندرية واعتبارا من الاربعاء القادم حكون هناك نروح نشوفها

المشاركة الأصلية كتبت بواسطة زكريا عيسى

تشترى كابريس مويل 67 طالع عين ابوها مرخصه ومعاها كابريس 91 صابونه فابريقه بره وجوه جايه من دبى متقطعه نصفين اعتقد انك ممكن تطلع منهم حاجه كويسه

إبعتلي السعر وتفاصيل أكتر بس لو العرض مغري وفيه تساهيل ممكن أخش عليها لو في جدية وجايز آخد ال 67 لوحدها أرجو المراسلة على الخاص علشان الموضوع مخصص بس للكراون

المشاركة الأصلية كتبت بواسطة well12m

هو سؤال بيراودنى من وقت ما شوفت الاعلان اشمعنى العربيه وبأى حاله كمان ؟ ايه الميزة مع ان فى عربيات كتير حلوة فى نفس الموديل يعنى الفكرة من العربيه ديه بالذات والموديل دة

وجهات نظر والعربيات اللي في سنتها قليل متكون حلوة وأنا العربية دي بعتبرها حلم طفولة وكان عندي وحده زمان نزلتها من التوكيل وفي يوم إتخبطت حلفت متبات البيت مخبوطة ورحت مغيرها بليلتها بأختها زيرو نفس اللون ده أيام مكنت غني قبل مفلس بسبب ثورتنا في مصر ربنا يعدل حال الناس كلها وزمان كان الواحد مؤمن بثقافة إن العربية تتغير كل سنة ومش مهمة العربيات بس بعد فترة يبتدى عندك عشق وهواية وتعلق بعض الأنواع فأنا نميت هوايتي وحبي للعربيات وكل اللي بيجيلي بحطو عليها وأحيانا تيجي أيام أقصر في أكلي وشربي بس ممكن أحوش أجيب جنوط غريبة مثلا لوحدة من عربياتي ب 20 ألف جنيه وأحيانا بشتري عربية بألفين جنيه بس وأصرف عليها 30 ألف بس مش في ساعتها ممكن عربية أحيانا أشد فيها 3 أو 4 سنين نظرا لأن أفكار االتصميمات مش سهلة وكمان الفلوس شحيحة اليومين دول وكمان التعديلات في مصر مكلفة بعبط وممكن يحصل فيها غلطات جامدة بس دي ملخص قصتي مع العربيات والعربية اللي نفسي أضمها لمجموعتي بعد التويوتا كراون 90 رويال صالون هي لكسز إل إس 400 موديل 1993 حصرا بس لسه قدام عشان شغال في كذا عربية من عربياتي وبيتي حيتخرب وفاسخ خطوبة 4 مرات بسبب العربيات ومصاريفها مش عارف أنا ليه يا جماعة الستات عندنا في مصر بيحبوا يحطولهم ضرة في كل حاجة يكون الراجل بيحبها معلش خرجنا بره الموضوع أعذروني

[QUOTE=abdo6179;3874380844]

المشاركة الأصلية كتبت بواسطة saddam

طيب ممكن تشوفهالي بعد اذنك هل ممكن تكلمو وتعرفلي الموديل بالظبط ايه وهل هي سوبر صالون ولا رويال صالون يا ريت الرد عالخاص وانا اساسا من اسكندرية واعتبارا من الاربعاء القادم حكون هناك نروح نشوفها

الرد عند حضرتك بالخاص حتلاقيه بل بالعكس يا راجل يا طيب إنت اللي إختفيت عني