مرحب بيكم

**ابو شهاب** · 08-06-2012 02:54 AM

السلام عليكم ورحمة الله انا مشارك جديد معاكم وياريت اكون ضيف خفيف ........
المهم ... انا اتعلمت السواقة جديد وعندي عربية فيات 128 موديل 1981 وكنت طالع بيها علي مطلع كوبري وطبعا كان فية عربية قدامي بدات اهدي ( ضعط علي الفرامل ضغط خفف للتهدئة العربية واضطريت اقف وياريت ما وقف... لية كل ما اشيل رجلي من علي الفرامل الاقي العربية تنزل للخلف ..اضغط دبرياج واشغل الموتور علشان امشي لاقي العربية ترجع للخلف تاني اضطر لدوش فرامل .. كررت كدة اكتر من مرة لحد ما العربية قامت ) المهم انا عارف ان دة مش عيب عربية لكن عيب في طريقة السواقة ... فياريت اعرف ما هي احسن طريقة في في السواقة ان امشي بيها بالعربية في لحظة اني اضططرت اقف بالعربية علي مطلع كوبري ... واتمني محدش يضحك عليا لاني متعلم السواقة جديد زي ما قلت .. وشكرا

**darsh_darsh** · 08-06-2012 02:57 PM

من غير ضحك لان الكل كده فى الاول ومع التعود هتبى تمام انت المفروض لما تقف على مطلع وعايز تطلع عندك حلين او طريقتين
الاولى للمبتدئين وهى سهله كل ما عليك انك هترفع الهاند وتدى الغيار عادى جدا وتدوس سنه بنزين وترفع دبرياج واول لما تحس ان الدبرياج لقط نزل الهاند عادى هى محتاجه تعود شويه
والطريقه التانيه انك ترفع رجلك لحد ميلقط الدبرياج واول لما يلقط بتثبت رجلك وترفع رجلك التانيع من على الفرامل ودوس بنزين
اتمنى اكون افدتك وياريت شرحى يكون وصلك

**ابو شهاب** · 08-06-2012 05:18 PM

شكرا يا باشا علي الافادة وفعلا هو دة اللي انا عملتة وكررتها اكثر من مرة ................. وشكرا لزوقك في الرد

**darsh_darsh** · 09-06-2012 12:54 AM

العفو اخى وهى محتاج ممارسه وجمد قلبك وهتبى محترف ان شاء الله

**Sehsss** · 10-06-2012 07:11 PM

المشاركة الأصلية كتبت بواسطة darsh_darsh

من غير ضحك لان الكل كده فى الاول ومع التعود هتبى تمام انت المفروض لما تقف على مطلع وعايز تطلع عندك حلين او طريقتين
الاولى للمبتدئين وهى سهله كل ما عليك انك هترفع الهاند وتدى الغيار عادى جدا وتدوس سنه بنزين وترفع دبرياج واول لما تحس ان الدبرياج لقط نزل الهاند عادى هى محتاجه تعود شويه
والطريقه التانيه انك ترفع رجلك لحد ميلقط الدبرياج واول لما يلقط بتثبت رجلك وترفع رجلك التانيع من على الفرامل ودوس بنزين
اتمنى اكون افدتك وياريت شرحى يكون وصلك

+11111111111111