أنا عارف إن الموضوع ده هيزعل مني ناس كتير خصوصا البنات الي في المنتدى ويمكن كمان المتجوزين وغالبا هيكئب الي بيفكروا يتجوزوا بس هكتبه وأمري لله بعد تفكير كذا يوم
كان يا مكان وانا فاتح الإنستجرام (برنامج صور) المهم دخلت على واحده سويديه مسلمة (بنت صغيره يعني في مدرسه لسه بتاع 3 إعدادي أو أكتر شويه) المهم نفسي أعرف ليه مفيش بنات كده في مصر يعني:
جمال بصورة فوق الوصف
حجاب بجد وطويل
مفيش ميكاب
لبس محترم وواسع
قمة في الشياكة
قمة في الأدب في التعامل
فرفوشة مش كئيبه وقاعدة في البيت وضاربة الوز
متدينه بجد (عبادات وأفعال)
طبعا الي فوق ده الكلام العادي نيجي لقدام تفتكروا واحده كده هتنكد على جوزها لمجرد النكد أو هتخليه عينة تروح على واحدة تانيه أو مش هتراعي ربنا فيه وبتعاملها حتى لو هو نص نص هتخليه يعاملها أحسن معاملة ويشيلها فوق دماغة؟
أكيد مفيش واحده 100% لإن الواحد مش 100% بس على الأقل الأساس من تدين وتعامل محترم وعدم كئابة.

لكن تشوف هنا في مصر الغالبية العظمة
يا محجبة أي كلام ونص شعرها بره وحجاب قصير ومكياج بالكيلو وعامله حواجبها ولبس محزق وحاجة زي الزفت
طبعا دي الواحد (أو على الأقل انا عمري ما هفكر أتجوز واحده كده)

يا زي الي فوق بس على أرحم شويه يعني مش حاطة ميكب ولا مطلعا شعرها لكن لبس عاوز الحرق ودي برده متنفعش

يا نيجي للأحسن شويه لبس معقول (لا يقارن بالأجنبيه المتدينة خالص) وحجاب معقول لكن يا
1) دم يلطش
2) مش فرفوشة وكئيبة ونظام العيال وتيجي تفكر تخرج تتفسح تكئب الي جابوك
3) يا نكديه وتموت تنكد عليك لأي سبب ودي غير الكئيبة
4) يا تفكير سطحي وأي حد يأثر فيها بكلمتين (وخسرت من العينه دي كتير بسبب الناس الي بتوقع)
5) يا معلوماتها عن الشياكة صفر كبير وسوري يعني تتكسف تخرج معاها

وطبعا كلهم معلوماتهم عن رضاء الزوج إنه يجي يلاقي الأكل جاهز ويحمد ربنا إنه لقاه أصلا
وطبعا كلهم بيقولوا يحمد ربنا إني وافقت عليه أصلا هو كان يطول

نفسي أعرف ليه مفيش زي الأجنبيه الي بقول عليها في مصر؟؟؟

طبعا الواحد مش كويس قوي إن ربنا يكرمة بواحده زي الأجنبيه المتدينه دي بس لو الواحد إتجوز واحده كده أكيد هتخلي شخصيته تتغير كتير للأحسن وهيعيش في راحة بال لإن مش كل حاجة خناق وكل واحد عايز يمشي الي في دماغة وخلاص ولا كل واحد شايف إن التاني يحمد ربنا على إنه وافق على التاني وعلى فكره حتى الي واخدين بعض عن حب بيحصل المشاكل الي فوق دي

ليه ميكنش واحده مصريه زي الأجنبيه دي
متدينه بجد
وفي نفس الوقت عارفة يعني إيه تعامل بأدميه (للأسف في مصر المجتمع مفيهوش كده عكس أوروبا)
وفي نفس الوقت شيك مش عشان لبس واسع ومحترم تبقى مبهدله في نفسها
وفي نفس الوقت فرفوشه مش التدين إنها تقعد في البيت تربي العيال وخلاص هو ده كل همها لكن حق جوزها فين أو حقها هي حتى فين من خروج وترفيه عن نفسها شويه مفيش

طبعا فيه حاجات كتير مش بإيد الواحد هنا في مصر أو في الدول العربيه لإختلاف إسلوب التربيه والتعامل بس ده برده ميمنعش إن حرام الي بيحصل فينا ده

معلش أنا طولت في الموضوع وبفضفض معاكم شويه لإن خلاص الواحد إكتئب وعلى وش تخرج والبلد ملهاش ملامح والواحد مش عارف هيعمل غيه في مستقبلة يعني الناس بتبقى خايفة واللد مستقرة فالله أعلم هيحصل فينا إحنا إيه وحال البلد كده ربنا يستر
وعاوز رأيكم في الهذي الي انا بقوله ده ومعلش لو كلامي غير مرتب بس انا بكتب بفضفت وخلاص
ويا ريت محدش يزعل مني ولا شباب داخل على جواز يكتئب ويدعي عليا عشان خاطر الواحد مش ناقص هيا ملطشه خلقة