سؤال فى بولو 98 1000 سى سى

**salvator** · 08-06-2012 02:44 PM

يا شباب الفولكس .. عندى سؤال محيرنى .. هل طبيعى الاقى زيت فى العمة ؟؟ فى الفراغ الداخلى للعمة جوا فلتر الهوا؟؟ هى كمية قليلة جدا (كام نقطة و عاملة زى رذاذ )
بس الموضوع خلانى اقلق , هل اقيس كبس المتور؟ و فين؟
العربية بولو 98 و معدتش 100,000 كم... و بمون بنزين 92 و الزيت
mobil Super XHP
افيدونى ....

**ehab_mansour** · 08-06-2012 06:26 PM

عادي طبعا وجوده و متقلقش المهم الزيت عندك بتغيره علي كام الف و بينقص ولا لأ ؟

**ehab_mansour** · 09-06-2012 10:39 AM

المشاركة الأصلية كتبت بواسطة salvator

شكرا م/ ايهاب على الرد السريع
انا بغير كل 3500 الى 4000
الزيت مش بينقص بس كان فى عامل فى بنزينة حطلى زيت زيادة و مخدتش بالى (نص لتر) الا بعد فوات الاوان . الكلام دة من زمااان.
سؤال تانى على السريع .. لو سير الدينامو عايز أغيره بس عندى تكييف بلدى و مافيهاش باور . ازاى اخد مقاس السير؟ و اجيبو منين بالمقاس؟؟

يبقي كده ان شاء الله مافيش مشكلة في الزيت و نسبة البخر بتزيد لو محطوط زيت زيادة فخلي بالك لأن الزيت الزيادة غلط

موضوع ازاي تاخد مقاس سير الدينامو و التكييف حضرتك هتحاول تاخد طول قطر السير لأن السير لو فكيته هتلاقيه عبارة عن دائرة .. جدلا لو قطعت السير ده و فردته و خدت طوله هو ده المقصود بيه قطر السير مثلا هيكون 1125 مم ... وهتشوف السير مخطط كام خط طولي و عموما أكيد هتلاقيه 6 خطوط لأن طالما الدينامو الاوريجينال راكب فمش هينفع يركب علي طنبورته غير سير 6 خطوط ...... و هتنزل تشتري سير مقاسه 6pk 1125

لو لقيت عندك مقاس خاص و مختلف عن الشائع او المنتشر انزل شارع المرسيدس في الحرفيين هناك هتلاقي محل متخصص سيور علي شمالك وانت جاي من ناحية شارع جمال عبدالناصر ولكن قرب نهاية الشارع ولو سألت كتير هيدلك عليه هو متخصص سيور اشتريه من عنده