الموضوع: رساله الى المحترم أحمد tv

المشاركة الأصلية كتبت بواسطة adelahmed5

أحمد بك بعد السلام عليكم و رحمة الله و بركاته الحقيقه انا معايا نيسان صنى اتوماتك لكن قرفت من العربيه و التوكيل مودرن عمرى ما عملت صيانه الا ا و كرهت اليوم ( استغفر الله العظيم ) اللى اشتريت فيه السياره كل مره لكن اخر صيانه و هى صيانه ال 15 الف تصدق صيانه عاديه لكن البهوات فى مودرن موتورز الدقى اضافوا مياه للبطاريه بهبل و كانت النتيجه انها وقعت على الشاسيه و قشرت البويه من الفايص يعنى الانسان العامل بيزود مياه البطاريه دون معاير و مفيش أسطى كبير يراجع عليه انا أعمل ايه انا زهقت من مودرن و نيسان وفى واحده اسمها مدام هبه اتصلت عشان تسأل عن رأى فى صيانه و لما قولتلها عملت نفسها ان دى عادى و بيحصل و معلش و كلام زفت انا اسف بس انت كنت اهم الاسباب انى اشترى العربيه دى لكن االلحمد لله من قبل و من بعد و انا نفسيتى تعبت و قرفت

طالما حضرتك بتخش المنتدى ومتابعة يبفى اكيد حضرتك عارف منه ان توكيل مودرن لا يتمتع بسمعة جيدة انا عن نفسى معرفهوش ومجربتهوش بس انا بنقل اراء الزملاء فى المنتدى دة بخلاف قولك ان عمرك ما عملت صيانة الا وكرهت اليوم الى اشتريت فية العربية فلماذا لم تغير التوكيل بعد اول او ثانى صيانة؟؟؟؟؟

حضرتك محتاج تروحلهم و تحل الموضوع ده بالترضيه اللى تراها مناسبه و بعد كده اتعامل مع اوتو ايجبت او السبع

المشاركة الأصلية كتبت بواسطة me_medoo

لاحول ولاقــــــــوة الا بالله
ليه الشركـــــــات والتوكيلات على مستــــــوي مصر بيتعاملو مع العميل كأن فلوسوا دي لاقيها في الشارع ... ولا كأنوا مالوا مال حــــــــرام ،وحلال فيه انو يبهدلوه ويبهدلوا حاجتوا
أنا مش هقول غير حسبي الله ونعم الوكيل ... ومش هعرف اقول غير كده علشان ما توقفش يومين كمان .

★★★★★★
وتحياتي

الله يكون فى عونك


بس غير التوكيل

لان العربية كويسة

المشاركة الأصلية كتبت بواسطة ahmddomar

لأ أبدا أحمد مصطفى رجل خدوم جدا ، وبدون متوجه له موضوع خاص ، الرجل لا يتاخر عن احد وده بشهادة أعضاء كثر في المنتدى ، بس ممكن يكون عنده ظروف ومدخلش وبالتالي مشفش موضوع سيادتك ، والرسول الكريم يامرنا أن نلتمس الأعذار لإخواننا ، وعموما هو أول ما يشوف موضوعك هيرد عليك وده عهدنا به

تقبل تحياتي

طبعاًانا عارف ان أحمد مصطفى رجل محترم و خدوم لوجه الله و عشان كده انا وجهت رسالتى له و متأكد انه مش هيتأخر فى النصيحه و انا قولت انه اكيد عندة ظروف و خير ان شاء الله و عموماً ربنا يجعل الموده و الاحترام بيننا جميعاً و شكراُ

المشاركة الأصلية كتبت بواسطة darkmagician

معلش بدون ما تزعل مني او تفهمني غلط حضرتك احمد مصطفى لما بيعمل حاجة بيعملها خدمة لوجه الله ورغم انشغالو بشغلو وححياتو مبيقصرش فهو اذا مردش منجيش نقول منفض ومش عارف ايه طريقة حضرتك كانو شغال في مودرن او حاجة

وطبعا اي مشكلة عندك طريقين انك تكلم نيسان مصر وتعمل شكوى فيها

ولو لا قدر الله متححلتش تكلم حماية المستهلك

وان شاء الله نيسان مصر حتكون ايجابية في الشكوى

بس ارجوك متزعلش من ملاحظتي

طبعاًانا عارف ان أحمد مصطفى رجل محترم و خدوم لوجه الله و عشان كده انا وجهت رسالتى له و متأكد انه مش هيتأخر فى النصيحه و انا قولت انه اكيد عندة ظروف وبالنسبه لكلمة منفض انا أسف اكيد مقصدش و خير ان شاء الله و عموماً ربنا يجعل الموده و الاحترام بيننا جميعاً و شكراُ و يا ريت حضرتك تقولى كيفيه التواصول مع نيسان مصر و جزاك الله كل خير

المشاركة الأصلية كتبت بواسطة darkmagician

16244
ده الرقم المختصر وحضرتك بعد كده تختار خدمة ما بعد البيع اذا ما لقيتش خيار للشكاوي

ولما حضرتك تقدم الشكوى اهم حاجة تطلب رقم الشكوى لو الموظف نسي يديهولك عشان تعرف تتابع شكوتك

انا متشكر جداً لحضرتك و جزاك الله خيراً