الموضوع: توكيل نيسان يبيع القشقاي الاتوماتيك باوفر برايس !!

عشت فتره في إنجلترا وتم رفع سعر السيارات من قب اتجار فتم مقاطعتهم ونزلت السيارات إلى ثمنها الطبيعي (اللي هوا أصلا بالنسبه لنا رخيص)
لو حصل الكلام ده في مصر كنا هنتكالب لشراء السيارات قبل ما تغلى تاني
ده شعب عنده إحساس بالمسئوليه وإحنا شعب بيحب الحرنكش

طيب ما في عز العرب ، اغلب العربيات من اول دودج ، كرايسلر ، مروراً بستروين ، فولفو لحد بروتون ممكن يكونوا مش موجودين وبالحجز
وممكن تستني 3 شهور وممكن تكون الشحنة واقفه في المينا وانت حاجز وثمنهم ثابت و مفيش اللعب دة، والكلام حصل معايا وحصل مع ناس كثير

المشاركة الأصلية كتبت بواسطة abuhusam

واحدة واحدة يا جماعة.. الحكاية فعلاً عرض وطلب.. هما بيعملوا كدة علشان حجوزات العربية أكتر من المتاح حالياً.. طيب ها هايرتبهم إزاي؟ بأسبقية الحجز؟ ها تدخل الواسطة والمعارف والأسبقية هاتتغير.. ده غير إن فيه ناس هاتبقى حاجزة في الأول لكنها مش مستعجلة أو مش فارقة معاها في شهرين أو ثلاثة.. وواحد تاني مستعجل أو مستعد يدفع أكتر ويستلم فوراً.. مع الاثنين بالتأكيد معاهم عربيات وعربيات كويسة كمان يعني مش ماشيين حافيين!
ببساطة التوكيل بيقول ليه يضيع على نفسه فرصة مكسب أعلى..فبيعطي أولوية للي مستعجل ومستعد لدفع مبلغ أكبر.. والمشكلة فعلاً مش عندهم المشكلة عندنا احنا.. ما دام فيه مشترين يدفعوا أكتر بس ياخدوا قبل غيرهم..
في أروبا والدول المتقدمة بيعملوا العكس تماماً.. لما تبقى الحاجة لسة نازلة جديد وعاوزين يبيعوا منها بيعملوا تخفيض على السعر لمدة معينة ويقولك لو اشتريت النهاردة أو خلال أسبوع ها تاخد خصم 25 % مثلاً.. ولو جيت بعد أسبوع ها تاخد 10 % بس ولمدة شهر وبعده هاتشتري بالسعر الأصلي.. يعني هو اللي بيدور على العميل وبيحاول يجذبه وده علشان المعروض كتير ومتنوع وتنافسي.. وفي نفس الوقت المشتري مش ملهوف على السلعة وبيفكر بعقل وبشكل عملي.. يا ترى هو محتاج القميص أو الموبايل أو العربية دي بسرعة قوي فيروح يحط الفلوس اللي معاه فيها دلوقتي؟ ولا ينتظر لما يبقى محتاجها فعلاً ويكون معاه تمنها وقتها؟

كلام جميل
بس لو هي كدة ممكن أعمل حاجة بسيطة .. أخلي العميل يملى ابليكيشن و فيها احطله خيار مدى الاحتياج للسيارة عادي او ضروري او ضروري جدا
او مثلا اعمل سؤال زي مثلا توقعك بميعاد استلام السيارة ( مثلاااااااا )
و بكدة هعرف مين اللي عايز الاول و مين مش مستعجل و هكذا و اسلم الناس طبقا لكدة حتى لو حد حاجز بعد التاني

و بعدين كدة او كدة انا شايف ان من العدل ان التسليم يكون بأولوية الحجز أو يعني fifo