مصيبة بسبب أحد أضافات الزيوت

**dedi** · 09-06-2012 08:22 PM

المشاركة الأصلية كتبت بواسطة tarek_2005

عمر الموتور الافتراضي في ظل اللاتزام بمعاير القيادة الاقتصادية والالتزام بتعليمات المصنع من 250000 الي 300000 كم
انتا طبيعة سواقتك ايه
انا سواقت عادية يعنى مو ش باشد ولا باحرق بس تعليمات المصانع على ظروف بلادنا يعنى التراب و الحرارة
نياً جائز جداً ان المشكلة ليست من الاضافات ولكن كان عندك تسريب زيت بسيط من اويسيل بوبينة مثلاً او جوان كارتيره وانتا لم تلاحظه والسير بالسيارة مسافة 10000 كم بدون الشعور بخشانة في المحرك لنقص الزيت اعذرني دا قلة خبرة منك بالسيارات ويجوز دا الي ادي للوضع الحالي
فعلا يجوز الخطا منى علشان كدة موش عاوز اظلم احد
طولت عليك
بس الان يمكنك ان تفك وش السلندر فقط كانك هتغير جوان والميكانيكي هيعرف اذا كانت عامرة كاملة ام طقم شنبر بخبرته واذا ما كانت الشمايز عتبت ام لا

ا طارق رايك اية لو شمبر اعملة و اخلص ولا لو عمرة استنى شوية
معلش ا طارق احب اخذ رايك و راى الاعضاء الكرام انا سيارتى موديل 2000 لانوس اول يد حالتةا الان محتاجة سمكرة خفيفة و دوكو اول مرة و طبعا عمرة او شمبر يعن سوف تكلف تقريبا 4000 او 5000 جنية بالاضافة الى 20 الي 30 يوم مابين سمكرى و كهربائى و دوكو و ميكانيكى(بها كاوتش جديد و بطارية جديدة جافة و ترخيص 3 سنين)
لو بعتها 40000 جنية و اضفت 5000 او 7000 جنية ممكن الاقى نوبيرا اة لانوس بحالة افضل من سيارتى و لا خسارة انا اول يد لسيارتى و عارف حالتها كويس
معلش للاطالة و منتظر ردودكم

**tarek_2005** · 09-06-2012 09:16 PM

لو بعت عربيتك الامانة تقتضي انك تقول للشاري علي عيوبها واي شاري هيخفض من ثلاثة الي اربعة الاف من ثمن السيارة يعني هتبعها بحوالي من 36 الي 38 الف وبالتالي انتا محتاج الي عشرة الالف فرق علشان تركب سيارة نظيفة مكانها يبقي خلي عربيتك ووضبها احسن

**semsem_saad** · 10-06-2012 12:17 AM

انا بخمن أخى الفاضل إن الإضافة إللى أنت أستخدمتها هى ريسوس المفروض أنة بيطول عمر الزيت وخلافة وأنا عموما إستعملته حوالى 3 مرات ..وظهرت عندى نفس المشكلة .....أولا دخنه بيضة مع الدوارة + نقص بسيط فى الزيت
طيب سؤال الميكانيكى إللى كشف على العربية إتاكد أنة شنمبر وألا علشان موضوع الزيت سؤال هل صوت الموتور يقا خشن وعالى ....هل فية بخرة كتيرة للزيت .؟..او لاقدر الله الموتور بيرزع
احب أقولك لو الأعراض دى مش موجودة كل القصة هتكون .....
1 - كاوتش صباب نشف ..طبعا هتغير
2- ومعاة هتعمل قواعد ودلايل عند الخراط وهو إللى بيركب كاوتش الصباب
3- الميكانيكى هيغيرلك جوان وش السلندر ولو فية أولسيه كدة وألا كدة وجركن زيت ..وشكرا
مصنعية ميكانيكى لحل الوش وتغير الجيوان من 200 إلى 250 + مصنعية الخراط زيهم وتمن كاوتش الصباب 50 جنية الأصلى جى أم وجوان الوش 25 جنية ولو أحتجت حاجة تانية عايز تغيرها يعنى حسبة 500 إلى 600 جنية ..وإن شاء الله هتطلع كدة مش أكتر

**chicobon** · 10-06-2012 06:38 PM

متابع بي اهتمام

**dedi** · 10-06-2012 07:45 PM

المشاركة الأصلية كتبت بواسطة semsem_saad

انا بخمن أخى الفاضل إن الإضافة إللى أنت أستخدمتها هى ريسوس المفروض أنة بيطول عمر الزيت وخلافة وأنا عموما إستعملته حوالى 3 مرات ..وظهرت عندى نفس المشكلة .....أولا دخنه بيضة مع الدوارة + نقص بسيط فى الزيت
طيب سؤال الميكانيكى إللى كشف على العربية إتاكد أنة شنمبر وألا علشان موضوع الزيت سؤال هل صوت الموتور يقا خشن وعالى ....هل فية بخرة كتيرة للزيت .؟..او لاقدر الله الموتور بيرزع
احب أقولك لو الأعراض دى مش موجودة كل القصة هتكون .....
1 - كاوتش صباب نشف ..طبعا هتغير
2- ومعاة هتعمل قواعد ودلايل عند الخراط وهو إللى بيركب كاوتش الصباب
3- الميكانيكى هيغيرلك جوان وش السلندر ولو فية أولسيه كدة وألا كدة وجركن زيت ..وشكرا
مصنعية ميكانيكى لحل الوش وتغير الجيوان من 200 إلى 250 + مصنعية الخراط زيهم وتمن كاوتش الصباب 50 جنية الأصلى جى أم وجوان الوش 25 جنية ولو أحتجت حاجة تانية عايز تغيرها يعنى حسبة 500 إلى 600 جنية ..وإن شاء الله هتطلع كدة مش أكتر

ا سمسم ياريت كلام حضرتك يكون يارب صح لاننى انا محافظ على السيارة و موش باقرص على الموتور و قبل هذة المشكلة كنت باحط موبيل وان
هو موش ريسوس هو نوع امريكى عرفتة من خلال المنتدى و الشركة بتنزل انواع عديدة من الشحوم للمصانع انا موش فاكر اسمة
هو الموتور مافيهوش خبط ولا رزع و لا بخار زيت بيطلع من المحرك
هو ممكن يكون الميكانيكى افتى بموضوع شمبر او عمرة علشان يفتح شغل لة , و بعدين هو الميكانيكى ازاى يحدد هو موش لازم يفك وش السلندر علشان يقرر
هو لو كشفت بالاسكانر سوف يبين اى شئ ام لا و اسف للاطالة و الف شكر

**MMamdouh** · 11-06-2012 02:11 PM

معلش اسمحلى اسالك سؤال... انت مشيت بالعربية 10000 كيلو و مبصتش على مقاس الزيت ولا مرة خلال ال10 الاف كيلو دول؟؟؟؟؟؟

MMamdouh

**MMamdouh** · 12-06-2012 01:53 PM

لازم تراجع على مستوى الزيت كل 1000 كيلو يا باشا خصوصا لو بتستعمل زيت معدل بخرة عالى لان مستوى الزيت اخطر من اى حاجة تانية

لازم تحدد مشكلة المكنة ايه بالضبط الاول قبل ما تقرر هتعمل اية

اعمل اختبار كبس... لو الاختبار طلع كويس يبقى البساتم و الشنابر و الشمايز تمام... يعنى نص المكنة التحتانى زى الفل... لو الاختبار مش تمام يبقى حاجة من دول فيها مشكلة و لازم هتفتح المكنة و تفكها خالص

الشمبر امرة سهل... و لو بستم فية مشكلة مش قضية كبيرة... انما لو عايز تخرط شمايز و تركب بساتم اكبر و كدة لازم تحسب التكلفة و تقارنها بتمن مكنة استيراد خصوصا ان المكنة ال 1600 الاتنين كامة ب 2500 جنية

لازم تحدد استهلاك الزيت من ايه... هل هو تسريب ولا حرق ولا تبخير

لو فية دخنة مستمرة مع شغل المكنة و اختبار الكبس كان تمام يبقى فيه مشكلة فى دليل او اكتر من دلايل الصبابات و هيبان كمان رواسب زيتية على البوجيهات و ديل الشكمان... الموضوع دة هيحتاج خراطة (شغل قواعد و دلايل) مع طقم صبابات... قارن التكلفة بسعر وش سلندر استيراد

لو الدخنة فى اول الدوارة فقط يبقى ممكن القصة كاوتش صباب و دة موضوع سهل و بسيط جدا

لو القصة بخر عالى يبقى بلاش الموبيل 1 لانة اصلا بيتبخر جامد... نصيحة غير الزيت و حط فلاش قبل ما تنزل الزيت القديم و حط فيسكو 5000 و تابع مستوى الزيت بعدها... انا ماشى على فيسكو 5000 بقالى 6000 كيلو و الحمد لله و الشكر لله منقسش مللى واحد فقط... اللى ماشى 6000 كيلو على موبيل 1 زمان الزيت بتاعة قل على الاقل لتر كامل

MMamdouh