سوال عن الفتيس الاتوماتك

**hussien456** · 18-06-2008 10:43 AM

السلام عليكم ورحمه الله وبركاته
انا بسوق عربيتي جن2 اوتوماتك دائما علي d علي اي سرعه وعمري ما استخدمت 2 و3 او L هل ده غلط وامتي استخدم كل غيار فيهم
وشكرا جزيلا

**ahmedsiyam** · 18-06-2008 01:03 PM

الاخ حسين
العربية الاوتو فيها 4 غيار
d ده بيديك 4 غيار عادى جدا و سواقة طبيعية فى طرق مستقيمة و عادية سواء داخل البلد او السفر
3 ده بيخلى العربية تشتغل اول 3 غيار و انا باستخدمه فى القيادة الرياضية فقط و طبعا ده بيبقى قليل لان الواحد بطل يجرى
2 بيخلى العربية تشتغل اول غيارين بس و طبعا استخدامه يرجعلك اذا كنت طالع مطلع و هاتمشى لمسافة طويلة و يكون معاك كمان وزن فى العربية
L ده اول غيار بس و ده يستخدم فى حالة اذا كنت بتجر حد او طالع مطلع جامد بس مسافته قصيرة و محتاج قوة العربية كلها

ده استخدامى للنقلات بتاعة الاوتو و ده وجهة نظرى الله اعلم انت ممكن تستخدمها ازاى و عموما طبعا المفروض تراجع المنيوال لزيادة التاكيد

و اكيد الاخ محمد الحسينى هايفيدك لانه معاه الاوتو بقاله فترة و خبرته تحترم واكيد فيها الافادة

**hussien456** · 18-06-2008 01:52 PM

حبيبي انت ياعم احمد حضرتك اكتر واحد بيهتم باسالتي واسرع واحد يرد انا سعيد جدا بردك والف شكر لك
يعني انا لو بسوق في طرق عاديه مايهاش مطالع او منحدرات يبقي d دائما مهما كانت السعه بطيئه او سريعه