الموضوع: عاوز اسكن

بص ياسيدى انا كنت زيك من كام سنة كده
كان عندى شقة واتسرقت بكل عفشى اللى متجوز بيه حتى الشبابيك ايام الثورة
طبعا انا كنت عايش ف بلد تانيا خالص بحكم شغلى والشقة كنت بروحها مرة كل شهرين ولا حاجة
نفسي كانت اتسددت جدا منها وبعتها بخسارة كبيرة علشان كرهتها وخصوصا لقيت ناس مش بتشتكى انها اتسرقت بس دى فيه ناس قعدت ف شققهم

المهم بقالى سنة معايا 90 الف ومش لاقى شقة ف القاهرة الا اللى بدون تراخيص وانا مرعوب من الحوار ده يعنى كان معايا شقة بتعتى مرخصة وخايف تروح منى هروح اشترى شقة مش مترخصة
لفيت ولفيت اللى القيه قسط مبالغ فيه وازيد من 3 او 4 تلاف واللى يقولى استلام كمان سنتين تلاتة وطبعا ارض فضاء وياعالم

خلاصة اللف الكتير لقيت منطقة كويسة قبل مدينة العبور قصاد مساكن النهضة خلف بنزينة توتال اللى عطريق مصر اسماعيلية بس ممكن تستنا سنة علشان تسكن علشان الخدمات وكده
بس لسه متردد

فحدد انتا عايز تسكن فين وقرر
انا كنت بدور على اى حتة بعيد عن الزحمة بس بردو ملقتش على اد الامكانيات وقاعد اهوا ف ايجار لحد مربنا يكرم بنصيبي