هونداوي جديد وطالب المساعده من الوحوش

**catmoon** · 09-06-2012 07:28 PM

معايا هوندا سيفيك 85 اوتوماتيك بصراحه العربيه كانت جباره لحد ماحصل المتقدر وكان قطع سير الكاتينه علي سرعه عاليه وطبعا ماادراكو بسير الكاتينه نصف عمره موتور كامه صبابات وجوانات والذي منه المهم الحمد لله طبعا بس المشكله ان العربيه مكانتش يتسخن خالص قبل كده عمري ماشوفتها جابت حتي الربع وده اخرها انما دلوقتي العربيه الطبيعي بتاعها النص فيما فوق وكتييير وانا جاي من اسكندريه الحراره عليت معايا جامد وصلت قبل الاحمر بحاجه بسيطه افتح الاقي العربيه طيرت كل الميه ال في الرادياتير والقربه اتملت علي الاخر ازود ميه وامشي بيها ربع ساعه تكرر نفس المشكله لما خنقتني ومش عارف اعمل ايه وخايف اخلي اي ميكانيكي يشتغل فيها يخربهالي اكتر زى بتاع الصبابات ال بوظهالي- اسف علي الاطاله بس ياريت المساعده يا شباب

**ahmedeihab** · 09-06-2012 08:20 PM

ده جووان وش سلندر
^_^

**lord_of_egypt22** · 09-06-2012 11:57 PM

جوان وش سيلندر والحق اعمله قبل ما الحرارة تبوظ الريداتير او تقفع وش السيلندر
انا عشت التجربه دي قريب
غيرت الجوان والريداتير

**honda forever** · 10-06-2012 04:38 PM

أكيد زى ما الناس قالت جوان وش سلندر

**catmoon** · 10-06-2012 11:33 PM

اولا متشكر اوي علي ردك بس انا ليا ملاحظه مش لو الجوان هو ال ضرب يبقي مفروض الميه تبقي مخلوطه مع الزيت والاقي الميه في القربه لونها طحيني والاقي الزيت نفسه فيه ميه؟؟؟ظ ده ال انا اعرفه عن الجوان لما يضرب انما الحمد لله انا كل الاعراض دى مش عندي وكمان لو هي جوان العربيه مش هتستني ولا حتي 5 دقايق علشان تسخن انما هي بتسخن بعد مشوار ربع ساعه كده وممكن ماتسخنش لو انا بجري بيها علي السريع هو في اخ قالي شوف موضوع الثرموستات ممكن يكون باظ وقافل سكة الميه علي طول ولا انت ايه رايك

**SAMEH_FOUAD** · 11-06-2012 01:13 AM

مش شرط الجوان لما يضرب يعمل طحينة

هو ممكن يضرب من عند مجرى المياة مش مجرى الزيت عشان كدة المية بتطير بسرعة

ونصيحة وديها لواجد كويس يظبطلك الوش ويعملك رودية للصمامات , ويظبطلك الماتور والجوان وان شاء الله هترجع زى الاول