الموضوع: موضوع لعملاقه الصوت فى المنتدى .. محتاج مساعده

المشاركة الأصلية كتبت بواسطة Deshahcoka

معلش حتتطفل على موضوع حضرتك في حاجة ياباشا :)

دلوقتي كاسيت السيرتاوا الفبريكة واصل ب 4 سمعات في البيبان ... كنت عاوز اركب جي ام و بازوكا ...

استقريت على حتة سوني 1200 وات بصندوقها و جي ام سوني برضه 600 وات بس بعد ما قريت مشارك الباشا البرنس الي كاتبها فوق قلت هوا لما اخد الطرف بتاع السماعتين الي ورا حاخدهم الاتنين ولا واحد فيهم ؟ يعني الجي ام حيشتغل على ناحية واحدة بس يا يمين يا شمال يعني ؟ و لو جبته 2 شانل يبقى اخد من ناحية و اركب بازوكا و شكرا ؟ ولا اجيبه 4 شانل و عشان اركب جي ام و اجيب سماعتين اركبهم كمان ؟

فهمتني يعني :) انا قصدي حاخدله منين الجي ام ؟ خلغي السمعات و اخد الداخل بتاعهم على الجي ام و بعدين ارديهم دخل منه يعني ؟ و ناحية واحد و لا الاتنين ؟ عشان الكاسيت بيخليك تشغل كل ناحية لوحديها !

بص يا جميل:
نصيحة أخ يعني .. في البازوكا يا تجيب ال JBL 1000 وات أو تجيب ال Pioneer 1300 وات بس البايونير غالية حبة بس قوية جداً .. لكن مانصحكش بالبازوكا السوني خالص

ثانياً: ال GM بياخد كابلين RCA من الكاسيت داخلين عليه و بيتوصل عليه السماعات أو البازوكا بدل توصيلها بالكاسيت تمام
لو هتشغل على الوضع الحالي مانصحكش توصل سماعات الفابركة على أي جي إم لإنه هيضرب السماعات بسرعة ..
فأمامك حل من اتنين ..
يا تسيب السماعات واصلة على الكاسيت و تجيب جي إم قوي 2 تشانل تركب عليه البازوكا و بكده أرشحلك الكينوود أو سوني أو بايونير (اللي تلاقيه منهم) بس يكون 2 تشانل تركب عليه البازوكا و بس

و الحل التاني إنك تغير السماعات كلها و تركب 2 منهم على جي إم 4 تشانل مع البازوكا أو تركب رف بسماعتين بيضاوي ورا و توصلهم مع البازوكا على جي إم 4 تشانل و الحل ده أنا أفضله عشان جودة الصوت

في الحالة ديه هتجيب سماعتين JBL 300watt تركبهم على رف ورا ب 275 جنيه
و هتجيب بازوكا (بس فكك من السوني خالص) هتكون بين 600 ل 900 جنيه
و هتجيب جي إم كينوود 720 وات 4 تشانل ب 740 جنيه أو جي إم 760 وات بايونير 4 تشانل و ده ب 630 جنيه و كابلاتك بقى هتعمل في حدود 200 جنيه و ركب يا جميل

طريقة التوصيل بقى في الحالة التانية ديه هتكون كالآتي:

كل التوصيلات تتم و البطارية مفصولة تماماً عن العربية
كابلين RCA هيتوصلوا من ضهر الكاسيت بالمداخل بتاعت لل GM
هتجيب كابل (سلك) 6 مللي شعر و ده بتوصل من + البطارية لمدخل الكهرباء الموجب في ال GM و ده طوله حوالي 7 متر
و هتجيب نص متر برضو 6 مللي من ال - بتاع الجي إم توصله على أي حتة مكشوفة صج في جسم العربية للأرضي
و هتجيب سلك 2 مللي شعر برضو بيتوصل من الكاسيت للجي إم في مدخل اسمه كنترول و ده عشان الجي إم يشتغل و يقفل مع فتح و قفل الكاسيت
بعد كده هيبقى فيه كابل من ال + و - بتوع البازوكا يتوصلوا على البريدج في الجي إم (و البريدج إنك بتاخد ناحية كاملة 2 تشانل جنب بعض من الجي إم بتركب في موجب في ناحية و السالب بتاع الناحية التانية)و بكده يبقى مركب البازوكا على البريدج و واخدة 2 تشانل
ال 2 تشانل الباقيين هيركب عليهم الوصلات بتاعة السماعتين اللي هيركبوا على الرف ورا
الموجب في الموجب و السالب في السالب بالترتيب شمال و يمين
و بعد كده تظبط الفلاتر بتاعة الجي إم
البريدج اللي عليها البازوكا تخليها Low Pass Filter - و التشانلز اللي عليها السماعات تخليها على High Pass Filter و بعد كده وصل الكهرباء و إبدأ جرب الصوت و ظبط الجين في الناحيتين

أتمنى أكون أفدتك

المشاركة الأصلية كتبت بواسطة boody_boo

بص يا جميل:
نصيحة أخ يعني .. في البازوكا يا تجيب ال jbl 1000 وات أو تجيب ال pioneer 1300 وات بس البايونير غالية حبة بس قوية جداً .. لكن مانصحكش بالبازوكا السوني خالص

ثانياً: ال gm بياخد كابلين rca من الكاسيت داخلين عليه و بيتوصل عليه السماعات أو البازوكا بدل توصيلها بالكاسيت تمام
لو هتشغل على الوضع الحالي مانصحكش توصل سماعات الفابركة على أي جي إم لإنه هيضرب السماعات بسرعة ..
فأمامك حل من اتنين ..
يا تسيب السماعات واصلة على الكاسيت و تجيب جي إم قوي 2 تشانل تركب عليه البازوكا و بكده أرشحلك الكينوود أو سوني أو بايونير (اللي تلاقيه منهم) بس يكون 2 تشانل تركب عليه البازوكا و بس

و الحل التاني إنك تغير السماعات كلها و تركب 2 منهم على جي إم 4 تشانل مع البازوكا أو تركب رف بسماعتين بيضاوي ورا و توصلهم مع البازوكا على جي إم 4 تشانل و الحل ده أنا أفضله عشان جودة الصوت

في الحالة ديه هتجيب سماعتين jbl 300watt تركبهم على رف ورا ب 275 جنيه
و هتجيب بازوكا (بس فكك من السوني خالص) هتكون بين 600 ل 900 جنيه
و هتجيب جي إم كينوود 720 وات 4 تشانل ب 740 جنيه أو جي إم 760 وات بايونير 4 تشانل و ده ب 630 جنيه و كابلاتك بقى هتعمل في حدود 200 جنيه و ركب يا جميل

المشاركة الأصلية كتبت بواسطة boody_boo

طريقة التوصيل بقى في الحالة التانية ديه هتكون كالآتي:

كل التوصيلات تتم و البطارية مفصولة تماماً عن العربية
كابلين rca هيتوصلوا من ضهر الكاسيت بالمداخل بتاعت لل gm
هتجيب كابل (سلك) 6 مللي شعر و ده بتوصل من + البطارية لمدخل الكهرباء الموجب في ال gm و ده طوله حوالي 7 متر
و هتجيب نص متر برضو 6 مللي من ال - بتاع الجي إم توصله على أي حتة مكشوفة صج في جسم العربية للأرضي
و هتجيب سلك 2 مللي شعر برضو بيتوصل من الكاسيت للجي إم في مدخل اسمه كنترول و ده عشان الجي إم يشتغل و يقفل مع فتح و قفل الكاسيت
بعد كده هيبقى فيه كابل من ال + و - بتوع البازوكا يتوصلوا على البريدج في الجي إم (و البريدج إنك بتاخد ناحية كاملة 2 تشانل جنب بعض من الجي إم بتركب في موجب في ناحية و السالب بتاع الناحية التانية)و بكده يبقى مركب البازوكا على البريدج و واخدة 2 تشانل
ال 2 تشانل الباقيين هيركب عليهم الوصلات بتاعة السماعتين اللي هيركبوا على الرف ورا
الموجب في الموجب و السالب في السالب بالترتيب شمال و يمين
و بعد كده تظبط الفلاتر بتاعة الجي إم
البريدج اللي عليها البازوكا تخليها low pass filter - و التشانلز اللي عليها السماعات تخليها على high pass filter و بعد كده وصل الكهرباء و إبدأ جرب الصوت و ظبط الجين في الناحيتين

أتمنى أكون أفدتك

باشا والله انتا برنس و راجل ذوء و عسل و ربنا يباركلك بجد :)

سؤالين اخرين معلش و تاعب حضرتك انا :)

ليه البازوكا الصوني لا ؟ عشان انا شايف انها متوفرة في بي تيك توكيل يعني بضمان و سعر ثابت مش بيتلعب فيه :) ولا ايه راي حضرتك :) ولا ال jbl حتجيب من الاخر اجدع من اي حاجة :) و البيونير الجديدة اشد منها يعني و تمنها فيها ؟

السؤال التاني :) معتقدش الكاسيت فيه فتحات rca :) عشان ده كست الفابريكة :) هل حقص السلوك و كدة ؟ بس حاخد اي خرج من الكاسيت يعني ؟ اكيد الكاست في 4 مخارج لكل سماعة 2 قدام و 2 ورا :) هيا ديه المشكلة الي انا مش متخيلها ! هل ينفع المس على سمعات ورا و اخد منها للجي ام برضه ؟ ولا لازم الغيهم ؟

و طبعا لو ركبيت سماعتين زيادة مع جي ام 4 شانل يبقى انا عندي 6 سمعات في العربية و بازوكا :) هههههه عيشة بس انا نقطتي الكاست حيدي الجي ام ازاي و هوا اكيد وش مفيهوش rca ولا كنترول ديه :)

المشاركة الأصلية كتبت بواسطة Deshahcoka

باشا والله انتا برنس و راجل ذوء و عسل و ربنا يباركلك بجد :)

سؤالين اخرين معلش و تاعب حضرتك انا :)

ليه البازوكا الصوني لا ؟ عشان انا شايف انها متوفرة في بي تيك توكيل يعني بضمان و سعر ثابت مش بيتلعب فيه :) ولا ايه راي حضرتك :) ولا ال jbl حتجيب من الاخر اجدع من اي حاجة :) و البيونير الجديدة اشد منها يعني و تمنها فيها ؟

السؤال التاني :) معتقدش الكاسيت فيه فتحات rca :) عشان ده كست الفابريكة :) هل حقص السلوك و كدة ؟ بس حاخد اي خرج من الكاسيت يعني ؟ اكيد الكاست في 4 مخارج لكل سماعة 2 قدام و 2 ورا :) هيا ديه المشكلة الي انا مش متخيلها ! هل ينفع المس على سمعات ورا و اخد منها للجي ام برضه ؟ ولا لازم الغيهم ؟

و طبعا لو ركبيت سماعتين زيادة مع جي ام 4 شانل يبقى انا عندي 6 سمعات في العربية و بازوكا :) هههههه عيشة بس انا نقطتي الكاست حيدي الجي ام ازاي و هوا اكيد وش مفيهوش rca ولا كنترول ديه :)

إتأكد بس من موضوع الكاسيت ده لإني شوفت في كذا عربية سيراتوالكاسيت فيه RCA
يا عم ده الكاسيت ال Beacker اللي في المرسيدس موديل 90 فيه RCA :D

و أي ضفيرة كهرباء داخلة على كاسيت من الحاجات الجديدة و منها السيراتو بيكون فيها وصلة الكونترول ديه .. زي بالظبط الكونترول اللي بيخرج من الكونتاك للكاسيت عشان يشتغل لما تفتح الكونتاك

موضوع عدد السماعات ده أنا في رأيي تركب السماعتين على الرف و دول اللي يوصلوا بالجي إم مع البازوكا و تجيب سماعتين كومبوننت أو 628 جي بي إل في الأبواب في الأمام و توصلهم مباشر بالكاسيت و إلغي السماعات اللي في الأبواب اللي ورا

أما البازوكا: السوني أنا شوفت شكاوي كتيييييييييير جداً منها سواء بازوكا أو صبات و على العكس تماماً بالنسبة للبازوكا الجي بي إل محدش جابها و اشتكى منها أبداً و كذلك البايونير
و بجد هات الجي بي إل و ريح دماغك أحسن

و بعدين يا جميل لو جبت الحاجة و نويت تركب قوللي بس و هظبطلك الليلة إن شاء الله