طلب استشارة لموديل لتويوتا الملكة

**s_sherif** · 15-07-2012 12:23 AM

السلام عليكم
انا واحد صحبى كان بيدور على عربية تويوتا المهم هو بيقولى انة شاف تويوتا موديل 1994 الملكة بس 1800 سى سى مش مقلوبة يمين زى 1600 المهم العربية بيقولة حالتها كويسة جدا
وفيها كل الكماليات و2 اير باج
يا ريت لو حد عندة معلومة عن العربية 1800 دى يفيدنا علشان هو متردد شوية من حاجتها لتكون قليلة او مش موجودة واستهلاك البنزين وكدة والضريبة وشكرا

**aboradwan3** · 15-07-2012 01:54 AM

كل حاجة ممكن يلاقيها في الحرفيين او شارع دمشق او استيراد ان شاء الله

**mr_sameh** · 15-07-2012 03:14 AM

الموتور ده اسمة a7 وده قطع غيارة قليله شويه وبعدين قصة انها مقلوبة من يمين للشمال ده بيعتبر عيب في العربيه

**s_sherif** · 15-07-2012 10:59 PM

يعنى العربية دى اكيد كانت يمين واتقلبت شمال ولا ممكن تكون شمال اصلا لان فية عربيات 1600 مش متحولة وهل هايكون فية فرق بينها وبين 1600

**mr_sameh** · 16-07-2012 01:12 AM

لا اعتقد انها شمال من الاساس لانها هتكون وارد امريكا العربيات اللي بيتم تعديلها بتكون وارد اليابان ودول تانيه ودول بيستخدمو محركات صغيره

**yasser_ds** · 16-07-2012 01:29 PM

السلام عليكم بالفعل قطع الغيار قليله لكن موجوده بالحرفيين عند العالميه تحديداً لأنه عرض عليا الموتور ده بالفتيس بتاعه و ده حيخليه تحت رحمة التاجر لانه حيبقى عارف انه محتاجه محتاجه و بعدين التعديل من اليمين للشمال بيعيب العربيه و يخسر كثير عند اعادة البيع دى لو اتباعت اصلا علشان نقص قطع الغيار و بالنسبه للضريبه مش حتفرق كثير و بناء عليه الرجاء النصيحه بعدم الشراء و 200 سى سى فى التويوتا مش حتفؤق و فى حالات حلوه كثير فى الملكه