موتور الf3

**esmail_ali** · 19-06-2012 06:05 AM

تفتكر انى معملتش كده دول ناس بيقوللى انه ده صوت طبيعى .... هل من الطبيعى انى ابقى راكب عربية 2011 وفيها صوت اعلى من صوت ونة المترو العربية مش رخيصة علشان يبقى فيها عيب قاتل زى ده والمفروض انه يتصلح على حساب الشركة الأم لو كانت شركة محترمة مكنتش سابت عيب زى ده يخفس سعر العربية فى الارض ويقلل من قيمتها السوقية وسعر اعادة البيع العربية فيما عدا ونة الفتيس انا راضى عنها جدا بس ونة الفتيس مخليانى مش طايقها راكب العربية كده وانا متكدر غصب عنى لأنى لو فكرت أبيع هخسر كتير بس اقول ايه ربنا معايا بقى فى مشوار وزارة الصناعة لأن حوار الرقابة دى مش جاى معاهم سكة فالموضوع لازم يتصعد علشان يتحل ومش هيتحل ليا لوحدى لأ فى ناس كتير جدا العربية مكرههم فى عيشتهم بيشتكو ا من حاجات تانى كتير من ضمنها العفشة وصاج العربية اللى الورق اللى صاج صفيحة السمنه بلاش صفيحة الزبالة علشان محدش يزعل اقوى منها والله ياراجل لو حد سد عليها بتتطبق اقولك ايه ولا ايه بس لو فتحت فى الكلام عن العربية دى محدش هيعرف يوقفنى خلينى ساكت أحسن

**esmail_ali** · 19-06-2012 06:13 AM

دول ناس بيقوللى انه ده صوت طبيعى .... هل من الطبيعى انى ابقى راكب عربية 2011 وفيها صوت اعلى من صوت ونة المترو العربية مش رخيصة علشان يبقى فيها عيب قاتل زى ده والمفروض انه يتصلح على حساب الشركة الأم لو كانت شركة محترمة مكنتش سابت عيب زى ده يخفس سعر العربية فى الارض ويقلل من قيمتها السوقية وسعر اعادة البيع العربية فيما عدا ونة الفتيس انا راضى عنها جدا بس ونة الفتيس مخليانى مش طايقها راكب العربية كده وانا متكدر غصب عنى لأنى لو فكرت أبيع هخسر كتير بس اقول ايه ربنا معايا بقى فى مشوار وزارة الصناعة لأن حوار الرقابة دى مش جاى معاهم سكة فالموضوع لازم يتصعد علشان يتحل ومش هيتحل ليا لوحدى لأ فى ناس كتير جدا العربية مكرههم فى عيشتهم بيشتكو ا من حاجات تانى كتير من ضمنها العفشة وصاج العربية اللى الورق اللى صاج صفيحة السمنه بلاش صفيحة الزبالة علشان محدش يزعل اقوى منها والله ياراجل لو حد سد عليها بتتطبق اقولك ايه ولا ايه بس لو فتحت فى الكلام عن العربية دى محدش هيعرف يوقفنى خلينى ساكت أحسن

**hany901119** · 19-06-2012 09:23 AM

والله يا سيدى انا اعرف ناس جابت من الآخر وغيرت الفتيس بره التوكيل بفتيس الانسر البوما 1600 بيجيبوا الفتيس بتاع الانسر وياخدو العمود والتروس اللى جواه وينقلوها لفتيس البى واى دى علشان مينفعش ياخد الفتيس على بعضه لأن فتيس البى واى دى فيه حساس مينفعش نقله علشان كده بيفضوا فتيس البى واى دى من التروس والحاجة اللى فيه ويسيبوا الحساس وينقلولوا حاجة فتيس الانسر يعنى بيخدوا بأختصار الفجوة بتاعة فتيس البى واى دى بس وينقلولها الحاجة بتاعة الانسر وريح دماغك خالص بدال التوكيل معندهوش فنيين كويسيين وكلنا عارفين كده لأن الموضوع ده مسمع اوى فوق ماتتصور بس ليا سؤال انت بتقول عندكم عربيات تانيه معملتش كده طيب ممكن اعرف العربيات دى ماشيه اد ايه وموديل كام ؟؟ وهل استنتج من كلامك ان حكاية الونه بتاعة الفتيس دى فى عربيات وعربيات لأ لأنى كنت راكب مره تاكسى وقالى ان موضوع ونة الفتيس ده اتحل فى العربيات اللى بعد شهر 6 2011 وواحد تانى قالى انه لقى بلية الفتيس فيبر مضغوط هل ده صحيح ؟؟؟ لكن موضوع الصاج ده انا شايف انه عادى لانه مش اقل يعنى من صاج الفيرنا ولا الاكسنت ولا الانوس اللى انا شخصيا جربتهم .....

**esmail_ali** · 20-06-2012 05:06 AM

أنا سمعت الموضوع ده بس مش متأكد من مدى نجاحه لو تم تعديل الفتيس بفتيس البومه هل التروس والعمود بيركبوا مظبوطين داخل الفجوة بتاعه الفتيس ولا بيبقى فى مشاكل فى نقلهم وتركيبهم لو فعلا موضوع نقل التروس والعمود ده هينجح يبقى أن شاء الله مفيش مشكلة أن شاء الله هتبقى صعبة كل شئ بعد كده هيبقى بأمر الله مقدور عليه انما بخصوص الصاج فصاج اللانوس اشد من ال byd والفيرنا انما الاكسنت القديمة اشد منهم كلهم ياراجل انت لو فتحت الكابوت وبصيت على صدر العربية ووهزيته هزة بسيطة كده بأديك هتلاقيه بيلعب لعب ملوش حل ده غير ان الكمر اللى فى الاكصدامات اللى قدام وورا زباله خفيف جدا ولا ليه أى لازمة ولا بيمتص صدمة ولا كأنه موجود من أصله العربية لو خدت رزعة من قدام او ورا مبتنفعش تانى بيبقى حوار يزعل وينكد بجد فين الله يرحمك يا فيات 132 ولا حد كان يعرف يجى جنبى او يطلع منى او حتى يفكر ويغلط ويريح عليا ايام عربيات بجد مش ورق

**bassem.naguib** · 20-06-2012 05:24 PM

يا باشا كل العربيات الجديدة صاجها ضعيف .. وده لاعتبارات كتير منها تخفيف الحمل على الموتور واستهلاك البنزين وعوامل الأمان .. كما أن السياسة التسويقية للسيارات عامة ماشية في اتجاه لو رفرف أتخبط غيره بواحد جديد ومتصلحوش لأن التكلفة تقريباً حتكون واحدة .. والحمد لله أن أسعار قطع غيار العربية كويسة جداً ومش غالية .

ده حتى موديلات المرسيدس والبي أم والفولفو الجديدة الصاج بتاعها نازل ضعيف .. ده إن كان أصلاً صاج مش فبر .. أنسى بقى ال 28 و ال 32 ده كان في زمن ناس عايمين فيه على وش الفتة

**esmail_ali** · 21-06-2012 06:05 AM

أنا متأكد أنهم دقوا عليها لأنى شايف الفنى وهو بيغير الكوبلن فعلا دق عليه بس هقول ايه حسبى الله ونعم الوكيل فنين بصراحة ملهومش فى أى حاجة خالص والله كان ممكن أشتريه من بره وأرخص من التوكيل وأركبه عند عفشجى نظيف بس مردتش اعمل كده علشان الرعشة دى تروح وبرده مرحتش وبعد ما ركبوا بقالهم عايز اجرب العربية يقوللى ادفع وبعدين جرب أحنا جربناهالك بشترى سمك فى مياه يعنى أسأل المهندس وأقوله الرعشة راحت يقولى أه بس من 30/40زى ما هى العربيات ال byd كلها كده أحلفلوا أنا العربية مكنش فيها حاجة ابقى ما اتهف فى عقلى وأجيبهالهم يخربوها يقولى لأ لدرجة أنى كنت همسك فيه لولا وجود مدير المركز قالى جرب عربيتك ولو فيها حاجة تعالى تانى احنا مش هنطير بس بصراحة خلونى كرهت المكان ومش عايز اعتبه تانى