معروض عليا عربيه تويوتا شبه اللامبرجينى كدة و بسعر قليل جدا أعمل أية ؟

**MaNoLa** · 13-06-2012 04:01 AM

المشاركة الأصلية كتبت بواسطة aboomar22

المشكلة مالهاش قطع غيار فى مصر ولا حد هيعرف يشتغل فيها حتى التوكيل عن تجربة بابا فى اواخر التسعينيات جاب عربية من الخليج تربتك موديل من فورد مش فاكر كان ايه المهم الفتيس الاتوماتيك حصل فيه مشكلة سحبناها على التوكيل واظن كان اخوان مقار قالوا الموديل ده منزلش مصر ومالوش قطع غيار هنبعت وكل شوية نروح نسأل يقولو لسه مردوش بس اعملوا حسابكم هنغير الفتيس كله وفالوا رقم فلكى اضطرينا نرجع العربية مقطورة للخارج واتصلحت بره عند الوكيل مع انها كنت عربية جديدة مع ذلك حدث العطل وفين فطريق سفر

عندك حق , المشكلة في مصر هنا أن العربيات ماركاتها محدودة أوى أوى أوى عشان كدة أحنا محصورين بين العربيات الأشهر في مصر

**Sherif Khalifa** · 17-06-2012 09:36 PM

السعر غير شامل الجمارك الى هيا ممكن تكون لسة مش اقل من 150 الف

و اهم حاجة بلاش عربية تكون شبة مستحيلة فى الصيانة او اى قطع غيار مثل الفوانيس و كدة
بلاش الانبهار بالشكل و خلاص

**lanos2004** · 17-06-2012 09:46 PM

التويوتا السيلكا من 300 حصان وانته طالع

**MaNoLa** · 18-06-2012 05:32 AM

المشاركة الأصلية كتبت بواسطة Sherif Khalifa

السعر غير شامل الجمارك الى هيا ممكن تكون لسة مش اقل من 150 الف

و اهم حاجة بلاش عربية تكون شبة مستحيلة فى الصيانة او اى قطع غيار مثل الفوانيس و كدة
بلاش الانبهار بالشكل و خلاص

ممكن بس هوا معلق نمر مصر عادى

المشاركة الأصلية كتبت بواسطة lanos2004

التويوتا السيلكا من 300 حصان وانته طالع

طالع فين دا كفاية أوى كدة

**bmya** · 18-06-2012 10:56 PM

شكلها كده من العربيات المتهربه زي الللي كانت بتيجي من ليبيا وقت الحرب فيها وكانت بتتباع ب 20 و 30 الف جنيه وبيتعملها ورق مضروب وانتي وحظك او انها عربيه نصفين واتلحمت واترخصت والله اعلم