-
اللة ينور حقيقى تسلم يا باشا
-
انا معايا العربية من شهر 3/2013 عامل دلوقتي بيها 11 الف كيلو
غيرت تيل فرامل و انا في 9 الاف كيلو مالقيتش التيل بتاعها الأصلي برا التوكيل لأن في التوكيل كان ب 550 جنية و انا كنت مفلس دورت برا الميكانيكي خد القديم و جاب حاجة تركب مكانه (بتاع تويوتا) ركب و اشتغل كان ب 150 جنية الطنابير كانت اتحكت جامد من التيل القديم كان رايح في داهية فعلا عملت لها خرط الواحد ب 20 جنية مع تركيب التيل الجديد ... المشكلة بقا ان التيل الجديد ابتدى يتاكل تاني !! ماكملش الألفين كيلو !!
بالنسبة للعربية هي كويسة جدا بالنسبة لتمنها (انا شاريها ب 110 الرسمي كان 107 بس المصرية خدوا ال 3 الزيادة عشان الأاستلام الفوري)
المشكلة اللي حسيتها فعلا ان العربية بعد ال 120 مش ثابتة خالص على الأرض و الفرامل ضعيفة و ال ABS ما بيفتحش بسهولة و تاني مشكلة و دي تعتبر حاجة بسيطة ممكن تتعالج بسهولة هي ان السماعات بتاعت العربية من أردئ الانواع اللي سمعتها في حياتي فعليا .. العربية فيها ولاعة لكن مافيهاش طفاية مافيش اماكن تخزين كويسة للموبايل مثلا
و تجربتي مع التوكيل عملت الصيانة بتاعت الألف كيلو (اسكندرية بتاع اول الطريق الزراعي) المهندس اللي هناك كان كأنه مهزوز كده و مش عارف المفروض يعمل ايه ! الشغل كان سريع و كويس بس المكان كئيب جدا (يمكن العيب عندي انا :) )
لكن عموما العربية كويسة لسعرها مش أكتر لكن بصراحة لو هارفع شوية لحد ال 130 و اشتري ستروين C3-Elyse كانت هتبقى احسن بكتير في رأيي .
-
شكرا على التقرير الوافى والله ينور عليك ولكن اسمح لى اختلف معاك فى نقطتين
اشتريت نيسان صنى الشكل الجديد اوتوماتيك حوالى من شهرين ب 113000من الاجنس فى التوكيل 109500. لاحظت الموتور صوته عالى فى الكابينة والباب ثقيل شوية (مقارنة باليابانى). غير انه فى بداية الحركة بسمع صوت قريب هسأل فى التوكيل وانا بعمل صيانة ال1000 كم. انطباعى عن العربية الحمد الله عربية كويسة بسعر كويس اظنها اختيار موفق. وانصح بيها.
-
موضوع جميل بس..
بس حضرتك نسيت ان التيل الامامي بيتاكل كل 10,000 كم و الطنابير بتعمل ريجة بعد اول 10
و كنترول المحرك و الفتيس قريبين أوي من الشبكة و ان اي خبطة ممكن تطيرهم بعكس القديمة كان كنترول الموتور تحت التوربيدو و الفتيس جنب رجل الراكب
الفتيس يعتبر أوطي جزء في العربية و أي خبطة بحجر او بلاعة عالية بتجيب فتيس و كبالن فورا
و في مشاكل في بلي العجل الامامي و الخلفي و ده كل 20,000 كم تقريبا
و الدنجل الخلفي مش متوافر للاسف من المصنع لو اتخبط او اتني شكرا كذا شهر
-
تقرير حلو أوي و تسلم الايادي بس العيوب أخبارها ايه ؟
فيه ناس بتقول ان تقفيلها من الداخل مش حلو و فيه صوت تقطقة في البلاستيك جوه الصالون في المطبات يا ترى الكلام ده صح و لا غلط؟
-
-
-
-
تقرير اكثر من راءع ما شاء الله
-
شكرا لحضرتك علي التقيم
بس رأي الشخصي فيها بعد ما شوفتها اكتر من 10 مرات وهيموجوده عند اوتو سمير ريان للي عايز يتفرج تحس انها من جوه عربية لعبه بلاستك من شكل الطابلوه والتكيف الأبواب مش بتقفل بسهوله خااااالص لازم تترقع
اما من جهه اﻷوسع فهي واسعه الصراحه والشنطة بحر بس الصاج حسيته خفيف قووووي وعلي فكره دي السوبر صالون وفيها جنوط سبور
Content Relevant URLs by
vBSEO 3.6.0 PL2