الموضوع: استفسار بخصوص الكيا ريو هاتش باك 2012

المشاركة الأصلية كتبت بواسطة 2code

صدقني انا بخاف اجري بيها انا جريت مره بيها بس مره واحده بس ومش هتتكرر تاني

انا لما كنت على 170 قللت السرعة مفرملتش جامد يعني فمجربتش ولكنني متأكد ان abs و ebd هيعملوا شغل كويس لعلمك الـabs لما بتفرمل على سرعات عالية جامد بيعمل رجرجه وصوت في الكاوتشات فده العادي بتاع الـabs اذا عربيتك هاي لاين وفيها abs فده عادي الرجرجه في الكاوتشات

انما هي ممتازه من كماليات وسعر وصيانة وقطع غيار وربنا ميجبش مشاكل ولا مصايب تستدعي فرامل جامده لانك صدقني لو كنت ماشي هادي وبس دوست دوسه خفيفة على الفرامل العربية هتقف في مكانها في لحظة واحده فعلشان كده انا العفشة زي الفل معايا ونظام عزل حلو فعلاً لو قفلت القزاز وشغلت التكيف خلاص انسى الناس اللي برا ومن رأيي برضه سعرها حلو عليها

مشكور يا غالى و ربنا يباركلك فيها

المشاركة الأصلية كتبت بواسطة 2code

باين ان معاك جين 2 ياريت تقول لي ايه اخبارها لاني ركنت الريو للمشاوير الحلوه بس يعني للمنظر وعايز اشتري اما اللوجان او الجين 2 لجوه البلد والرايح واللي جاي فأيه اخبار الجين 2 وياريت تقرير على الخفيف تغطية على ما تشمله

الجين 2 عربية جميلة جدا جدا
لكن لو جوه البلد انا مانصحكش بيها خالص
- استهلاك بنزين عالى جدا
- تقيلة فى حركتها فى الطلعات الاولى

غير كده العربية ممتعه جدا فى السفر كانك راكب عربية المانى و لا تحس بالطريق و لا الملفات و معاك كماليات كتير جدا و بسعر مناسب
العربية معايا من الزيرو موديل 2009 كاملة اوتوماتيك عملت بيها حتى الان 115000 كلم و من فضل الله مافيهاش اى حاجة خالص احتاجت اعملها باستثناء طلمبة الباور و كانت ضمان وقتها و غيرتها
للعلم انا مازلت باروح اعمل الصيانات الدورية كلها فى التوكيل لحد دلوقتى و اعتقد ده من اهم الاسباب اللى مخلية العربية بحالتها