الموضوع: سير تقسيمة ماروتى

المشاركة الأصلية كتبت بواسطة alking_2006

يا جماعه و الله الموضوع ابسط من كدا

انا عن نفسى بجيب سير الكاتينه من سوزوكى سنتر ب 50 جنيه ماركة suzuki ginune parts
و بغيره عند الميكانيكى اللى بتعامل على طول معاه و هو استاذ فى موضوع سير الكاتينه ب 30 جنيه و بغيره على 20 الف علشان عمره ما هيكون زى الفابركيه اللى بيقعد 40 الف و لا توكيل و لا وجع دماغ

هو ده النوع اللي بنجيبه من رامي ب 35 والحقيقه هو نوع ممتاز وميقولش لا

المشاركة الأصلية كتبت بواسطة hamaza81

سير الكاتينة بيتغير كل 40000 كم
والتوكيل بيكشف عليه عند الـ 40000 كم وبيقرر يغيره في وقتها واللا لأ
أحيانا بيأجلوه لحد 45 او 50 بحد أقصى
لكن عمره ما بيقعد أكتر من 50 ألف
الكتالوج مكتوب فيه 100 ألف دا الكتالوج بتاع العربية الـ injection اللي بتنزل في الهند

بالنسبة للأنواع
في نوع اسمه SGP اللي هو suzuki ginune parts ودا بيبقى بـ 35 جنية هتلاقيه عند رامي أو عند سوزوكي سنتر
في نوع تاني شفته في شارع دمشق اسمه Continintal ودا بـ 65 جنية عند أكرم حمدي
وفي نوع تالت مش فاكر اسمه ايه كان عند أكرم حمدي برضه بيقول عليه ياباني بـ 80

د. حازم وسبعاوي والعبد لله مركبين SGP - لكن أنا عن نفسي هابص عليه بعد 20 ألف وهاغيره على 30 ألف بالكتير

المشاركة الأصلية كتبت بواسطة mrghost

ياجماعه انا قريت الكتالوج النهارده مكتوب فية انه بيتغير علي 100الف كيلو بالنسبه للكربراتير والانجكشن انتوا جبتوا 40 الف دي منين?

هو مبدئيا مفيش كتالوج للكربيراتير في حد علمي ولو كان فهو مش لعربيتنا لان اللي فيه بناع ال 5 غيار في الفتيس

موضوع 100 ألف... لو كان جنزير كنت قلت مفيش مشكله يقعد ل 100 ألف انما ده ربل كاوتش

موضوع ال 40 ألف هما بيكشفو في التوكيل عليه على 40 وقد يتغير حينها وقد يتأجل ل 50 مش اكتر من كده

اللي خلانا نخاف اكيد مش تعامل التوكيل لان كلنا بايعين التوكيل من زمان انما قبل كده في واحد اتقطع منه على 39 ألف ومن حسن حظه انه كان متابع مع التوكيل كل الصيانات واتحملوها هما في الضمان ولحسن حظه ايضا ان الصبابات محصلهاش حاجه

من ما سبق
سير الفبريكا لا ينصح بالتأخير في تغييره عن 45 ألف وتغييره فيما بعد كل 25- 30 ألف تجنبا للمشاكل