أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

**MohammedAladel** · 13-06-2012 10:12 AM

المشاركة الأصلية كتبت بواسطة ramyhekal

ربنا يبارك فيك ياباشا احب اقول لحضرتك ان لتر البنزين ال80 عندى فى كفرالشيخ وصل 1.75 قرش فى بعض الاماكن 20 لتر ب 35 سعر ال 90

يعنى انت بتقوله احمد ربنا ع السعر دا ؟؟؟ السعر اللى بتتكلم عنه دا سوق سوداء احنا عندنا فى المنيا اللتر ب 3 جنيه وال 90 ب 4 و5 والبنزينات بتتكسر يوم ورا التانى كل ما يجى فيها بنزين الناس بتاكل فى بعض لو فيه قانون فى بلدك بيتطبق صح مش هيحصل دا كله وما زال السؤال يتكرر مافيش بنزين وكل العربيات ماشية ع الطريق إزاى ؟؟ ومسئولية مين ؟؟

**MohammedAladel** · 13-06-2012 10:26 AM

فى النهاية بقولك برافو عليك كنت خبطته موته خالص حاجة تنرفز بجد أساسا المفروض ما ياخدش ولا قرش لا بقشيش ولا غيره والبنزينه تديله مرتب واللى عملته صح الصح انت بتتكلم فى حقك ولو قرش واحد محدش يغصبنى انى ادفعه أدفعه بمزاجى آه لكن غصب عنى دا قمة الإهانة والنهب والسرقة والناس دى واللى زيهم عايزين قانون يلمهم

**theking2690** · 13-06-2012 10:30 AM

انت كده عملت الصح بس يا رب فعلا اللى بلغتهم دول ياخدوا خطوه ضده

**amrelsaqqa** · 13-06-2012 11:08 AM

بلغت التموين ؟
على فكرة انت طيب اوى
او تقريبا بقالك كتير مش عايش في مصر
كل محطاتك يا مصر بلا استثناء
لو لقيت 80 يبقى اول حاجة تحمد ربنا وتبوس ايدك وش وضهر

وثانيا سعر اللتر لا يقل عن 1 جنيه بأي حال من الاحوال
وان كان السعر جنيه والمحطة فاضية والبنزين موجود فأنت اسعد من 75% من المصريين

السعر 1 جنيه دى حاجة منظمة وممنهجة يعنى مش بلطجة من العامل ، بدليل ان محدش يقولك جنيه وربع وجنيه ونص (الا وقت الازمات الطاحنة والسوق السوداء فقط - وهذه ايضا ممنهجة ومنظمة - )
انما في الاحوال العادية كله متسستم على جنيه بالظبط

هو يبان لك ان البلد سايبة وان محدش قادر عليهم
ولكن العكس ، الحكومة هى اللى قايلة لهم يبيعوا ال80 بجنيه مع بقاء التسعيرة الرسمية 90 قرش

ومهما ظهرلك من بلطجة او خروج على القانون هم في الحقيقة بيخافوا من الحكومة جدا وما يقدروش يعملوا اي حاجة الا لو معاهم ضوء اخضر بيها

اصل مش معقول يعنى اصحاب جميع المحطات اجتمعوا في يوم واتفقوا انهم كلهم يبلطجوا على الناس ويبيعوه بجنيه
وتانى يوم نفذوا خطتهم

الكلام ده بقاله سنة وشوية ، مش حاجة جديدة ومش مشكلة فردية ولا مشكلة عامل !!

**khodiry** · 13-06-2012 11:23 AM

المشاركة الأصلية كتبت بواسطة elawany13

بص ياباشا
حقه ياخد 33 جنيه
وهوه عاوز بالبلطجة 37 جنيه
ياعنى عاوز 4 جنيه زيادة
!!!!

أنا عملت تليفونات وموبايلات بأكثر من الـ 4 جنيه اللى هوه عاوزهم بالبلطجة
ومستعد أخليهم 100 أو 1000 جنيه

الحكاية مش حكاية 2 جنيه ولا 4 جنيه
أنا برفض الإستهبال بكافة أشكالة
البقشيش بدفعه بمزاجى وأنا اللى بحدده
وأنا اللى بأختار ادفع بقشيش ولا مدفعش

انما لما يحددوا هما السعر بمزاجهم يبقى ده اسمه استهبال واستعباط
وبلطجه وقلة أدب

حضرتك شايف انى غلطان ؟

والله لو كل الناس عملت زيك الحال حاينصلح الله يباركلك

**Elawany13** · 13-06-2012 11:26 AM

أنا بمون من طنطا دائما ومقابلنيش الكلام ده خالص
كتير بيقابلنى عمال بيطمعوا فى بقشيش زيادة وخلاص
بتديله نصف جنيه بيقولك عاوز جنيه
تديله جنيه يقولك عاوز اتنين
لو مش معايا فكة بلاقيه بيخصم بمزاجه
وساعتها مبتحركش بالعربية قبل ما اديله اللى أنا عاوزه
بس عمرى ما شوفت البجاحة والسفالة ديه
محدش قالى قبل كده اللتر بجنيه
المتعارف عليه فى محطات بنزين طنطا
ان اللى عاوز يحط بنزين فى جراكن بيحط اللتر بجنيه
انما تنك السيارة لا

مرة واحدة بس بنزينه التعاون بنفس المواصفات ديه فى طنطا على الطريق الزراعى فى اتجاه القاهرة بعد المطاحن ... عداد الفلوس مش شغال لاقيته بيستهبل على الناس وبيحاسب على اللتر بجنيه وكله بيدفع وهوه ساكت ويمشى
لما جه دورى طلعت فيه مفتحش بقه وأخد الفلوس وهوه ساكت

فى اسكندرية حطيت بنزبن 80 فى محظة بنزين فى شارع مصطفى كامل عند الساعة ... العمال هناك كانوا محترمين !!!!

**mohammedabdallh** · 13-06-2012 11:29 AM

والله يا علوانى باشا حال البلد بقى يحزن
نفس الكلام حصل بس قبل ما افول قالى ب 1ج عاوز ولا لا
قلتله فول
بس هتعمل ايه مفيش غير كدا وان كان عجبك لاما بقى تمشى بمسدس ولا ميعجبكشى موته

**Elawany13** · 13-06-2012 11:42 AM

المشاركة الأصلية كتبت بواسطة ramyhekal

ربنا يبارك فيك ياباشا احب اقول لحضرتك ان لتر البنزين ال80 عندى فى كفرالشيخ وصل 1.75 قرش فى بعض الاماكن 20 لتر ب 35 سعر ال 90

الله يكرمك يا أخى الفاضل ... كل ده بسبب ظروف البلد اللى انفرط عقدها وبسبب تقاعس الجهات الرقابية ... بس الأهم بسبب سلبيتنا أحنا ... مكاسب مهولة بيكسبوها بالبلطجة وقلة الأدب والناس بتدفع وهيه ساكته هيسيبوها ليه
ده من مصلحتهم ان الأزمة تفضل كده على طول
عمال محطات البنزين خلال السنتين دول بقوا من الأثرياء

المشاركة الأصلية كتبت بواسطة eng f3lix

اخيرا صدقتني لما اقولك لازم تاخد حقك بايدك
كنت دايما تهاجم اي حد بياخد حقه بأيده وتقول البلد فيها قانون
فين القانون دلوقتي؟
انا لو مكانك مكانش هيهمني مراتي ولا عيالي وبردو كنت هعمل اللي في دماغي
معلش اعذرني دمي محروق عشانك

أشكرك ياأخى .... والله العظيم فى اللحظة اللى كنت برجع فيها بظهرى علشان أخبطه أفتكرتك وأفتكرت مواقفك مع سواقين الميكروباصات وبتوع الموتوسيكل .... فى اللحظة كنت غاضب جداً زالشيطان كان مسيطر على دماغى وبحمد ربنا إنى معملتش كده لإنى كده هكون أخدت حقى وزيادة
وهبقى ظالم وبلطجى زيه .. الظلم ظلمات يوم القيامة
إن شاء الله هقتص منه لو مش فى الدنيا هيكون فى الآخرة قدام الحكم العدل

هحكيلك موقف حصلى فى ثانوى
كنت فى الصف الأول الثانوى فى مدرسة فى السعودية
وكنا فى الفسحة أو فى حصة فاضية والدنيا كانت بايظة
كنت دائما سايب مسافة نفسية كبيرة بينى وبين العيال السعوديين
ومش مأخدهم عليا
ماشى فى حالى عيال بيهرجوا مع بعض واحد بيزق التانى فخبط فيا
فدخلت فى واحد ثالث سعودى مش عارف الولد ده فهم ايه ولا ايه اللى حصلة
فكر انى بعمل حاجه مش مظبوطه ولا ايه
لاقيته بيبصلى شذرا ولسه هفهمه اللى حصل راح بدون تفاهم مديلى خبطة بكل قوته فى عينى
لاقيت زى ما يكون برق فى عينا وألم رهيب برفع ايدى ارد عليه راح مدينى زيها فى عينى الثانية
غمضت عينى من شدة الألم وجالى عمى مؤقت لمده حوالى نصف ساعة
روحت لمدير المدرسة السعودى كلامه كان مايع ومحسمش الأمر

أقسم بالله بعد أقل من شهر نفس الولد السعودى ده
دخل فى عينه اليمين الإريال بتاع العربية
وعمل عمليات كتيرة جدا فى السعودية ومفيش فايدة
نزل فرنسا عمل كذا عملية ومفيش فايده العين تدمرت تماماً
وفى الآخر بعد سنة أو أكثر رجع بعين زجاجية
سبحان الله

الظلم ظلمات يوم القيامة
ودعوة المظلوم مستجابة ... وربنا سبحانه وتعالى بيعجل بيها فى الدنيا