الموضوع: أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

المشاركة الأصلية كتبت بواسطة ahmed_nubira

هيا دي الفكره الموضوع مش 2 جنيه ومش بقيمه الفلوس ,,,اللي اقصده ان
لو كان لوحده كان يطلع عين اهله او بعد كده يبلغ عنه
انما نفترض لو الراجل بتاع البزينه شد طفل من الاطفال او لا قدر الله حصل حاجه!!!!
ياجماعه تجنبوا الخناق اثناﺀ وجود الاسره حفاظا عليهم

أخى الأستاذ أحمد أنا فاهم قصدك ... وأكيد مكنتش متخيل ان الموضوع هيتطور بالشكل ده
متخيلتش الجرأة والبجاحة والسفالة توصل لكده
حسبنا الله ونعم الوكيل

المشاركة الأصلية كتبت بواسطة Kareem Fawzy

والله يا احمد بيك اللى انتا عملته دة عين العقل
مرة بردو كانت عربيتى اللمبة منورة
وكنت رايح انا واشرف ابراهيم من هيونداى من شبرا لمدينة نصر
وواخد ال3 كبارى بتوع الزاوية وكوبرى القبة وابو وافية
واللمبة منورة لاقيت محطة معفنة اسمها مصر
بقوله فى 92 قالى اه
قولت احط بعشرين جنيه 92 لحد لما الاقى محطة نضيفة احط منها
فلاقيته بيقولى حطلك ب19 قولتله على اساس اية يعنى قالى هاخد الجنيه
ساعتها عينك متشوف الا النور وامة لا اله الا الله اتلمت وبيهدوا فيا حتى اشرف بيحاول يهدينى
انا ادى بمزاجى دة اسمه بقشيش مش اجبارى عليا اديك
ومشيت اللى فى دماغى وحطيت بعشرين وكنت هضربه كمان
لانى بجد لعنت اليوم اللى اتولدت فيه فى البلد دى

الله ينور يا أستاذ كريم ... يارب كلنا نقف ايد واحدة ضد الجشع واستغلال الظروف

المشاركة الأصلية كتبت بواسطة ahmedeihab

و الله يا كريم الللى زى ده متديهوش اى حاجه حط بلفلوس اللى انت عايزها و سيبه و امشى

و فعلا انا عايز اسافر محدش عنده فيزا رايح افغانستان ولا اى داهيه

^_^

والله الواحد فعلا كره نفسه وكره البلد باللى فيها ... مفيش فايده ... خدنى معاك

المشاركة الأصلية كتبت بواسطة Kareem Fawzy

دة اللى انا عملته يا ايهاب والله
واصلاً انا من الاول مكنتش ناوى اديله حاجة
بس وهو بيحط كنت بدور فى العربية على نص جنيه ولا حاجة علشان اديهوله وبعد لما عمل كدة
قولت وحياة امى ما هديك حاجة يا ابن التيييت
وقد كان


افغانستان اية يا ايهاب مفيش كدة
ان شاء الله فى امل لما الفشيق يمسك البلد تتعدل ههههههه

اللهم ولى من يصلح

المشاركة الأصلية كتبت بواسطة aboomar22

على فكرة العرف فى محطات ال80 دا لو لقيت يعنى ان اللتر بجنيه مش ب 90 قرش واغلب اللى بيمون من المحطات دى بيبقى عارف كده هو انا معاكم مش صح بس هو دة الى ماشى والناس كلها موافقة

هيه ديه الكارثة ان قطاع كبير من مستهلكى البنزين موافقين على الجشع والاستغلال وأخذ الأموال بدون وجهة حق سواء قل أو كثر ... أخى عمال بيستعبطوا ويستهبلوا ... وشايفين بندفع وساكتين لقيه ميقلبوناش ويغشونا ويسرقونا ... ده حتى يبقى حرام عليهم !!!!

المشاركة الأصلية كتبت بواسطة AhmaZonG

أنا قلتلك كده يا باشا عشان أنا ساكن في صفط اللبن عارفها ولا لأ !!!!!!!!!

فلازم تتعود على كده ..

بس كده

عارفها مرة روحتها من أكثر من 11 سنة .. كلها ميكروباصات إلترامكو ... ربنا يعينك
أنا محتفظ جنبى دائما بده ... بس مستخدمتهوش لسه ... يارب ما استخدمه
[img3]http://img267.imageshack.us/img267/1212/37c11.jpg[/img3]

المشاركة الأصلية كتبت بواسطة ahmedeihab

هههههههههههههه خلينى ساكت علشان الموضوع ميقلبش سياسه و يبوظ للراجل :d:d

^_^

ولا يهمك ياباشا براحتك