الموضوع: أنا إتعرضت لحادث بلطجة فى محطة بنزين بترومين قبل دمنهور فى اتجاه القاهرة

المشاركة الأصلية كتبت بواسطة elawany13

الله يكرمك يا أخى الفاضل ... كل ده بسبب ظروف البلد اللى انفرط عقدها وبسبب تقاعس الجهات الرقابية ... بس الأهم بسبب سلبيتنا أحنا ... مكاسب مهولة بيكسبوها بالبلطجة وقلة الأدب والناس بتدفع وهيه ساكته هيسيبوها ليه
ده من مصلحتهم ان الأزمة تفضل كده على طول
عمال محطات البنزين خلال السنتين دول بقوا من الأثرياء



أشكرك ياأخى .... والله العظيم فى اللحظة اللى كنت برجع فيها بظهرى علشان أخبطه أفتكرتك وأفتكرت مواقفك مع سواقين الميكروباصات وبتوع الموتوسيكل .... فى اللحظة كنت غاضب جداً زالشيطان كان مسيطر على دماغى وبحمد ربنا إنى معملتش كده لإنى كده هكون أخدت حقى وزيادة
وهبقى ظالم وبلطجى زيه .. الظلم ظلمات يوم القيامة
إن شاء الله هقتص منه لو مش فى الدنيا هيكون فى الآخرة قدام الحكم العدل

هحكيلك موقف حصلى فى ثانوى
كنت فى الصف الأول الثانوى فى مدرسة فى السعودية
وكنا فى الفسحة أو فى حصة فاضية والدنيا كانت بايظة
كنت دائما سايب مسافة نفسية كبيرة بينى وبين العيال السعوديين
ومش مأخدهم عليا
ماشى فى حالى عيال بيهرجوا مع بعض واحد بيزق التانى فخبط فيا
فدخلت فى واحد ثالث سعودى مش عارف الولد ده فهم ايه ولا ايه اللى حصلة
فكر انى بعمل حاجه مش مظبوطه ولا ايه
لاقيته بيبصلى شذرا ولسه هفهمه اللى حصل راح بدون تفاهم مديلى خبطة بكل قوته فى عينى
لاقيت زى ما يكون برق فى عينا وألم رهيب برفع ايدى ارد عليه راح مدينى زيها فى عينى الثانية
غمضت عينى من شدة الألم وجالى عمى مؤقت لمده حوالى نصف ساعة
روحت لمدير المدرسة السعودى كلامه كان مايع ومحسمش الأمر

أقسم بالله بعد أقل من شهر نفس الولد السعودى ده
دخل فى عينه اليمين الإريال بتاع العربية
وعمل عمليات كتيرة جدا فى السعودية ومفيش فايدة
نزل فرنسا عمل كذا عملية ومفيش فايده العين تدمرت تماماً
وفى الآخر بعد سنة أو أكثر رجع بعين زجاجية
سبحان الله

الظلم ظلمات يوم القيامة
ودعوة المظلوم مستجابة ... وربنا سبحانه وتعالى بيعجل بيها فى الدنيا

عندك حق جدا في اللي بتقوله ده

المشاركة الأصلية كتبت بواسطة egyseadragon

الموضوع مش 2 جنيه أو غيرو..إذا كان الرجل دفع ال 2 جنيه دول تيبس.الموضوع الحق و عدم الإستغلال

المشاركة الأصلية كتبت بواسطة mrghost

بص انت كنت رميتله الفلوس اللي انت عايز تديهاله وتمشي ومتقفش لان الموضوع كان ممكن يكبر وانت معاك اطفال
الحمد لله انها جت سليمة

المشاركة الأصلية كتبت بواسطة mohammedaladel

لا ما تلطمش وما تبقاش سلبى ال 2 جنيه دول حق محدش ياخدهم منك غصب عنك والساكت عن الحق شيطان أخرس

المشاركة الأصلية كتبت بواسطة akram

انا لو مكانك و معايا الأولاد كنت هديله الفلوس و معاهم كلمتين حلوين ,
و بعد كده هبلغ عنه و عن البنزينة ,
لكن مينفعش تعمل مشكلة و معاك ناس ممكن تتضر ,
حاجة تانية مينفعش الواحد يفكر يدوس حد لمجرد ان حصل زعيق و شتيمة ,
لو موته ربنا هيحاسبك و لو هو سرقك أو شتمك ربنا هيحاسبه ,
بس دي مش زي دي.....

هيا دي الفكره الموضوع مش 2 جنيه ومش بقيمه الفلوس ,,,اللي اقصده ان
لو كان لوحده كان يطلع عين اهله او بعد كده يبلغ عنه
انما نفترض لو الراجل بتاع البزينه شد طفل من الاطفال او لا قدر الله حصل حاجه!!!!
ياجماعه تجنبوا الخناق اثناﺀ وجود الاسره حفاظا عليهم

المشاركة الأصلية كتبت بواسطة kareem fawzy

والله يا احمد بيك اللى انتا عملته دة عين العقل
مرة بردو كانت عربيتى اللمبة منورة
وكنت رايح انا واشرف ابراهيم من هيونداى من شبرا لمدينة نصر
وواخد ال3 كبارى بتوع الزاوية وكوبرى القبة وابو وافية
واللمبة منورة لاقيت محطة معفنة اسمها مصر
بقوله فى 92 قالى اه
قولت احط بعشرين جنيه 92 لحد لما الاقى محطة نضيفة احط منها
فلاقيته بيقولى حطلك ب19 قولتله على اساس اية يعنى قالى هاخد الجنيه
ساعتها عينك متشوف الا النور وامة لا اله الا الله اتلمت وبيهدوا فيا حتى اشرف بيحاول يهدينى
انا ادى بمزاجى دة اسمه بقشيش مش اجبارى عليا اديك
ومشيت اللى فى دماغى وحطيت بعشرين وكنت هضربه كمان
لانى بجد لعنت اليوم اللى اتولدت فيه فى البلد دى

و الله يا كريم الللى زى ده متديهوش اى حاجه حط بلفلوس اللى انت عايزها و سيبه و امشى

و فعلا انا عايز اسافر محدش عنده فيزا رايح افغانستان ولا اى داهيه

^_^