مساعدة في جيب جراند شيروكي srt8

**Hosam_Optrawy** · 20-06-2012 02:22 PM

المشاركة الأصلية كتبت بواسطة m_elkhishin

الاجراءات كالتالي:
1- تعمل دفتر تربتك في أي نادي سيارات أو مكتب سياحة في قطر( تكلفته في السعودية من 350-400 ريال)
2- حتدفع في مصر التالي:
- 500 جنيه تأمين
-500 رسوم دخول سيارة
-70 جنيه رسوم مفرقعات
-85 جنيه ضريبة
-حوالي 70-100 جنيه رسوم اخرى من تصوير أوراق ورسوم لوحات وخلافه.

لو انت نازل عن طريق السعودية والعبارة من ضبا الى سفاجا حتدفع كل اللي فوق بالاضافة للاتي:
- تذكرة عبارة للجيب حوالي 950 ريال ذهاب و زيهم عودة
- تذكرة الفرد حوالي 300-350 ريال وزيهم وانت راجع
-رسوم شحن وتفريغ 200 -250 ريال وزيهم وانت راجع
-لو مخلص في المينا حيخلصلك الورق حيبقا انت وشطارتك معاه في الاتفاق بس اعمل حسابك تسمع ارقام 600 - 700 جنيه ويفضل تتفق معاه قبل ما يبدأ

السلام عليكم , شكرا جزيلا على الافاده

بس عندى استفسار بعد اذنك , هو دفتر الترتبتك ده لازم يتعمل من قطر ولا مش شرط ؟

لان اللى حصل كالتالى :

ليا واحد صاحبى كان ناوى ينزل بالعربيه مصر من قطر برضه اوال مره ينزل , ولما قريت المشاركه بتاعت حضرتك قولتله على الخطوات عشان يبقى عامل حسابه

اتصل بنادى السيارات فى الدوحه والرد ان القوانين اتغيرت وعشان يطلع الدفتر لازم يمضى شيك ب 150 الف ريال !!!! ومش بس كدا لازم واحد قطرى يضمنه

طبعا الكلام دا مش هاينفع

ايه الحل ؟!!

**Hosam_Optrawy** · 21-06-2012 02:34 PM

المشاركة الأصلية كتبت بواسطة m_elkhishin

للاسف الموضوع ده مختلف من دولة لاخرى
يعني هنا في السعودية لحد السنة اللي فاتت كان عادي جدا تروح أي مكتب سياحة تعمل التربتك ب 350 ريال بدون كفيل أو ضمان مالي، بس معرفش حاليا الوضع اتغير ولا لأ.
لكن الكويت مثلا أعرف انه من زمان بيطلبوا كفيل (ضامن) عشان يطلعلك دفتر التربتك.

الفكرة في موضوع الكفيل ليس الاضطرابات في مصر، الفكرة ان نادي السيارات اللي أصدر التربتيك هو المسئول أمام الحكومة المصرية على اخراج السيارة خارج البلاد قبل انقضاء تصريح الدخول، ولو السيارة اتخلفت الحكومة بتطالبهم هما يدفعوا الجمارك.

فى قطر برضه لحد وقت قريب كان عادى تطلع التربتك لان فى ناس كتير كانوا عاملينه عادى لحد السنه اللى فاتت , بس القانون اتعدل السنه دى تقريبا

طب هل ينفع يعمل التربتك من ضبا وهو غير مقيم فى السعوديه ؟؟

هو ان شاء الله ناوى يعمل عمره الاول يعنى هايروح السعوديه بفيزا عمره وكان ناوى يطلع على مصر بعدها

**Hosam_Optrawy** · 21-06-2012 03:34 PM

المشاركة الأصلية كتبت بواسطة m_elkhishin

أكدب عليك لو قولت أعرف

هو هايجرب يعمله لما يوصل السعوديه وهو وحظه بقى :)

شكرا لاهتمامك بالرد

**Hosam_Optrawy** · 22-06-2012 04:03 PM

المشاركة الأصلية كتبت بواسطة moko_2004

اللي اعرفة ان الكلام دة منطبق علي الناس اللي مطلعين سيارات بقروض بنكية ولسة عليها اقساط لو لو عربية بتاعتك و ملكك و معليهاش حظر بنك يبقي مالو هو ومالك

لا يافندم , صاحبى اللى باتكلم عنه عربيته كاش معليهاش اقساط ومع ذلك قالوله ملهاش علاقه

السبب زى ما الاستاذ m_elkhishin قال

الفكرة ان نادي السيارات اللي أصدر التربتيك هو المسئول أمام الحكومة المصرية على اخراج السيارة خارج البلاد قبل انقضاء تصريح الدخول، ولو السيارة اتخلفت الحكومة بتطالبهم هما يدفعوا الجمارك

**m_elkhishin** · 23-06-2012 01:08 AM

المشاركة الأصلية كتبت بواسطة moko_2004

يعني معلش لو واحد دخل بعربية واتعدمت في حادثة والعياذ بالله هيبقي هو كدة لبس الجمرك ولبس الشيك 150 الف؟؟؟
مهو كلام مش منطقي اية علاقة نادي التريب تك بأنة يتحمل الجمرك اذا لم تخرج السيارة من مصر

لو حصل( لا قدر الله) حادث لازم بقايا العربية اللي عليها رقم الشاسيه تخرج خارج البلاد. والا لازم تدفع الجمارك. وفي الحالة دي الحكومة بتطالب نادي السيارات المصري بدفع الجمارك اللي بدوره بيطالب نادي السيارات في البلد اللي استخرج منها دفتر التربتك(بحكم الاتفاقية الدولية بينهم)، لو نادي السيارات اللي أصدرلك التربتيك مش واخد عليك ضمانات كافية زي الشيك أو الكفيل بحيث يجبرك انت تدفع الجمرك وتتصالح مع الجمارك، هو اللي حيلبس في الحيط.

عموما في الغالب المشكلة مبتكونش في الحوادث لأن زي ما قولتلك تحت أسوأ الظروف بتعيد تصدير بقايا السيارة، المشكلة الاكبر بتكون في حالة السرقة.

**moko_2004** · 07-07-2012 03:04 AM

مصاريف كتير وتعقيدات كتير و نفخ وبهدلة السفر الطيران كدة ارخص كتير واسهل واامن وافضل حتي لو هدفع وزن زيادة
مقدرش اقول غير حسبي الله في الناس اللي شغالة تعمل قوانين بدون مراعاة ظروف الناس لمجرد خنق الناس وبس
واقول برضة حسبي الله ونعم الوكيل بالقوي في الظالم المفتري اللي حط قانون الجمارك علي السيارات في مصر

-

-

الموضوع: مساعدة في جيب جراند شيروكي srt8

LinkBack

أدوات الموضوع

عرض

-

-

-

-

-

المواضيع المتشابهه

اختبار جيب جراند شيروكي ..... يا لهوي

تقرير بالصور عن جيب جراند شيروكي srt8 موديل 2006

جراند ولا شيروكي ولا ليبرتي ؟؟؟؟

جيب جراند شيروكي لاريدو 2007

جراند شيروكي تصفيح كامل

الكلمات الدلالية لهذا الموضوع

المفضلات

المفضلات

ضوابط المشاركة