الموضوع: ناويت انزل السوق اشترى سياره يوم الجمعه

العربيه اللى بجد زعلت انى مشتريتهاش كانت دايو نوبيره اتكلمت فيها لحد 48000 جنيه و صاحبها كان موافق عربيه كانت تحفه و خساره انى مشتريتهاش مطور 1600 cc تاكييف , باور , 4 زجاج كهرباء , مرايات كهرباء , فبريكه بارا و جوه , حالتها جيده جدا , cd player , موديل 2001 و كمان اوتوماتيك !!!!!!!!

ابعد تماماً عن النوبيرا الأوتوماتيك

صعب جدا جدا جدا جدا تعرف تبيعها تاني

زائد ان ممكن يكون فتيسها فيه مشكلة

يا راجل يا مفترى اسبيرانزا ايه وبتاع انت عايزه يندم على طول من اول ما يجيبها
ابعد ع الصينى وغنيله

وبالنسبة للنوبيرا الاتوماتيك في مشكلة مشهورة فيها وهى ان الترانسليشن بيفصل تماما وبتحتاج تركب فتيس جديد وده على تقديري بيعدى السبع تلاف جنيه والكلام ده تقريبا بيحصل بعد الستين الف كيلو وانت وحظك وساعات بيعدى اكتر من كده .. انما هى بشكل عام ما عدا المشكلة دى بيقولوا انها عربية هايلة وتقيلة ع الارض .. والمانوال فيها خرافة