كاوتش تراب مساعدين امامى

**ELBEH** · 14-06-2012 11:16 AM

السلام عليكم:-
كنت عايز اسألكم على كاوتش التراب المساعدين الامامى بيعملوا اه و تأسيرهم اه على العربية
علشان كنت فى التوكيل و قالولى عايزين يتغيروا فسالتهم بكام قالولى ب 330 جنيه من غير ضريبة
و سألت عليهم بره عند محمد جابر الواحدة ب 90 جنية اه رايكم اعملها فين و تعرفوا عفشجى كويس اعملهم عنده معأنى مبحبش اروح عند صنيعى بره علشان بحس انهم بيشتغلوا الواحد اه رايكم و اعمل اه.
و لكم جزيل الشكر................

**ELBEH** · 14-06-2012 05:10 PM

أه يا جماعة محدش رد عليا هيه العربية صنى مانوال 2009

**Youssef.Awad** · 14-06-2012 07:16 PM

من اسمها كاوتشة حماية لقلب المساعد من التراب وقطعها معناه تراكم التراب على ماسورة المساعد ومع الوقت تلفه زى فكرة كاوتشة راس كوبلن بالظبط مع فارق عدم وجود شحم
وكمان وظيفتهم حماية المساعد من التلف نتيجة للانضغاط الجامد لآخر الشوط بسبب المطبات الفجائية
انا غيرتهم فى صيانة ال40.000 كم فى السبع لقطعهم بسبب سواقتى الكتير فى طرق غير ممهدة والتكلفة كانت 300 ج للاتنين بالمصنعيات وتحديدا ثمن الكاوتشة 65 ج ومصنعية التركيب (لأنها تستلزم فك العفشة بالكامل) 85 ج للواحدة
وعلى فكرة مش هاتفرق تشتريها وتركبها برة من جوة لو شايف انها هاتوفر لكن لازم يكون عند عفشجى بيفهم فى الصنى والافضل اتوايجيبت لأنهم بيربطوا العفشة بالعزم الموصى بيه فى الكاتالوج

**Dr'AhmZZong** · 14-06-2012 07:36 PM

المشاركة الأصلية كتبت بواسطة Y2Y1500

من اسمها كاوتشة حماية لقلب المساعد من التراب وقطعها معناه تراكم التراب على ماسورة المساعد ومع الوقت تلفه زى فكرة كاوتشة راس كوبلن بالظبط مع فارق عدم وجود شحم
وكمان وظيفتهم حماية المساعد من التلف نتيجة للانضغاط الجامد لآخر الشوط بسبب المطبات الفجائية
انا غيرتهم فى صيانة ال40.000 كم فى السبع لقطعهم بسبب سواقتى الكتير فى طرق غير ممهدة والتكلفة كانت 300 ج للاتنين بالمصنعيات وتحديدا ثمن الكاوتشة 65 ج ومصنعية التركيب (لأنها تستلزم فك العفشة بالكامل) 85 ج للواحدة
وعلى فكرة مش هاتفرق تشتريها وتركبها برة من جوة لو شايف انها هاتوفر لكن لازم يكون عند عفشجى بيفهم فى الصنى والافضل اتوايجيبت لأنهم بيربطوا العفشة بالعزم الموصى بيه فى الكاتالوج

بروووووووووووووونس ..