مين دبرياجه بيزيق واتخنق منه ؟

**DR/WAFEK** · 14-06-2012 07:49 PM

الدبرياج عندى بقاله فتره طويله بعانى معاه صوت تزييق لا يظهر فى بدايه اليوم ولكن مع الضغط المتكرر الصوت بيعلى بالتدريج لدرجه ان اللى واقف بره العربيه على بعد كام متر ممكن يسمعه طبعا زيارات التوكيل كلها ملهاش اى لزمه نفس الرد كل مره السلك زى الفل ومفيش مشاكل الموضوع كله ان التراب بدخل جوه السلك وبيخليه يصدر الصوت والحل تزييت لحد ما تمشى وتقعد يوميين مبسوط ان السلك بقى ناعم وبعد كده ترجع المشلكه زى الاول بالظبط رحت جبت مزيته وكل يومين تلاته ازييته ولكن مفيش فايده ومش عارف المشكله دى مشفتش حد من المنتدى اشتكى منها فانا عايز اشتكى رينو فرع العامريه لردهم اللى بيليسوا بيه الزبون ومفيس حل عملى بس مش عارف اشتكى فين طيب انا رحت اشتريت سلك ايطالى وعايز اغيره بس خايف يطلعلى الفتيس من الضمان ومش عايز اركبه جوه التوكيل لانى قرفان بجد

تانى مشكله مجننانى: بسمع صوت ونه عاليه بعد ال 100 يمين وانا كنت فاكك الكوبلن من يجى شهر رحت لكام ميكانيكى اجمعوا على انها رومان بلى فهل ده ليه علاقه بالضمان ولا تاثير خاجى كالعاده انا جبت رومان اصلى ب 180 ج بس مش عايز اركبه قبل معرف هل هو فى الضمان ولا لا وهل لما فكيت الكوبلن ممكن يكون ليه علاقه بالرومان بلى ولا لا الميكانيكيه قاللولى لا فياريت اللى عنده تجربه مشابهه يقولى وشكرا

**amr.elsayed** · 15-06-2012 04:57 AM

جرب مع الدبرياج ال wd40 .. انت عامل كام الف كيلو يا دوك

**DR/WAFEK** · 15-06-2012 03:37 PM

المشاركة الأصلية كتبت بواسطة amr.elsayed

جرب مع الدبرياج ال wd40 .. انت عامل كام الف كيلو يا دوك

والله يا استاذ عمرو جربته وخلصت البخاخه عليه يتعدل فتره بسيطه ويرجع الصوت تانى وانا عامل 49 الف كيلو هو المفروض له عمر افتراضى واخباره معاك ايه

**amr.elsayed** · 15-06-2012 03:52 PM

هو من فترة كبيرة كان عمل معايا صوت تزيقة بس صغيرة مش زى ما انت بتوصفها بس طبعا انا كنت سامعها
جبت wd40 ورشيت شوية على اعلى جزء فى الدواسة ودوست على الدواسة كذا مرة و الكلام دة من فترة كبيرة
والصوت مرجعش تانى .... بالنسبة لصوت الونة انت لو ركبت الكوبلن فى التوكيل روح التوكيل ممكن يغيروا الرومان
فى الضمان لكن انا الحقيقة ماعرفش عمره الافتراضى ولا ضمانه اد ايه .. وان شاء الله خير يا دوك

**DR/WAFEK** · 15-06-2012 04:48 PM

المشاركة الأصلية كتبت بواسطة amr.elsayed

هو من فترة كبيرة كان عمل معايا صوت تزيقة بس صغيرة مش زى ما انت بتوصفها بس طبعا انا كنت سامعها
جبت wd40 ورشيت شوية على اعلى جزء فى الدواسة ودوست على الدواسة كذا مرة و الكلام دة من فترة كبيرة
والصوت مرجعش تانى .... بالنسبة لصوت الونة انت لو ركبت الكوبلن فى التوكيل روح التوكيل ممكن يغيروا الرومان
فى الضمان لكن انا الحقيقة ماعرفش عمره الافتراضى ولا ضمانه اد ايه .. وان شاء الله خير يا دوك

بالنسبه للكوبلن لما رحت التوكيل قالولى 2600 بدون تركيب فرفضت اركبه ورحت غيرت الجلده بتاعته بره فمش عارف بقى ده ممكن يكون ليه علاقه بتلف الرومان ولا ايه ..انا اشتريت سلك ورومان بس مش عايز اركب الرومان لحد متصرف فى كوبلن خارجى لان من وقت للتانى بسمع طقطقه فعايز تبقى علقه واحده احسن ما كل شويه اوجع دماغى وطالما التوكيل قال على الكوبلن تاثير خاجى مش حيغلب فى الرومان بلى انا اللى حرقنى من التوكيل موضوع السلك لانى خايف يكون فى حاجه غيره وهما مش عايزين يغيروها لانى مش معقوله كل التزييت ده والصوت مازال موجود يعنى لو من السلك كان زمان المشكله اتحلت يعنى مثلا عند حضرتك بتقول رشيته مره وخلاص مش كل يوميين دانا كنت واقف فى التوكيل المره اللى فاتت فى الصاله وكنت عاملهم فضيحه بالسلك عمال ادوس على الدبرياج علشان كل اللى فى الصاله يسمع وكان الناس مستغربه اوى وواحد قالى عمر ما شفت عربيه بتعمل كده وبقول للانسه بتاعه الاستبقال دا العربيه اللادا مبتعملش كدا ردت وقالت متقرنش عربيتين ببعض!!!!!!!!

شكرا على اهتمامك يا باشا طول عمرك خدوم وفعال

**alex_life1989** · 15-06-2012 05:00 PM

صح جرب wd40

**amr.elsayed** · 15-06-2012 05:54 PM

المشاركة الأصلية كتبت بواسطة dr/wafek

بالنسبه للكوبلن لما رحت التوكيل قالولى 2600 بدون تركيب فرفضت اركبه ورحت غيرت الجلده بتاعته بره فمش عارف بقى ده ممكن يكون ليه علاقه بتلف الرومان ولا ايه ..انا اشتريت سلك ورومان بس مش عايز اركب الرومان لحد متصرف فى كوبلن خارجى لان من وقت للتانى بسمع طقطقه فعايز تبقى علقه واحده احسن ما كل شويه اوجع دماغى وطالما التوكيل قال على الكوبلن تاثير خاجى مش حيغلب فى الرومان بلى انا اللى حرقنى من التوكيل موضوع السلك لانى خايف يكون فى حاجه غيره وهما مش عايزين يغيروها لانى مش معقوله كل التزييت ده والصوت مازال موجود يعنى لو من السلك كان زمان المشكله اتحلت يعنى مثلا عند حضرتك بتقول رشيته مره وخلاص مش كل يوميين دانا كنت واقف فى التوكيل المره اللى فاتت فى الصاله وكنت عاملهم فضيحه بالسلك عمال ادوس على الدبرياج علشان كل اللى فى الصاله يسمع وكان الناس مستغربه اوى وواحد قالى عمر ما شفت عربيه بتعمل كده وبقول للانسه بتاعه الاستبقال دا العربيه اللادا مبتعملش كدا ردت وقالت متقرنش عربيتين ببعض!!!!!!!!

شكرا على اهتمامك يا باشا طول عمرك خدوم وفعال

لا انت كدة محتاج تكشف يا دوك دة فى لعب كتير وعلى فكرة مش عايز احبطك لكن مش عيملولك حاجة فى التوكيل
انت تشوفلك حد كويس او مركز محترم ويظبطلك موضوع الكوبلن دة ويركب الرومان الجديد وتجرب
وممكن موضوع الكوبلن دة هو اللى ماثر على الرومان .. حاول تكشف على الموضوع دة فى اقرب فرصة افضل
علشان تتجنب عطل ولا حاجة تحصل على الطريق لا قدر الله الكوبلالن دى لا يستهان بها وان شاء الله خير

**tamer61** · 16-06-2012 03:13 AM

المشاركة الأصلية كتبت بواسطة amr.elsayed

هو من فترة كبيرة كان عمل معايا صوت تزيقة بس صغيرة مش زى ما انت بتوصفها بس طبعا انا كنت سامعها
جبت wd40 ورشيت شوية على اعلى جزء فى الدواسة ودوست على الدواسة كذا مرة و الكلام دة من فترة كبيرة
والصوت مرجعش تانى .... بالنسبة لصوت الونة انت لو ركبت الكوبلن فى التوكيل روح التوكيل ممكن يغيروا الرومان
فى الضمان لكن انا الحقيقة ماعرفش عمره الافتراضى ولا ضمانه اد ايه .. وان شاء الله خير يا دوك

إزيك يا عمور ...عامل إيه واحشني

عندي نفس المشكله ورشيت عليه ال wd40 راح الصوت كام يوم ورجع تاني .

**amr.elsayed** · 16-06-2012 03:04 PM

المشاركة الأصلية كتبت بواسطة tamer61

إزيك يا عمور ...عامل إيه واحشني

عندي نفس المشكله ورشيت عليه ال wd40 راح الصوت كام يوم ورجع تاني .

انت اكتر يا تامورة والله نفسى اعرف انت بتغطس فين .. طمنى عليك يا باشا
وبعدين هو مافيش نازلة لاسكندرية ولا ايه ؟؟؟؟
...............
حقولكوا على حاجة بس مش عايز حد يضرب ... فاكرين الشحم الابيض الاتكلم عليه قبل كدة akerima
الشحم دة ممكن يكون ليه تاثير محترم مع دواسة الدبرياج .. لان انا شاكك ان الصوت دة مش طالع
من السلك دة ممكن يكون من مفصلة الدواسة ذات نفسها هى اللى بتحك فى بعضها
.....................
الزيت وال wd40 استخدامهم بيكون للمعادن و wd40 فى الاساس هو مزيل صدأ
دواسة الدبرياج عندنا خامتها مش معدن .. الشحم الابيض معمول لاى احتكاك
سواء معدن مع معدن او معدن مع بلاستيك او بلاستيك مع بلاستيك .. جربوه بالذات الدوك
.....................
الموضوع المشار اليه والف شكر للعضو akerima
http://www.nilemotors.net/Nile/227646-a.html

**storm2020** · 16-06-2012 05:07 PM

لا يا باشا الشحم للاماكن المغلقه ويستخدم للرمان بلى او جلبه المواتير ..يعنى مينفعش فى مكان مكشوف لانه بيلم اتربه
هو لو يحط زيت ميكنه هيظبها باذن الله

الموضوع: مين دبرياجه بيزيق واتخنق منه ؟

LinkBack

أدوات الموضوع

عرض

مين دبرياجه بيزيق واتخنق منه ؟ - انشر الموضوع فى :

-

-

-

-

المواضيع المتشابهه

الدركسيون بيزيق

باب الفيكترا بيزيق

الدبرياج بيزيق ... اعمل اية ؟

سقف الأفيو بيزيق

الدركسيون بيزيق ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة