الموضوع: ....ارجو قبووول عذرى .... مشاكل بتواجهنى فى العربيه

احبائى

إخواانى

اصدقااائى

صقووور نيسااااااااان

السلام عليكم ورحمة الله وبركاته

وحشتونى اوى والله

اعذرونى لعدم دخولى للقسم نظراً لانشغالى بمشكله فى العربيه لسه موصلتش فيها لحل ومش عايز اعرضها قبل ما اصل الى الحل

لكن عشااااااااااان انتو فلذااااااااات اكباااادى

ههههههههههههههههه

هطرح على حضراتك المشكله وان شاء الله تعالى عندما اصل الى الحل سوف اوافى حضراتكم به

المشكله الاولى : السياره بتبطل فى السلانسيه ( تنتش وبعدين تبطل) وال ار بى ام يعلى وينخفض فجأه
قالو بطاريه وغيرتها والعيب لسه زى ماهو
وقالو ضفيره الموتور ومستنى يبجوبها فى السبع عشان نركبها ونشوف

المشكله الثانيه: اثناء السير بالسياره على ارض خشنه تستشعر بحركه العجل فى دواسه البنزين وانا رجلى على الدواسه وكذلك طاره الدريكسون وكمان دبدبه جامده فى العجل رغم انى متابع ضبط النتيروجين ويقل ذلك الاحساس عن السير فى طريق اسفلت ناعم ولكنه موجود وقالوا رجلاش علبه الدريكسون ورجلشوها وربطوا العفشه اتظبطت هيه شويه ورجعت ريمه لعادتها القديمه فى وقت قصير

المشكله الثالثه: فى ونه خفيفه من الناحيه اليمين يتم سماعها من داخل السياره وتزداد كلما تم الضغط على دواسه البنزين وقالوا ان دا فى كل الصنى وانا مش مقتنع عشان مكنتش بسمعها قبل كده

المشكله الرابعه : العربيه حاسس انها مختوقه شويه ومفيش استجابه سريعه للسحب وقالوا ان بسبب البوجيهات محتاجه تتغير عند الـ 20000 كم ومش عارف دا كلام منطقى ولا فيه سبب تانى
المشكله الخامسه : علو صوت الموتور نسبياً ومش عارف دا ليه علاقه بضفيره الموتور ولا إيه هما قالو برضوا الضفيره( انا مش عارف الضفيره اللعينه دى ناويه تعمل فينا ايه )

عشان كدا بلتمس من حضراتكم ان تعذرونى فى عدم المتابعه بالقسم

لكم منى كل تحيه تقدير واحترام