موديل 2010 .. غيرووو البطاريات بدل ما لوجى تعملها معاكوا

**amr.elsayed** · 22-06-2012 07:17 PM

غيرها احسن يا محمد بواحدة جديدة وريح دماغك بدل ما تعملها تانى والبطارية لما بتبوظ بتستهبل شوية تبقى زى الفل
وشوية تلاقيها بتخرف

**gamela** · 22-06-2012 07:58 PM

البطارية فى التوكيل 725 جنيه شاملة الضريبة بدون تركيب 70 امبير الاصلية بتاعتها وعليها ضمان بس غالية جداً
القى البطارية الاصلية دى فين فى اسكندرية ؟؟

**gebreel** · 23-06-2012 12:53 AM

المشاركة الأصلية كتبت بواسطة gamela

البطارية فى التوكيل 725 جنيه شاملة الضريبة بدون تركيب 70 امبير الاصلية بتاعتها وعليها ضمان بس غالية جداً
القى البطارية الاصلية دى فين فى اسكندرية ؟؟

مش لازم البطارية الاصلية يا فندم بس اهم حاجة تبقى نفس الامبير او ممكن اقل حاجة بسيطة

لما البطارية عملتها معاها كانت في التوكيل ب 1000 جنيه

**ahmedbakr50** · 23-06-2012 06:14 AM

طيب بالنسبة للعدسة لما تكون خضراء تكون كويسة؟؟
وهوه فيه ألوان تانية بتعرفنا حالة البطارية؟؟؟
وعدد الكيلوهات إلى مشيتها العربية ليه علاقة
أصل أنا العربية والحمد لله بقالها أكتر من سنتين وعامل 23 ألف كيلو فهل الكيلو ليه علاقة ولا السنين بس؟؟

**gebreel** · 23-06-2012 11:50 PM

المشاركة الأصلية كتبت بواسطة gamela

ماالمشكلة اللى عندى انى خبرتى قليلة فى اى موضوع يخص العربية حبيت يكون التعامل مع التوكيل علشان لو طلعت البطارية فيها مشكلة يكون فى ضمان ارجعله وكمان خايفة يكون النوع مش كويس او الجشع اللى طبعاً حضرتك ملاحظه فى المجال ده وبالذات لما حايلاقى ان اللى بتشترى مفيش عندها خبرة فى المجال ده
طب لو ممكن حضرتك ترشحلى بطارية تكون جربتها من فترة فى اللوجان وتمنها كم ؟؟؟
لانى ملاحظة ان الاعضاء كلهم جابوا مع بعض والاتمان مختلفة ولسة كلهم فى فترة التجربة للبطارية
اكون شاكرة لحضرتك

بصي يا فندم لو حضرتك قلقانة قوي ممكن تشوفي حد يكون عنده خبرة في المجال ده و ينزل معاكي يشتريهالك او تستقري على البطارية اللي انتي عاوزاها و تجبيها من وكيلها

بالنسبة لنوع متجرب فانا مجرب الهانكوك ما شاء الله عليها كانت في عربية الوالد و قعدت 5 سنوات و نص ماقلتش لأ و ممكن ادور لحضرتك هي بتتباع فين او مين وكيلها و تشتريها من هناك

المشاركة الأصلية كتبت بواسطة ahmedbakr50

طيب بالنسبة للعدسة لما تكون خضراء تكون كويسة؟؟
وهوه فيه ألوان تانية بتعرفنا حالة البطارية؟؟؟
وعدد الكيلوهات إلى مشيتها العربية ليه علاقة
أصل أنا العربية والحمد لله بقالها أكتر من سنتين وعامل 23 ألف كيلو فهل الكيلو ليه علاقة ولا السنين بس؟؟

عن تجربة العدسة دي مبتبقاش مقياس للاسف