انا قريت الكلام ده قبل ما اروح الكورس على فكرة ... وبعد لما شفت الكورس وباخد فيه حاليا هقدر ارد على النقط ده:
1- بالنسبة لنقطة ان مفيش منهج بنمشى عليه وان فيه عشوائية وساعات فيه مواضيع بتتكرر:
اولا انا قولت ان موضوع مفيش منهج ده اسلوب جديد ومش كل الناس ممكن تاخد عليه ... بس هو فيه الحقيقة انا شايف ان فيه قواعد موجودة لكل انستراكتور بتمشى عليه ... انا مثلا تانى مرة فى اليلفل اديتنى حتة جرامر كده ..... ثانيا انا عاوز اوصلك يا باشا ان حتى لو موضوع اتكرر برضه هتلاقى فيه استفادة وكلمات جديدة واسلوب جديد انت طلعت بيه ... يعنى مثلا عاوز تفهمنى ان لو انت وصاحب اتكلمت فى موضوع النهاردة .... وبكرة اتكلمتوا فى موضوع تانى هيبقى نفس كلامكو ومش هيتغير ؟
2-موضوع الدكتور النفسى والليفل المجانى بصراحة انا معرفش عنهم حاجة ولا سمعت عنهم ....
3-موضوع ان مفيش يافطة على فرع المعادى فهو فعلا صح ... وانا اولا ما روحت قولت للسكرتيرة حطوا يافطة بره علشان الناس متتوهش
4-موضوع ان الانستراكتور مش متخصصه ... بص انا فيه واحدة بتدينا بتدرس بقالها 12 سنة انجلش الى جانب انها اصلا مولودة فى لوس انجلوس وان ده لغتها الاصلية ومشفتش حوار الديكشينرى ده
بص يا باشا ... الموضوع علشان يبسطك لازم تبقى بجد عاوز تستفيد
يعنى مثلا اسيب الكورس وامسك فى حوار اليافطة والطبيب النفسى والكلام ده
انا كفاية عندى انى اروح 3 ايام اسبوع بتكلم انجلش بيور مع واحد اجنبيه وكل مرة بطلع بكلمات كتير واساليب فى الكلام اكتر ولسانى بياخد البروناونسياشن الصح بتاع الكلمات وودانى بتتعود على سماع الكلمات وفهمها
عموما عاوزك تعرف ان المواعيد الصباحية ب 150 والمسائية ب 200 جنيه ... وده اللى خلانى اجرب .... وبصراحة انا مبسوط لحد دلوقتى من الكورس
عموما ده موقعهم
http://www.notcourses.com/idea.html
وشكرا