الف مبروك me_medoo منسق مساعد قسم تويوتا

**sas5** · 17-06-2012 12:12 AM

المشاركة الأصلية كتبت بواسطة me_medoo

بسم الله الرحمن الرحيم

بالاصالة عن نفسي أتوجه بالشكر لكم جميعاً على مشاعركم الطيبة الرقيقة أتجاهي ... وواللهِ واللهِ محبـتكم لي هو كنـزي ورأس مالي ومجوهراتي في الحياة ... فحب الناس غاـية لا تدرك ... ويارب يارب أكون قد المسؤولية التي أوكلت لي ... من قبلكم وقبل الادارة ... ورغم أني صاحي من النوم متنكد النهردة وبقول لنفسي يوووووه طابووووور تاني لسه هقوف في طبور الانتخابات ... وأ لحوس وأدحوس صباعي في الحبر ، بس يالله كلو علشان خاطر مصـر حبيبتي هنعمل أيه أصوتنا أمـانة ... بس يارب حد يسمعها هههههههه ... بس بصراحة بصراحة ... بعد ما دخلت المنتدى بجد بجد أستعدت نشاطي وحيويتي ، وحسيت بالدنيا طعم تاني ، وكانت مفاجئة جميلة ... بل كانت مفاجئة ســــارة ... وأعانني الله وأياكم على قسـم تويوتا ، هذا القسم الذي أحبه من كل كل أعماق قلبي ... كما أحـب هذا المنتدى ، الي عجبني فيه أكتـر مش بس كمية المعلومات المفيدة من السادة الاعضاء ، لأ حبيت فيه أكتر الناس الي بتكلم فيه معاهم ، وكل مرة في أي مقابلة جديدة كنت بتعرف على ناس جداد ... بجد شخصيات أكتر من رائعة وناس بجد بجد زي البلسم وشباب زي الورد شباب واعد ... يفتخر الانسان ويعتز بمعرفتهم ... وكل ما أشوفهم أو أكلمهم أو حتى أقرى مشاركتهم بقول عمار يامصـر لسه البلد فيها خيـر ... وهما دول بجد بجد مستقـبل مصـر وحاضـره ... تسلمولي جميعاً ويارب يارب يديم بينا المعروف والمحبـة ... في زمن قلت فيه المحبة وقل فيه الأصدقـــــــــــاء

ويارب يارب ميحرمناش من بعض أبداً أبداً
ويخليكم ليا يارب

@@@@@@@@@
وتحياتي

الف الف مبروك ياميدو وانت تستاهل اكثر من ذلك
وخلينى انق عليك شويه - ماشايه معاك ياعم

**amr_2010** · 17-06-2012 01:29 AM

الف مبروك يا ميدو باشا
تستاهلها فعلا

**Mzeid** · 17-06-2012 01:38 AM

مبروك عليك القسم يا استاذ تويوتا ميدو :)

**me_medoo** · 17-06-2012 02:01 AM

المشاركة الأصلية كتبت بواسطة assaf

الف مبروك
بس دي مش عايزه عزومه غدا مش حاجه ساقعه بس

ههههههههههههه حبيب قلبي ... من عنيا ، أختار أنتا بس أي فرع من فرووووووووع الشبراوي وكل واحد ليه عندي سندويتش فول وقرص طعمية هههههه

المشاركة الأصلية كتبت بواسطة ahmazong

واللهِ أنت تستاهل كبييييييير منسقي المنتدى كله مش مساعد منسق بسسسس ..

ربنا يعينك يا باشا على المنصب ده ..

تحياتي ..

أحمد دونج حبيب قلبي ... الله يبارك فيك يا غالي ... وتسلملي على مشاعرك الرقيقة دي أتجاهي يا غالي ... بس بيني وبينك مسئولية والواحد يخاف وينزل مشاركات لادعة زي زمان ... لأني بقيت محسوب على النظام ... هههههههه ، لا بس واللهِ عمال بقول يارب نقدر ننشط القسم وربنا يقدرني على خدمة جميع الاعضاء ... ونشوف كل طلباتهم ... وواللهِ والله نفسي يكون واحد مننا في النيابة ولا المرور ولا حاجة ... ويعمل تخفيض للمخالفات لأعضاء قسم تويوتا ... ونيسان ... لأن غصب عنهم ياعيني بيبقى نفسهم ينطلقوا بالعربية ... ويجربوا امكانياتها ... وبياخدوا مخالفات بالغلط . مع أنو مجرد تيست درايف ...هههههههههههه .

المشاركة الأصلية كتبت بواسطة _hema

الف الف الف مليووووووووووووون

مبرووووووووووووووووووووك

الله يعينك على المسئوليه

انه لفخراً لنا وتكريما ان نجد حضرتك تعتلى هذا المنصب فأنت لها

المفروض اول حاجه تعملها بالمناسبه السعيده دى

تعزم اصحابك من نيسان وتويوتا و كل اللى تعرفهم عزوووووووومه اللى هيه
ويبقى فى مكاااااااااااان زى موووووووووول العرب كده

وعايزك تظبط الدنيا وتعمل جمعيه كبيييييييييره اوى عشاااااااااااان

العزوووومه دى

واحنا هنساعدك فيها بالأكل

ههههههههههههههههه

تحياتى القلبيه لك ياغااااااااااااااااالى

هههههههههههههههههه
الله يبارك فيك ياباشا ...
حبيبي قلبي أبو هيما باشا ... ياباشا أنا بضم صوتي وقلبي لكلامك لازم عزووومة كبيرة وسفرة تتفرش بالسلطات والباب غنوج والمقبلات وطبق فواكة قااااااااااااااااد كده كمان ... بس هو يا أبو هيما مش لمن الواحد ربنا يرزقوا بعيل الناس بتيجي تفرحلوا وتنقطو ، ههههههههههه انا شايفكم كلكم داخلين تفرحوا محدش طلع حتى 10 جنية من جيبوا ينقطتني بالمناسبة السعيدة دي ههههههههههههههههه ... يالله ياشباب شخ شخوا جيوبكم ، أنتوا عارفين متطلبات الوظيفة ومصاريف وورانا مصاريف التنسيق ... وألله صحيح يا أبو هيما نسيت أسئل كل الناس قالت لي ألف مبروك ألف مبروك ... وخدوني في دوكة ... محدش قالي هيدفعولنا كام في الشهـر ههههههههههه

@@@@@@@@

المشاركة الأصلية كتبت بواسطة sas5

الف الف مبروك ياميدو وانت تستاهل اكثر من ذلك
وخلينى انق عليك شويه - ماشايه معاك ياعم

أس أس حبيبي قلبي
الله يبارك فيك يا غالي ... منور القسم كلو ياباشا .
ولو عداد المشاركات بتاعك لسه مش شغال تعاله قولي على طول هنسحب العداد بتاع مشاركاتك ونديك عداد ديجتل لسة بالكرتونة بتاعتوا على طول هههههههههه حبيب قلبي يا أس أس .

@@@@@@@@

المشاركة الأصلية كتبت بواسطة amr_2010

الف مبروك يا ميدو باشا
تستاهلها فعلا

تسلملي يا عمر باشا ... ونجملك في الافراح يا غالي
وربنا يخليك ليا يارب ولا يحرمنيش منك يا غالي .

@@@@@@@

**me_medoo** · 17-06-2012 02:04 AM

المشاركة الأصلية كتبت بواسطة mzeid

مبروك عليك القسم يا استاذ تويوتا ميدو :)

الله يبارك فيك يا غالي ، وتسلملي ياحبيب قلبي
القسـم للجميع وما نحن الا شمعـة تحترق من أجلكم يا غالي ونسـهر في خدمتكم وخدمت جميع الاعضاء حبايبنا وحبايب قلوبنا .

@@@@@@@@@

وتحياتي

**ahmed_h_g** · 17-06-2012 04:08 AM

مبروك عليك يا ميدو باشااااا

**BUNSH** · 17-06-2012 04:56 AM

ميدووووو باشا ,,, حبيب الكل .
الف الف مبرووووووووك وربنا يوفقك ويعينك ياااااكبير عاااايزنك بقى تصحة كدة وتشدووا القسم شدة تماااااااااام ,, وانا شااايف الاعضااااء منتظرين عزومة جامدة منك (وانا من هذاااا المزنق) احب اضم صوتى لاصوااااااتهم وااااقولك عزومة فى بلبع - حسنى - قدورة - سبكتراااا بس بلاش فول وطعمية علشان دكترة منعنى منهم !
وربنا يوفقك .....