محتار بين ريو 2012 سيدان هاى لاين و فلونس مانيوال ؟؟

**Sehsss** · 16-06-2012 09:05 PM

الفلوانس طبعا.. عربية محترمة

**dory52** · 16-06-2012 11:10 PM

المشاركة الأصلية كتبت بواسطة ahmazong

اكيييييييييييد يعني فلونس بدون منازع ..

عربية جميلة جدا ما شاء الله ..

لو أنت حابب المنوال .. و مش فارق معاك الاوتوماتيك اوعى تسبها من ايدك ..

بصراحه انا شايفها عربيه شيك اوى وواسعه لكن برده مانيوال يعنى ادفع المبلغ دا وفى الاخر اركب مانيوال هل الفرق دا يستاهل وهل المانيوال مريح فيها خصوصا انتا عندك فرق الامكانيات كله لصالح الريو ( طى مرايات,فتحه سقف, جنط,فوجات,يو اس بى)
كمان بيقولوا تكييغها مش قد كدا ؟؟
وعلى فكره انا راكب جولف 2 ومانيوال وحش اوى وتقيل بس لما بركب مانيوال العربيات الحديثة فعلا مش بحس بالتعب اللى كنت فيها فعلاااااااااااا انا فى حيره وخايف اندم ياريت تفيدونى...

**Hosam_Optrawy** · 17-06-2012 12:30 AM

الفئتين مختلفتين وفى نقطه مهمه هى اللى هاتحسم الاختيار ( المانيوال ) ودى ترجع لحضرتك , هل انت متقبله عادى ومتعود عليه مفيش مشاكل ولا لأ

فى اللى زيى صعب اوى يفكر فى عربيه مانيوال مهما كانت وفى اللى عادى مش فارقه معاه

**dory52** · 17-06-2012 12:13 PM

المشاركة الأصلية كتبت بواسطة seaf_sawy

خليك فى بروتون جين 2 وانسى

العربيه دى انا كنت موهوم بيها لمده 3 شهور لحد ماعملت تست درايف بصراحه كل حاجه كانت حلوه فى دماغى راحت ( تقفيل زى الزفت وخامات رخيصه اوى و الفرامل وحشه جدا والسحب معا التكييف زى العربيه 1400 والباور تقيل جدا يمكن علشان سبور ) بس بصراحه قفلتنى منها كذا حاجه بعد ماكنت فعلا هشتريها ...

**dory52** · 17-06-2012 12:18 PM

المشاركة الأصلية كتبت بواسطة Hosam_Optrawy

الفئتين مختلفتين وفى نقطه مهمه هى اللى هاتحسم الاختيار ( المانيوال ) ودى ترجع لحضرتك , هل انت متقبله عادى ومتعود عليه مفيش مشاكل ولا لأ

فى اللى زيى صعب اوى يفكر فى عربيه مانيوال مهما كانت وفى اللى عادى مش فارقه معاه

انا ممكن اتنازل واسوق مانيوال بس يكون مريح زى عربيات كتيره سوقتها واكثرها كورى لكن خوفى انى ادفع مبلغ كبير وبرده انزل من مانيوال ل مانيوال اكيد محتاجه تفكير ..بصراحه ماكنتش اعرف ان الواحد علشان يشترى عربيه جديده محتاج 5 شهور مابنمش من كتر المقارنات وكل منتدى وكل عربيه فى الفئه السعريه دى عارف ايه عيوبها قبل مميزاتها ومش عارف اعمل ايه

**Hosam_Optrawy** · 17-06-2012 09:26 PM

المشاركة الأصلية كتبت بواسطة dory52

انا ممكن اتنازل واسوق مانيوال بس يكون مريح زى عربيات كتيره سوقتها واكثرها كورى لكن خوفى انى ادفع مبلغ كبير وبرده انزل من مانيوال ل مانيوال اكيد محتاجه تفكير ..بصراحه ماكنتش اعرف ان الواحد علشان يشترى عربيه جديده محتاج 5 شهور مابنمش من كتر المقارنات وكل منتدى وكل عربيه فى الفئه السعريه دى عارف ايه عيوبها قبل مميزاتها ومش عارف اعمل ايه

معلش قرار شراء عربيه جديده فى الوقت الحالى بقى صعب فعلا

بص مميزات الريو انها ستيبترونيك , فيها اوبشنز اكتر فتحة سقف ومرايات ضم باشارات وجنوط وبلوتوث , تكييف الكورى عموما احسن

الفلوونس اوسع , كاوتش بتاعها اعرض

العربيتين فيهم ABS و 2 AirBags , قوة الموتور متقاربه الفلوونس 105 الريو 108 ورغم ان الفلوونس عزمها اعلى 151 نيوتن والريو 135 بس الريو وزنها اخف ودا مساعدها