الموضوع: محتار بين ريو 2012 سيدان هاى لاين و فلونس مانيوال ؟؟

المشاركة الأصلية كتبت بواسطة Hosam_Optrawy

الكلام دا على الخليجى طبعا صح

ماتخليك فى الوكيل عشان الضمان

لأء والله موضوع ال 106000 دا كان وكيل ومافيهاش كاسيت شكلها لا مواخذه قولتله انتو شيلتوه قالى لاء دا فى عربيات كتير كدا ..
وقال انا عندى خليجى fully loaded ب 130000؟؟؟؟؟ موديل 2013 فيها كل اللى بتحلم بيه .. ودا اللى قالى مش موجوده معا انه عنده جوا
قالى متخفش من الخليجى انا هضمنهولك من حته كدا ب 1300 فى السنه ضد عيوب الصنعه ودا افضل واحسن من الوكيل لان فيها كل حاجه ومتخفش من الموضوع دا لان الضامن شركه كدا عنده كذا مكان معتمد من كيا " على فكره 1300 جنيه دا اغلى مبلغ سمعته عن موضوع ضمان الخليجى " يعنى من ضمن الطرائف والغرائب
والله تعبت مش عارف اعمل ايه دلونى يا ناس "هاموت فى الخليجى من كتر الاوبشنز بس خايف من الضمان ""

المشاركة الأصلية كتبت بواسطة hosam_optrawy

معلش بس اللى قاللك كدا بيقول كلام مش صحيح لان الوكيل سعرها الرسمى 105 وفيها كاسيت سى دى اساسى مش اختيارى

هات الوكيل هاى لاين ب 122 ولا تشترى ضمان ولا غيره

والله شكلى فعلا رسي على كدا بس عاوز اعرف مواصفاتها كلها
ولو تعرف حد معاه ريو هاى لاين وكيل قولى عليه وياريت لو تدينى رقمه علشان بجد اكلمه اعرف ااخبارها ايه احسن ..وشكرا ليك
على فكره فى حاججه اخيره كان شكله هيرجع عليا لما قولتله ايه رايك فى فلوانس

فلوانس كسر زيرو

المشاركة الأصلية كتبت بواسطة mody3on

الاتنين كويسين في اللي انت قلت عليه , بس التكييف في الريو اعتقد احسن شوية , والتسارع برضه , والكماليات للريو طبعا
بس الاتنين مش بتوع جري عموما , ممكن تشوف فئة اعلى من الفلونس او الالنترا كسر زيرو احسن

الكماليات للريو ؟؟ مين قال كدا ايه فى الريو مش موجود فى الفلوانس ؟ أساسا انا مينفعش أقارن ريو فئة أقل بفلوانس فئة أعلى وبرستيج أعلى وتوكيل وماركة أعلى

المشاركة الأصلية كتبت بواسطة fifo2011

بالنسبة للفلونس عربية جميلة وكل حاجة لكن للاسف السوق المصري وظروفه بيفرض عليك حاجات معينة اولها ابعد عن الرينو وغنيله مش عشان انها وحشة بالعكس عربياتها حلوة جدا وناجحة في السوق الاوروبي لدرجة ان الرينو خلال العام الماضي احتلت المركز الرابع بالنسبة لاكثر السيارات مبيعا في اوروبا ولكن بعد مكنت بفكر اجيب الميجان واستشرت واحد صاحبي معاه ميجان 2010 قال لي منصحكش عشان الموقف ده:
كان في الساحل ومعاه اسرته وحصله مشكلة ميكانيكية في السيارة ومردتش تدور معاه وكل ميحاول يجيب ميكانيكي عشان يشوفها مبيردوش يروحوا معاه ويقولوله ملناش في الرينو ومبنفهمش فيها فاتبهدل اخر بهدلة واضطر يرفعها على ونش لحد مصر

تخيل بقى لو الموقف ده حصل معاك ومعاك اسرتك!!!!!!

مش عشان موقف حصل مع صاحبك يبقى مشكلة العربية المشكلة مشكلة الناس اللى مش فاهماها وخصوصا متجبليش ميكانيكى فى مصر وتقوله خد صلح عربية فيها تكنولوجى وهو أساسا معندوش خبرة علمية سابقة ودا فى حد ذاته رحمة للعربية من ان اى حد يبوظ فيها وأكيد فيه ميكانيكيين كوادر عالية وفاهمين طيب خلى صاحبك مثلا معاه بى إم دبليو كان هيعمل ايه لو عطلت أو مرسيدس ؟ أو فيات حديث أو فورد أو فولفو دا ميخلنيش مشتريش العربية وأروح أركب لانسر مثلا عشان أى ميكانيكى يلعب فيها تمشى والميجان معايا عربية ممتازة جدا وقابلها بكل ما فيها واللى اشترى العربية دى جديدة حتى لو خسر فى بيعها لكنه اشترى قيمة مقابل مال