محتار بين ريو 2012 سيدان هاى لاين و فلونس مانيوال ؟؟

**dory52** · 16-06-2012 10:02 AM

بجد انا محتار اوى وتعبت من كتر التفكير فى العربيه اللى هشتريها محتار بين كيا ريو 2012 اتوماتيك هاى لاين ( 122 الف) وبين اول فئه فلوانس مانيوال ؟؟
اللى انا عاوزه من العربيه
1- انها تكون مريحه اوى سواء جوا البلد او على الطريق
2-الامان والثبات فى العربيه على السرعات اخرى يعنى لحد 160
3-التسارع والامكانيات والاوبشنز فى العربيه والتكييف لازم يكون محترم

بصراحه انا لحد فتره قريبه كنت خلاص رسيت على الريو لاكثر من سبب ( شكلها شيك اوى "جديد وجذاب" , ا مكانيات كتيره اوى متتعدش فى الهاى لاين تقريبا كل اللى انا عاوزه , ومريحه جدا من جوا والتابلوه اكثر من رائع بالنسبه ليا كرأى شخصى )

لحد مادخلت الفلوانس فى دماغى بنفس السعر بس للاسف مانيوال ودا على قد فلوسى بالظبط مافيش مليم زياده وبرده سياره شكلها حلو وفيها امكانيات كتير بس الفئه دى مافيهاش اوبشنز كتير زى الاتوماتيك تانى فئه )

أرجو من اصحاب الخبره من المنتدى الجميل يقولى رأيه بصراحه من واقع اللى سمعوه واللى ركبوه وانهو افضل وبالذات عاوز اسأل ايه الفرق بين ( خليجى وتوكيل ) فى الريو وانهو افضل ؟؟؟

**shaddadfalcon1** · 16-06-2012 10:08 AM

كعربيه وبرسيتيج وااسم شركه يبقي الفيلونيس

**dory52** · 16-06-2012 10:17 AM

المشاركة الأصلية كتبت بواسطة shaddadfalcon1

كعربيه وبرسيتيج وااسم شركه يبقي الفيلونيس

بس بيقولوا ان سعر اعاده البيع مش حلو .. وكمان هيا مانيوال يعنى انزل من مانيوال واركب مانويال دا انا عاوز اريح نفسى من زحمه الدنيا ..وهل سمعت حضرتك عن مشكله التكييف اللى مش حلو بتاعها

**mody3on** · 16-06-2012 10:47 AM

الاتنين كويسين في اللي انت قلت عليه , بس التكييف في الريو اعتقد احسن شوية , والتسارع برضه , والكماليات للريو طبعا
بس الاتنين مش بتوع جري عموما , ممكن تشوف فئة اعلى من الفلونس او الالنترا كسر زيرو احسن

**S O P H O S** · 16-06-2012 01:14 PM

الفلونس افضل
...لو الاختيار ما بين الاثنين فقط

**shaddadfalcon1** · 16-06-2012 01:28 PM

المشاركة الأصلية كتبت بواسطة dory52

بس بيقولوا ان سعر اعاده البيع مش حلو .. وكمان هيا مانيوال يعنى انزل من مانيوال واركب مانويال دا انا عاوز اريح نفسى من زحمه الدنيا ..وهل سمعت حضرتك عن مشكله التكييف اللى مش حلو بتاعها

اعادة سعر البيع تقلقك لو انت ناوي تبيع قريب يعني بعد سنه ولا اتنين بالكتيير غير كده متقلقش في حاجه

ممكن تستفاد من اعادة سعر البيع وتشوف حاجه كسر زيرو اعلي فئه هتلاقيها ارخص من المبلغ اللي انت حاطه وتبقي كده استفدت من موضوع اعادة سعر البيع لان اللي بيخسر فيه ههو المالك الأول فقط

**dory52** · 16-06-2012 01:59 PM

المشاركة الأصلية كتبت بواسطة mody3on

الاتنين كويسين في اللي انت قلت عليه , بس التكييف في الريو اعتقد احسن شوية , والتسارع برضه , والكماليات للريو طبعا
بس الاتنين مش بتوع جري عموما , ممكن تشوف فئة اعلى من الفلونس او الالنترا كسر زيرو احسن

اصل انا مش بتاع جرى وكدا اه بس فى نفس الوقت مش عاوز بطه بلدى يعنى يعنى مثلا لو عاوز اطلع من عربيه غبيه جنبى اعتقد الاتنين هيبقوا كويسين معايا ولا ايه ؟؟؟

**mody3on** · 16-06-2012 02:21 PM

المشاركة الأصلية كتبت بواسطة dory52

اصل انا مش بتاع جرى وكدا اه بس فى نفس الوقت مش عاوز بطه بلدى يعنى يعنى مثلا لو عاوز اطلع من عربيه غبيه جنبى اعتقد الاتنين هيبقوا كويسين معايا ولا ايه ؟؟؟

اه كويسين مفيش مشاكل

**fifo2011** · 16-06-2012 02:36 PM

بص يا باشا أنا ارشحلك الريو او النترا 2012 اول فئة اوتوماتيك
بالنسبة للفرق بين الريو الخليجي والوكيل هو الضمات طبعا لو هيفرق معاك او هتضحي بيه مقابل كماليات اكتر بالنسبة للريو الخليجي هديك مثال:
واحد صحبي كان معاه سيراتو وكيل والباب الامامي اتخبط خابطة جامدة بحيث انه كان لازم يتغيرى فغيره في التوكيل وتحمل 250 جنيه في حين ثمن الباب 2500 جنيه لو كان معهوش ضمان كان هيدفعهم كلهم

**fifo2011** · 16-06-2012 02:48 PM

بالنسبة للفلونس عربية جميلة وكل حاجة لكن للاسف السوق المصري وظروفه بيفرض عليك حاجات معينة اولها ابعد عن الرينو وغنيله مش عشان انها وحشة بالعكس عربياتها حلوة جدا وناجحة في السوق الاوروبي لدرجة ان الرينو خلال العام الماضي احتلت المركز الرابع بالنسبة لاكثر السيارات مبيعا في اوروبا ولكن بعد مكنت بفكر اجيب الميجان واستشرت واحد صاحبي معاه ميجان 2010 قال لي منصحكش عشان الموقف ده:
كان في الساحل ومعاه اسرته وحصله مشكلة ميكانيكية في السيارة ومردتش تدور معاه وكل ميحاول يجيب ميكانيكي عشان يشوفها مبيردوش يروحوا معاه ويقولوله ملناش في الرينو ومبنفهمش فيها فاتبهدل اخر بهدلة واضطر يرفعها على ونش لحد مصر

تخيل بقى لو الموقف ده حصل معاك ومعاك اسرتك!!!!!!