محتار بين ريو 2012 سيدان هاى لاين و فلونس مانيوال ؟؟

**dory52** · 18-06-2012 12:21 AM

المشاركة الأصلية كتبت بواسطة Hosam_Optrawy

معلش قرار شراء عربيه جديده فى الوقت الحالى بقى صعب فعلا

بص مميزات الريو انها ستيبترونيك , فيها اوبشنز اكتر فتحة سقف ومرايات ضم باشارات وجنوط وبلوتوث , تكييف الكورى عموما احسن

الفلوونس اوسع , كاوتش بتاعها اعرض

العربيتين فيهم ABS و 2 AirBags , قوة الموتور متقاربه الفلوونس 105 الريو 108 ورغم ان الفلوونس عزمها اعلى 151 نيوتن والريو 135 بس الريو وزنها اخف ودا مساعدها

انا لسه جى من عند السقا دلوقتى ولقيت حاجات عجب بصراحه هنا
1- اسعاره تحس انه عاسش فى ميه البطيخ يعنى مغلى تمن اى حاجه سألت عليها ياريت مثلا ب 500 او 1000 لأأأأأأ دا بحوالى 3000 جنيه فيما فوق عن اى عربيه سألت عليها فى اى معرض معفن فى حاره
2- تحس انهم مشغلين ناس مش فاهمه ايه حاجه ولا عندها خبره فى اى حاجه ولا عارفين العربيات اللى عندهم ايه فى المعرض " بعد ماكلمته حوالى نص ساعه فى عربيه وقالى هفرجك عليها دى جميله فجأه طلعت عليها قالى معلش اصلها مش موجوده

وقعد يدور عليها
3- شوفت حاجه عجب النهارده بقه قالى فى ريو اول فئه اتوماتيك ب 106000 يعنى اغلى من اللى شوفتهم فى معرضين بحوالى 4000 جنيه وكمان ايه مافيهاش كاااااااسيت قولتله ايه دا قالى عادى وسكت

والابتسامه على وشه حلوه منوره قولتله عادى يعنى قالى اه وتروح تشتريه من اى حته ...قولت بسس كدا شكرا يا عم انتو ناس زى الفل

**Hosam_Optrawy** · 18-06-2012 12:27 AM

المشاركة الأصلية كتبت بواسطة dory52

انا لسه جى من عند السقا دلوقتى ولقيت حاجات عجب بصراحه هنا
1- اسعاره تحس انه عاسش فى ميه البطيخ يعنى مغلى تمن اى حاجه سألت عليها ياريت مثلا ب 500 او 1000 لأأأأأأ دا بحوالى 3000 جنيه فيما فوق عن اى عربيه سألت عليها فى اى معرض معفن فى حاره
2- تحس انهم مشغلين ناس مش فاهمه ايه حاجه ولا عندها خبره فى اى حاجه ولا عارفين العربيات اللى عندهم ايه فى المعرض " بعد ماكلمته حوالى نص ساعه فى عربيه وقالى هفرجك عليها دى جميله فجأه طلعت عليها قالى معلش اصلها مش موجوده :n_no[1]: وقعد يدور عليها
3- شوفت حاجه عجب النهارده بقه قالى فى ريو اول فئه اتوماتيك ب 106000 يعنى اغلى من اللى شوفتهم فى معرضين بحوالى 4000 جنيه وكمان ايه مافيهاش كاااااااسيت قولتله ايه دا قالى عادى وسكت

والابتسامه على وشه حلوه منوره قولتله عادى يعنى قالى اه وتروح تشتريه من اى حته ...قولت بسس كدا شكرا يا عم انتو ناس زى الفل

الكلام دا على الخليجى طبعا صح

ماتخليك فى الوكيل عشان الضمان

**Hosam_Optrawy** · 18-06-2012 12:41 AM

المشاركة الأصلية كتبت بواسطة dory52

لأء والله موضوع ال 106000 دا كان وكيل ومافيهاش كاسيت شكلها لا مواخذه قولتله انتو شيلتوه قالى لاء دا فى عربيات كتير كدا ..
وقال انا عندى خليجى fully loaded ب 130000؟؟؟؟؟ موديل 2013 فيها كل اللى بتحلم بيه .. ودا اللى قالى مش موجوده معا انه عنده جوا :n_no[1]:
قالى متخفش من الخليجى انا هضمنهولك من حته كدا ب 1300 فى السنه ضد عيوب الصنعه ودا افضل واحسن من الوكيل لان فيها كل حاجه ومتخفش من الموضوع دا لان الضامن شركه كدا عنده كذا مكان معتمد من كيا " على فكره 1300 جنيه دا اغلى مبلغ سمعته عن موضوع ضمان الخليجى " يعنى من ضمن الطرائف والغرائب
والله تعبت مش عارف اعمل ايه دلونى يا ناس "هاموت فى الخليجى من كتر الاوبشنز بس خايف من الضمان ""

معلش بس اللى قاللك كدا بيقول كلام مش صحيح لان الوكيل سعرها الرسمى 105 وفيها كاسيت سى دى اساسى مش اختيارى

هات الوكيل هاى لاين ب 122 ولا تشترى ضمان ولا غيره

**Hosam_Optrawy** · 18-06-2012 01:58 AM

المشاركة الأصلية كتبت بواسطة dory52

والله شكلى فعلا رسي على كدا بس عاوز اعرف مواصفاتها كلها
ولو تعرف حد معاه ريو هاى لاين وكيل قولى عليه وياريت لو تدينى رقمه علشان بجد اكلمه اعرف ااخبارها ايه احسن ..وشكرا ليك
على فكره فى حاججه اخيره كان شكله هيرجع عليا لما قولتله ايه رايك فى فلوانس

ادخل قسم كيا هاتلاقى اكتر من موضوع عنها واعتقد فى اتنين معاهم هاى لاين وكيل