يا أصحاب الصيتي .................................؟

**dr_roufa** · 22-06-2008 02:04 AM

المشاركة الأصلية كتبت بواسطة foxarc

ههههههههههههههه
هو عشان الموتور علي الموقع بتاع شيري و شرحين مكوناته و امكانياته يبقي صيني
صحيح اللي ميعرفش يقول عدس

يا فندم مش عشان الموتور على موقع شيري و لا حاجه , الاستاذ سمعه كتب عنوان موقعين واحد اسمه cheryglobal.com وده عليه مواصفات العربيه a516 و الكود بتاع المحرك بتاعها و الموقع التاني اسمه cheryacteco.com وده لو حضرتك بصيت على اللوجو بتاعه مكتوب chery engine company و هتلاقي موجود عليه اكواد المواتير (ومنهم كود a516 ) المصنعه بواسطة الشركه دي اللي هيا chery acteco ودي شركه فتحتها شيري سنة 2003 عشان تصنيع المواتير بمساعدة شركة التصميم النمساويه AVL
و الكلام ده لو عملت بحث على النت هتلاقيه واضح جدا

موقع bizchinanow.com موجود عليه مقاله كانت منشوره في ال Wall Street Journal سنة 2007 عن شركة شيري ومكتوب فيه

Chery, on the other hand, wanted Mr. Xu to oversee a project that would develop three new families of engines within just a few years. In 2003, Mr. Xu and Chery turned to AVL List GmbH, an Austrian engineering consulting firm that specializes in internal-combustion engines, for help. AVL promised to train Chery engineers to design and build the sophisticated engines. Teams from the two companies worked side-by-side in Austria and in China. "They knew they had to exchange knowledge for money. That really speeds up your capacity building," says Mr. Xu

و ده وصلة المقاله
http://www.bizchinanow.com/Contents/...tent_79186.htm

و على موقع تاني برضه cheryforums.com

Chery Engine design is taken care of by AVL, an Austrian engine design firm. AVL has been commissioned to develop four new engines that will deliver excellent performance while simultaneously meeting the latest North American emission standards. Engines will include turbo 4-cylinders, V6s and V8s as well as turbo diesels. Some of these engines will feature Direct Gas Injection, a feature that increases power and reduces fuel consumption.

و دي الوصله
http://www.cheryforums.com/

و على موقع wikipedia

AVL of Austria is also working with Chery to produce 18 engines, including a turbodiesel, for the new line of cars. The new engine brand, called ACTECO

ودي الوصله
http://en.wikipedia.org/wiki/Chery

و لو عملت بحث على wikipedia عن شركة AVL هتعرف انها شركة تصميم في الاساس مش شركة تصنيع ,شركات العربيات بتدفعلها فلوس للاستشاره و المساعده في تصنيع المواتير
AVL, or Anstalt für Verbrennungskraftmaschinen List, is an Austrian-based automotive consulting firm as well as an independent research institute. It is the largest privately owned company for the development of powertrain systems with internal combustion engines as well as instrumentation and test systems.

ودي الوصله لحسن تقول بفتي برضه
http://en.wikipedia.org/wiki/AVL_(Engineering_Firm)

اما بالنسبه لموضوع الشاسيه فهو ممكن يكون نسخه معدله عن شاسيه السيات اللي شيري استخدمته قبل كده في ال a11 وده تصميم قديم قوي , و نظام التعليق المكفرسون فده شركات كتير جدا بتستخدمه مش بدعه يعني

مين اللي بيفتي بقى !!!
وبعدين انا مش عارف مدام الناس خايفه قوي كده ان الموتور و العربيه كلها تطلع صناعه صيني ومش واثقين في الصيني ليه يشترو عربيه و ماركه في الاساس صيني

مش معنى كده ان العربيه وحشه العربيه حلوه على قد تمنها بس كفايه فتي

**foxarc** · 22-06-2008 10:00 PM

يا استاذي الفاضل ده واحد بيحارب الصيني و خلاص بالرغم انه لا يمتلكها و لا يعرف عيوبها و ميزاتها ده واحد داخل المنتدي الصيني عشان كل واحد بيفكر يشتري عربية صيني يقوله لا بلاش هات لانوس هات فيرنا !!!!!!
و ده اسلوب علمي و لازم ابقي امين في اجابتي اقول عيوب و مميزات كل سيارة بامانه اذا كنت اعرف ما اعرفش اقول معرفش صح ولا ايه !!!!!
الموضوع مش الموتور صيني و لانمساوي انا معاي العربية و الحمد لله زي الفل حتي لو كان الموتور صومالي
ده حتي واحد بيقولوه اشتري التيجو و لا لأ ؟
يقولوا هات التيريوس احسن !!!!
طب هو شاف التيجو فين و لا ركبها امتي ده لسه نازلة في معرض اتوماك و بعدين ينصحة بالتيريوس اللي الناس اشتكت منها لطوب الارض؟؟
طب يقوله هات فيتارا جيب مستعمل حتي؟؟؟
راجع ردوده في المنتدي حضرتك و انت تتأكد من انه شخص معادي للسامية الصينية

**som3aa** · 22-06-2008 11:22 PM

يا استاذي الفاضل ده واحد بيحارب الصيني و خلاص بالرغم انه لا يمتلكها و لا يعرف عيوبها و ميزاتها ده واحد داخل المنتدي الصيني عشان كل واحد بيفكر يشتري عربية صيني يقوله لا بلاش هات لانوس هات فيرنا !!!!!!
و ده اسلوب علمي و لازم ابقي امين في اجابتي اقول عيوب و مميزات كل سيارة بامانه اذا كنت اعرف ما اعرفش اقول معرفش صح ولا ايه !!!!!
الموضوع مش الموتور صيني و لانمساوي انا معاي العربية و الحمد لله زي الفل حتي لو كان الموتور صومالي
ده حتي واحد بيقولوه اشتري التيجو و لا لأ ؟
يقولوا هات التيريوس احسن !!!!
طب هو شاف التيجو فين و لا ركبها امتي ده لسه نازلة في معرض اتوماك و بعدين ينصحة بالتيريوس اللي الناس اشتكت منها لطوب الارض؟؟
طب يقوله هات فيتارا جيب مستعمل حتي؟؟؟
راجع ردوده في المنتدي حضرتك و انت تتأكد من انه شخص معادي للسامية الصينية

اولا انا مقلتش هات فيتارا مستعمل , انا قلت لو تقدر هات فيتارا احسن (لانها اغلى شوية) قصدى جديد , بعدين انا قلت لو مصمم هات تيريوس احسن مقلتش انها عربية كويسة بالعكس قلت ممكن نضغط على نفسنا و نعتبرها عربية !!!!!!!!
انا فعلا اكيد مش هشترى عربية مجهولة المصدر زى العربيات الصينى!!! يعنى كلامك صح لا انا عندى عربية صينى و بعدين انا مفتتش فى حاجة يعنى طلعلى كدا قلت على عيب مش موجود فى العربية مثلا (انا مش بتكلم على عيوب).
الموتور انت قلت دا مش صينى و صممت و قلت عليا فتاى , طيب يعنى انت قلقان ان الموتور يبقى صينى صح و لا ايه بدليل انك جادلت فى انه مش صينى!!!!
طيب يا سيدى بلاش, خلينا فى التيجو , عربية 4x4 و 2000cc و ب 115 الف جنيه , خلينا كدا نتكلم عنها , جودتها تبقى ازاى؟؟
فكر معايا كده , اولا مركة صينى شغالة بقالها 11 سنة بس و بتنتج عربيات رخيصة جدا و بتحاول تصدرها لدول العالم التالت بس , معندهمش مقاييس للجودة زى اوروبا و امريكا , ميقدروش يبيعوا عربياتهم فى الدول دى علشان محتاجين حد ادنى للامان يكون متوافر فى العربية و طبعا الحد الادنى مش متوافر فى العربيات دى , شوفنا crash test للعربيات شيرى و عربيات صينى تانية كتير و كلهم مسخرة و شوفهم بنفسك!!!
بعدين العربيات الكورى لحد انهردة و احنا فى سنة 2008 لسه بيقولولا عليها كلام برده , طب تخيل تقليدها الصينى , يعنى ال speranza a620 دي تقليد عربية دايو قديمة ناسخينها بالحرف , يبقى جودها عاملة ازاى؟ احسن من الدايو اللى فى كلام عليها؟؟؟
بعدين الصينى درجات فى الجودة (يعنى فى صينى ممتاز اوى اوى اوى) بيتصدر لامريكا و اوروبا و دا مستواه عالى جدا و دا فى حاجات كتير اوى بس مش منهم العربيات خالص !!!
بس كله بتمنه يعنى تدفع مبلغ كبير تاخد حاجة كويسة , فى العربيات انت بتدفع مبلغ قليل اوى اوى , يبقى طبيعى تاخد حاجة زبالة .
يعنى اعقلها كدا عربية صينى (دولة لا فيها مقاييس للجودة و لا حقوق ملكية و لا اى حاجة) تمنها 100 الف جنيه فى مصر بعد الجمارك و الضرايب و مكسب التوكيل و كل حاجة ؟ تيجى ازاى؟؟؟
اتفرج عليها كدا (انا طبعا تفحصتها فى المعرض) , ايه رايك كدا فى التقفيل من جوه؟؟
تفتكر فى المنعطفات العربية دى هتعمل ايه؟
bmw اشترت range rover علشان تعرف تطور عربيات suv زى ال x5 كدا , طب تخيل شركة فتحت تحت بير السلم من 11 سنة تبقى عاملة عربية suv شكلها ايه؟
هى مجازفة بالفلوس و خلاص؟؟
بعدين فى topic هنا من مالك العربية كاتب بلاوى و باعها و غيره كاتب انها عربية سيئة (بتكلم على الa516) و بعدين العربية موتورها صينى تفتكر هتعيش اد ايه؟؟

الصينى مش محتاج كلام عنه , مش لازم بقا نضحك على نفسنا و نقول يااه دى ممتازة , بعدين العربية بقالها معاك اد ايه و عملت بيها كام كيلو؟

هرد عليك بالتفصيل لما افضى و اوريك فيديوهات لعربيات شترى فى crash test

**foxarc** · 23-06-2008 01:11 AM

يا عزيزي سمعة انا مقدر مجهودك الكبيير بس اللي انا عايز اوصللهولك بلاش نحكم علي الحاجة قبل من نجربها الكوري اول ما نزل مصر قالوه فيه العبر و بعدين اثبت وجوده و بعدين موضوع ان شركة شيري العملاقة بتصدر لدول العالم الثالث فقط كلام غير صحيح عشان هي الشركة الوحيدة في الصين اللي ليها مصانع في امريكا و بعدين اختبارات التصادم اللي انا شوفتها لحد دلوقتي بالنسبة a5او foraزي ما بيسموها في الصين معقولة جدا قياسا بتجارب الفيرنا و الافيو و الاكسنت و حتي الياريس و بعدين يا عم سمعة احنا عايزين عربيات علي ادنا في العالم التالت اللي يقدر يجيب يا باني و لا امريكاني ربنا يسهله انا اللي بقوله ان العربية اثبتت وجدها في مصر حتي الان في حدود سعرها و امكانياتها و العيوب اللي فيها مش قاتلة لا زي اي عربية تانية و اخيرا انا ميفرقش معايا الموتور صيني و لا هندي انا بقيم العربية وحدة واحدةو تقييم اجمالي و ما تزعلش مني يا عزيزي حقك علي بس انا عايزك تبقي موضوعي اكثر من كده و تحترم اراء الاخرين فيه حاجات ما تعجبكش لكن بتعجب ناس تانية
مع تحياتي

**som3aa** · 23-06-2008 03:05 AM

يا عزيزي سمعة انا مقدر مجهودك الكبيير بس اللي انا عايز اوصللهولك بلاش نحكم علي الحاجة قبل من نجربها الكوري اول ما نزل مصر قالوه فيه العبر و بعدين اثبت وجوده و بعدين موضوع ان شركة شيري العملاقة بتصدر لدول العالم الثالث فقط كلام غير صحيح عشان هي الشركة الوحيدة في الصين اللي ليها مصانع في امريكا و بعدين اختبارات التصادم اللي انا شوفتها لحد دلوقتي بالنسبة a5او foraزي ما بيسموها في الصين معقولة جدا قياسا بتجارب الفيرنا و الافيو و الاكسنت و حتي الياريس و بعدين يا عم سمعة احنا عايزين عربيات علي ادنا في العالم التالت اللي يقدر يجيب يا باني و لا امريكاني ربنا يسهله انا اللي بقوله ان العربية اثبتت وجدها في مصر حتي الان في حدود سعرها و امكانياتها و العيوب اللي فيها مش قاتلة لا زي اي عربية تانية و اخيرا انا ميفرقش معايا الموتور صيني و لا هندي انا بقيم العربية وحدة واحدةو تقييم اجمالي و ما تزعلش مني يا عزيزي حقك علي بس انا عايزك تبقي موضوعي اكثر من كده و تحترم اراء الاخرين فيه حاجات ما تعجبكش لكن بتعجب ناس تانية
مع تحياتي

شكرا على ردك بس احب اوضحلك شوية حقائق.
شيرى ملهاش مصنع فى امريكا و لا اوروبا و لا اى حاجة من الكلام دا و مبتصدرش لدولة واحدة متقدمة خالص.
اما من ناحية الcrash tests انا مشفتش و لا واحد كويس لشيرى , مشوفتش غير قليل اوى اوى كويس لعربيات صينى.
وبعدين ياريتهم بيبيعوا عربيات ب 30-40 الف لا دول بيبيعوا عربية ب 68 الف يعنى فى بدائل محترمة جدا ليها زى اللانوس مثلا , و عربيتين ب 110 الف التيجو و ال620 و طبعا فى مليون بديل فى الفئة السعرية دى.
كمان مواتير قديمة جدا و تعبانة بالنسبة لدلوقتى يعنى موتور 2000cc و 129 حصان , دى الالنترا 1600cc و 121 حصان , معظم العربيات ال1600 دلوقتى 120+ حصان يعنى قريب اوى من الa620 و بعدين كماليات تانية رخيصة صينى ممكن الواحد يركبها فى اى عربية , يعنى مثلا ممكن واحد يشترى اللانسر ال1600 و يركبلها 2 lcd و dvd و parking sensors و يدفع حاجة بسيطة فرق!!

الكورى فى الاول عمره مكان بالاسعار دى و بالرخص دا و كان ارخص من اليابانى بشوية مش بالفرق دا و بعدين الكورى مبقالوش 10 سنين زى الصينى , يعنى هيونداى بقالها 41 سنة و دايو برده نفس الكلام.

بعدين الcrash tests بعيدة كل البعد عن العربيات اليابانى و الكورى دول و اهو
http://www.youtube.com/watch?v=5kQGA...eature=related

و شوف الفرق بينها و بين الياريس
http://www.youtube.com/watch?v=nAMQ4...eature=related

حتى الاكسنت واخدة 3 نجوم
http://www.youtube.com/watch?v=bhJT0ORc1GM

و شيرى طبعا بطلت تعمل crash test فى اوروبا , كفاية فضايح.
عملوا cNCAp
طبعا قمة التهريج و المسخرة , عاملين اختبار امان صينى و الاسم تقليد لاختبار السلامة الاوروبى.
طبعا الاختبار دا ال127 تاخد فيه 10 نجوم من 5.
http://www.youtube.com/watch?v=FnXT1...eature=related

انا زى ماقلت مليش اى مصلحة فى الموضوع , يعنى مش انا صاحب مصنع دايو مثلا علشان ارشحها , انا بس بيصعب عليا حد يضحك عليه فعلا.
العربيات دى مفيهاش اى سلامة و الairbags لعبة و طبعا جودة ضعيفة جدا و اكيد هيظهر فيها بلاوى سودة و اسعار اعادة البيع (0) ماعدا عربيتك الوحيدة اللى سعر اعادة البيع بتاعها كويس.
التيجو بقا دى اللى مينفعش اتكلم عليها اساسا , عربية بالمكانيات دى ب 100 الف , ابسط حاجة الواحد يحسبها بمخه كدا, طيب بعيد عن مكسب التوكيل و المصنع بره و مصاريف التجميع فى مصر و الشحن و الضرايب و الجمارك و كل الكلام دا , يبقى العربية تكلفة تصنيعها كام؟؟ قصدى سعر مكونات الانتاج؟!
للعلم انا مع الكورى جدا لانه اثبت نفسه لحد ما بقى فى جودة اليابانى و سعره بقا نفس سعر اليابانى بره مصر و خد وقته و نجح مش شركات عايزة تبيع و خلاص .
عندنا عربيات كورى رخيصة على ادنا مش لازم صينى لاننا بلد عالم تالت
للعلم انا بحترم اراء الاخريين بس لازم الرايى يكون بيستند على ادلة لما يتكلم على حاجة و بعدين الكلام على الصينى دا مش رايى لوحدى دا راى معظم الشعب المصرى بدليل ضعف الاقبال على العربيات الصينى و مفيش مركة باعت غير الاسبرنزا علشان ليها مصنع فى مصر مش اكتر فالعربيات بقت رخيصة جدا , يعنى عربية بحجم الa620 و 2000cc (معظم الناس متعرفش ان القوة بالحصان و العزم و كدا مش بحجم الموتور ) ب100 الف و كدا علشان كدا باعوا 15000 عربية فى السنة (مجموع مبيعات ابو الفتوح 15000 , منهم دايو و اسبرنزا).
الصينى على قد فلوسه الكلام دا من 30-55 الف بس بعد كدا فى بدائل كتير اوى.
شكرا ليك و لو عايز تقنعنى بادلة و توضحلى وجهة نظرك انا معاك للصبح و نتناقش فى اللى انت عايزه.

**Fouad Ezz** · 23-06-2008 11:37 AM

يا جماعة !!!!!!!!!
وقفة لو سمحتم ....
لأ أعتقد إن في واحد من مصلحته إن الفيرنا تبيع ولا واحد من مصلحته إن الصيني يبيع .....
الناس بتحاول تفيد بعضها .... بالرأي
ولما يكون في خلاف في الراي ... ماشي .. انا أحب الكرولا هو يحب الانسر ... في واحد مليونير بس بيموت في ال 128 ....
دي أزواق وأراء مايصحش نحاسب بعض عليها ....
أحيانا تشتعل مشادة كلامية ... ماحدش كسبان من وراها ..
أنا كان غرضي إن اللي عندة الأسبرانزا يقولنا وصفها من جوه ومن برة ومميزاتها وعيوبها ... واللي عندة الهايما والـ إف ثري ... بغض النظر بقه عن صيني ولا مش صيني ....
أول ما ظهرت الإكسيل ولانوس 1 برضة كان كل الناس عماله تقول كوري ... كوري ... إية ياعم حد يحط 35000 في كوري ... وبعدها بسنة واحدة الانوس بقت (يمكن بـ 50 ألف) وأديكو شايفين هية عاملة إية دلوقتي !!!!
والوقت الحالي مافيش حاجة إسمها ياباني وصيني وألماني ...
الدليل:
التعاون بين معظم شركات العالم في تصنيع شاسيهات ومواتيير
المرسيدس تجمع في مصر!!
التويوتا في جنوب أفريقيا.... وغيره ...
أما المبالغة في أسعار الصيني في مصر ده شيئ راجع لإستغلال الوكلاء بحجة الجمارك ....
ولي كام ملاحظة أخيرة:
إذا هانقارن بين الفيرنا والسبرانزا (71000) و (68000) في رأي السبرانزا أفضل (رأي ... محدش يضرب نار)!!!!
الإسبرانزا نازلة في السعودية بإسم Cherry A5 وبتبيع!! أينعم مش كتير بس بتبيع وتمنها حوالي 37000 ريال .. تخيل الشيري في السعودية مع ألاف الموديلات والمواصفات !!! وكمان في Cherry 11 مع زميل لي في العمل وماشية زي الفل .. مع العلم الطرق في السعودية بتاكل العربيات...

وشكرا ليكم ,,, وبجد فرحت إن الحوار بقي أهدي وللصالح العام وأتمني يستمر كدة

**Fouad Ezz** · 23-06-2008 11:43 AM

المشاركة الأصلية كتبت بواسطة som3aa

طبعا الاختبار دا ال127 تاخد فيه 10 نجوم من 5.
http://www.youtube.com/watch?v=FnXT1...eature=related

يا سمعة باشا ... انا شوفت safety crash test ده ...
في رأي المتواضع (جيد) مش وحش ... مش دي العربية الجديدة اللي منزلها أبو الفتوح بإسم .... 211 ؟؟؟؟؟

**foxarc** · 23-06-2008 01:56 PM

بالظبط الاختبار معقول جدا و مفيهوش اي تجاوزات و بعدين ابو الفتوح واخد تاني اكبر موزع لسيارات شيري علي مستوي العالم بعد امريكا و الخبر عندي في مجلة عالم السيارات و ياريت يا عزيزي سمعة تجيبلنا الرابط بتاع الشيري a5 اختبار التصادم بتاعها عشان نشوف ايه الاخبار و بعدين سيادتك هات اختبار التصادم بتاع الافيو و زي ما قولنا في تعاون بين جميع الشركات علي مستوي العالم و الدليل ان شركة فيات اختارت شيري من بين 50مصنع محركات في العالم عشان يوردلها محركات بعد ما تأكدت من معايير الجودة و الاتقان
و بعدين لعلم سيادتك في الصين اكثر من 124 مصنع لصناعة السيارات مش كلهم عالميين بس برضة مش كلهم مصانع تحت بير السلم فيه مصانع كتير محترمة
انا رايي الشخصي ان الاسبيرانزا a516 هي سيارة مصر الاولي القادمة بعد انتهاء اسطورة اللانوس و الفيرنا و شكرا

**eng / AhmeD** · 23-06-2008 02:59 PM

ربنا يرزق المصريين عربية حلوة و شيك و تعيش و رخيصة
حد يكره الخير لينا

**som3aa** · 23-06-2008 05:38 PM

محدش يضرب نار

:D

في رأي المتواضع (جيد) مش وحش

ايوه دا ممتاز مش جيد بس , الفكرة السرعة مش اكتر.:)
يعنى الاختبار دا فى اوروبا بيعاملوه على سرعة معينة و هى 64 كم فى الساعة من الامام و من الجنب على 50 كم فى الساعة.
طبعا الاختبار الصينى واضح انه اختبار لعبه على 20-30 كيلو فى الساعة و الكلام دا باين اوى اوى اوى اوى اوى من اللى حصل للعربية بعد الحادثة و هو و لا اى حاجة , ركز كاد بين الثانية 3 و 4 هتلاقى راس السواق موصلتش اساسا للدركسيون!!! و الحادثة الجانبية النتيجة احسن بكتر من اختبار المرسيدس الs-class تخيل , يعنى العربية المرسيدس اتشوهت و الشيرى طلعت سليمة!
السرعة كانت بطيئة جدا جدا جدا .

بعدين ابو الفتوح واخد تاني اكبر موزع لسيارات شيري علي مستوي العالم بعد امريكا

معلش بوضحلك تانى شيرى مش بتبيع و لا حتى ربع عربية فى امريكا و لا ليها اى مصنع فى امريكا و ليها اى علاقة بامريكا نهائيا!!!
يعنى موزع رقم 1 لشيرى مش فى امريكا خالص لانها ملهاش و لا عربية فى امريكا, مش هتعدى من اختبارات السلامة اساسا.

ياريت يا عزيزي سمعة تجيبلنا الرابط بتاع الشيري a5 اختبار التصادم بتاعها عشان نشوف ايه الاخبار

للاسف الa5 ملهاش crash test علشان محاولوش ينزلوها فى امريكا او اوروبا , فى صور بس للC-NCAP و دا طبعا اختبار الامان الصينى المسخرة و اللى شيرى رفضت تطلع الفيديو , طلعوا صور بس, قمة فى التهريج طبعا
http://www.chinacartimes.com/2006/12...h-test-photos/

العربية خدت 100% فى الامان فى الاختبار الجامد اوى اوى دا و مش بهزر لا فعلا خدت 100% , و طبعا الairbags طلعت بس الله و اعلم طلعت قبل ولا بعد الحادثة (مردوش يطلعوا الفيديو ) و طبعا سرعة الحادثة مذكروهاش بس بالنظر لاضرار العربية انا رايى كانت ماشية على 10 بالكتير :)

بعدين سيادتك هات اختبار التصادم بتاع الافيو

اهو , تعبان جدا , واخدة نجمتين بس (مش كاملين كمان)
http://www.euroncap.com/tests/chevro..._2006/250.aspx

و دا اختبار السلامة الامريكى اخف و بعدها بسنة يعنى موديل 2007 واخدة 5 نجوم
http://www.safercar.gov/portal/site/...002fd17898RCRD

الدليل ان شركة فيات اختارت شيري من بين 50مصنع محركات في العالم عشان يوردلها محركات بعد ما تأكدت من معايير الجودة و الاتقان

لا معلش لحظة واحدة , شيرى هتزود فيات ب 100 الف محرك بس سنويا مش عاشان يركبوهم فى العربيات و يبيعوها فى اوروبا , لأ !
علشان يركبوهم فى عربيات فيات و يبيعوها فى الصين علشان العربيات تبقى ارخص و فى الصين مفيش اختبارات جودة و لا امان اهم حاجة الرخص!!!
يعنى عملوا حركة ذكية يكسبوا منها مش علشان المواتير كويسة و لا متطورة و لا اى حاجة لأ طبعا دول عايزين يبيعوا عربياتهم فى الصين زى كل الشركات التانية مش اكتر.

و بعدين لعلم سيادتك في الصين اكثر من 124 مصنع لصناعة السيارات مش كلهم عالميين بس برضة مش كلهم مصانع تحت بير السلم فيه مصانع كتير محترمة

ايوه مش كلهم بير سلم بس كلهم لسه فى الاول يعنى , اول خطوات بيعتمدوا يبيعوا حاجة ذات جودة قليلة اوى اوى بسعر قليل اوىىىىىىىى بس الفكرة ان فى مصر التوكيل بيزود كتيييييييير و يبيع غالى و الناس مبسوطة بالكماليات و الشكل.

انا رايي الشخصي ان الاسبيرانزا a516 هي سيارة مصر الاولي القادمة بعد انتهاء اسطورة اللانوس و الفيرنا و شكرا

ربنا يباركلك فيها و اتمنى ان شاء الله تطلع زى مبتقول

الموضوع: يا أصحاب الصيتي .................................؟

LinkBack

أدوات الموضوع

عرض

-

-

-

المواضيع المتشابهه

أصحاب ال bmw فى الإسكندرية

إلى أصحاب الـ 505 و من كان

استفسار من أصحاب الألتو 800 سى سى

أفيدونى يا أصحاب الميجان

طلب من أصحاب الانسر

الكلمات الدلالية لهذا الموضوع

المفضلات

المفضلات

ضوابط المشاركة