احسن موتور يسقط للتيبو

**Dr/ P.K.Sh** · 28-06-2012 04:12 AM

متابع

**Mostafa_Sherif** · 03-07-2012 09:16 PM

السلام عليكم
ميزانيتك كام؟؟
عايز جري عامل ﺍﺯﺍﻱ؟ ﻭ عايز تطلع من ايه؟ايه؟

مصطفي شريف

**bHa2** · 03-07-2012 10:58 PM

المشاركة الأصلية كتبت بواسطة Mostafa_Sherif

السلام عليكم
ميزانيتك كام؟؟
عايز جري عامل ﺍﺯﺍﻱ؟ ﻭ عايز تطلع من ايه؟ايه؟

مصطفي شريف

والله يا استاذ مصطفي انا لسه بدور علي العربيه
و حتي لو لقيت العربيه ف انا هبدأ المشروع دا ف السنه الجديده
انا بس كنت باخد فكره هل الموضوع يستاهل ولا استني اجيب حاجه اعلي يعني
طلع ما شاء الله ممكن يتعمل فيها كتير
بس انا كان نفسي ف حاجه زي ال sir حاجه كده 1600 بس بيطلع hp عالي
ف حتي الميزانيه مش متحدده حالياً
ساعتها الكلام هيكون بالورقه و القلم عشان معطلعش ف النص
شكراً يا استاذ مصطفي علي المساعده
بس انا بشكل عام محتار بين حاجتين
اعلي اداء واحده واحده
ولا استني شويه يكون معايا مبلغ كويس "اللي بصراحه مش عارف المفروض يكون كام"
واعمل upgrade محترم

**Mostafa_Sherif** · 04-07-2012 04:01 PM

طب ممكن اسألك .. ليه أخترت التيبو ؟؟

**bHa2** · 04-07-2012 04:21 PM

المشاركة الأصلية كتبت بواسطة Mostafa_Sherif

طب ممكن اسألك .. ليه أخترت التيبو ؟؟

هقول لحضرتك
دي اول عربيه ليا
وكلنا ف اول عربيه بناخد وقت ف التفكير
كانت خيارتي حسب المبلغ اللي معايا من 25 ل 30
انحصرت ف الاكسيل و بونتو و الابيزا و الكورسا و الجولف والاونو وكذا حاجه تاني مش فاكرها دلوقتي بصراحه
وبعدين بدأت استبعد
جولف وابيزا و كورسا "خوفوني من قطع غيارها"
بونتو قبل 2000 برضه قطع غيارها نادره
الاكسيل الاعضاء برضه خوفوني من الكوري بشكل عام
ومفيش احسن من الاروبي وبما اني خبرتي ف العربيات زي خبرتي عن اللغه اليابانيه القديمه
قولت هما يعرفوا احسن مني
ف لاقيت الانو صغيره موتور و حجم و احنا عيله يعني
الاعضاء المحترمين هنا مشكروين وجهوا نظري للتمبرا
جميله و كل حاجه بس حاسسها لحد كبير ف السن "انا 21 سنه"
فبرضه الاعضاء المحترمين هنا جزاهم الله خير قالولي ع التيبو
وتحس انه بقي حب من اول نظره xD
بقيت اتفرج ع فيديوهات ع اليوتيوب و صور واحبها اكتر
وبعدين دخلت ع ويكي بيديا لاقيت ال hp بتاع مواتير التيبو قليل مقارنه بكتيل من مواتير السيارات ف مصر
فجيت عملت الموضوع دا بحيث اني برضه اعرف ايه نظام التعديل فيها
دي حكايه التيبو معايا من ساعه ما عرفتها من الاخوه هنا لحد ما انا بكتب المشاركه دي ^^

**Mostafa_Sherif** · 06-07-2012 02:50 AM

بص يا سيدي ... التيبو ديه أختراع ملهوش مثيل فيات عملته سنة 88 و فضلت تطور فيه و في عربيات مبنية عليها لحد أوائل ال 2000 في ايطاليا و لحد دلوقتي في دول كتير منها البرازيل.

يعني الشاسيه أول ماأتعمل كان سنة 88 و كانت التيبو أول عربية منه .. و بعد كدا كل العربيات بيتكتب أنها من شاسيه التيبو ,,, و مثال العربيات ديه كالأتي:-
1. التمبرا
2. البرافا / البرافو (الشكل القديم )
3. الماريا
4. الكوبيه
5. ألفا روميو 155
6. ألفا روميو 145
7. ألفاروميو 146
8. ألفا روميو gtv
9. ألفا روميو 156
10. لانشيا الديدرا

و ده معناه أن أغلب المحركات و ألات الجر و العفش بتاعت كل اللي فات ده .. بيركب على بعض عادي مع وجود أختلافات يجب الاهتمام بها و سعات بتحتاج تركب أكتر من قطعة عشان التحويل يمشي بدون مشاكل.

و عشان كدا أختارات التعديل للتيبو لا حصر لها في رأي المتواضع ..

نيجي بقي للتيبو في حد ذاتها كسيارة ركوب و قوة محركها ..
أنت لازم قبل ماتفكر في التعديل تجرب العربية من حد و تكون حالتها نضيفة .. لأنك أحتمال تلغي فكرة التعديل لو جربت مثلا ال 1600 و تلاقي نفسك بتطلع من عربيات كتير و بالاخص انها أول عربية ليك و ملكش تجارب في التعديل أساسا.
أنا كنت بطلع بالتيبو ال 1400 بتاعتي من الاكسل و الاكسنت 1300 و الابيزا و الكورسا و الجولف 2 1400 و 3و 4 كمان :)

أنا في أعتقادي لو جبت تيبو 1600 نضيفة مش هتحتاج تعمل فيها حاجة لفترة زمنيه مش قليلة.

و شكرا ...
مصطفى شريف

**bHa2** · 06-07-2012 12:54 PM

المشاركة الأصلية كتبت بواسطة mostafa_sherif

بص يا سيدي ... التيبو ديه أختراع ملهوش مثيل فيات عملته سنة 88 و فضلت تطور فيه و في عربيات مبنية عليها لحد أوائل ال 2000 في ايطاليا و لحد دلوقتي في دول كتير منها البرازيل.

يعني الشاسيه أول ماأتعمل كان سنة 88 و كانت التيبو أول عربية منه .. و بعد كدا كل العربيات بيتكتب أنها من شاسيه التيبو ,,, و مثال العربيات ديه كالأتي:-
1. التمبرا
2. البرافا / البرافو (الشكل القديم )
3. الماريا
4. الكوبيه
5. ألفا روميو 155
6. ألفا روميو 145
7. ألفاروميو 146
8. ألفا روميو gtv
9. ألفا روميو 156
10. لانشيا الديدرا

و ده معناه أن أغلب المحركات و ألات الجر و العفش بتاعت كل اللي فات ده .. بيركب على بعض عادي مع وجود أختلافات يجب الاهتمام بها و سعات بتحتاج تركب أكتر من قطعة عشان التحويل يمشي بدون مشاكل.

و عشان كدا أختارات التعديل للتيبو لا حصر لها في رأي المتواضع ..

نيجي بقي للتيبو في حد ذاتها كسيارة ركوب و قوة محركها ..
أنت لازم قبل ماتفكر في التعديل تجرب العربية من حد و تكون حالتها نضيفة .. لأنك أحتمال تلغي فكرة التعديل لو جربت مثلا ال 1600 و تلاقي نفسك بتطلع من عربيات كتير و بالاخص انها أول عربية ليك و ملكش تجارب في التعديل أساسا.
أنا كنت بطلع بالتيبو ال 1400 بتاعتي من الاكسل و الاكسنت 1300 و الابيزا و الكورسا و الجولف 2 1400 و 3و 4 كمان :)

أنا في أعتقادي لو جبت تيبو 1600 نضيفة مش هتحتاج تعمل فيها حاجة لفترة زمنيه مش قليلة.

و شكرا ...
مصطفى شريف

للاسف انا لسه جديد ف السواقه
عشان كده حتي لو جربت العربيه مش هقدر احكم عليها الحكم الصح
انا الاولويه عندي لـ 1600 طبعاً
بس وقت ما عملت الموضوع مكنش قدامي غير 1400
وحالياً لسه بدور ربنا يكرم و الاقي واحده بنت حلال :)
جزاك الله خير يا استاذ مصطفي علي المعلومات و المتابعه :)

**Formulator** · 07-07-2012 02:37 PM

المشاركة الأصلية كتبت بواسطة Mostafa_Sherif

بص يا سيدي ... التيبو ديه أختراع ملهوش مثيل فيات عملته سنة 88 و فضلت تطور فيه و في عربيات مبنية عليها لحد أوائل ال 2000 في ايطاليا و لحد دلوقتي في دول كتير منها البرازيل.

يعني الشاسيه أول ماأتعمل كان سنة 88 و كانت التيبو أول عربية منه .. و بعد كدا كل العربيات بيتكتب أنها من شاسيه التيبو ,,, و مثال العربيات ديه كالأتي:-
1. التمبرا
2. البرافا / البرافو (الشكل القديم )
3. الماريا
4. الكوبيه
5. ألفا روميو 155
6. ألفا روميو 145
7. ألفاروميو 146
8. ألفا روميو gtv
9. ألفا روميو 156
10. لانشيا الديدرا

و ده معناه أن أغلب المحركات و ألات الجر و العفش بتاعت كل اللي فات ده .. بيركب على بعض عادي مع وجود أختلافات يجب الاهتمام بها و سعات بتحتاج تركب أكتر من قطعة عشان التحويل يمشي بدون مشاكل.

و عشان كدا أختارات التعديل للتيبو لا حصر لها في رأي المتواضع ..

+111
msALLAH

شاسيه الـTipo هو أول Modular-Platorm فـ فيات..
يعنى قابلية عالية جدا للتعديل (in-house جوا فيات جروب)، يركب عليه عدد ضخم من المواتير، لعربيات مختلفة.. و بـDrivetrain مختلف كمان؟!!
يكفى ان الـiconic ألفا 156 مبنية على نسخة معدلة (أوى) من شاسيه التيبو..

نيجي بقي للتيبو في حد ذاتها كسيارة ركوب و قوة محركها ..
أنت لازم قبل ماتفكر في التعديل تجرب العربية من حد و تكون حالتها نضيفة .. لأنك أحتمال تلغي فكرة التعديل لو جربت مثلا ال 1600 و تلاقي نفسك بتطلع من عربيات كتير و بالاخص انها أول عربية ليك و ملكش تجارب في التعديل أساسا.
أنا كنت بطلع بالتيبو ال 1400 بتاعتي من الاكسل و الاكسنت 1300 و الابيزا و الكورسا و الجولف 2 1400 و 3و 4 كمان :)

أنا في أعتقادي لو جبت تيبو 1600 نضيفة مش هتحتاج تعمل فيها حاجة لفترة زمنيه مش قليلة.

و شكرا ...
مصطفى شريف

+999

أول ماجبت البرافو فـ 2009..
واحد زميلى فـ الشغل: سواااااااااااق أوى... أوى، هو اللى سايق وإحنا راجعين من أليكس.
وطبعا استحلى النفخة بتاع التربو والسحب والكيككات، ماشى نافخ الطريق كله.. عـ الصحراوى والمحور.

طلعنا عـ الدائرى...
- واد بتيبو حمراء، بدأوا شد مع بعض.. وجرى وغرز على سرعات 160-170 والدائرى زحمة؟؟!!!
وأنا بدأت أخاف (عـ العربية مش من الجرى والسرعة

)،

الواد بتاع التيبو، عمل فيه كل اللى عمله فـ الناس فـ اليوم ده (وقبله)
كان بيسيبوا يعديه.. ويجيبوا من قفاه، إننننننننننننسسسسسسسسسى ولا كيككات ولا تسقيط ولا حرق نافع معاه

يسيبوا يجرى لحد ماتقف معاه غرزة، ييجى حااااااارق من ورا وياخدها بسرعة رهيبة؟!!
لحد ما صاحبى فاق عليه شوية (أو الصراحة غرزة يمين قفلت عـ الواد بتاع التيبو)..

وصاحبى ماصدق.. طااااااار وفرقنا عنه جااااااااامد جدا،
بقوله أمال فين الواد بتاع التيبو (وإحنا على 170-180 قبل م.نصر)؟!!!
قاللى: دانا خيطته من زمااااااااااان يامعلم

ثم: يابن التييييييييييييييت..؟؟؟!!!!!!

لقى التيبو جاى من شماله وضارب عالى.. طلــــــــــــــقة.

هههههههههههههههههههههه

قعد يقول يابن التييييييييييييييت، يابن التيييييييييييت.. مش ممكن دى تكون عادية؟؟ أكيد تربو على وزن أخف من البرافو؟!!!

قولتله إنسى.. إلزق فـ ظهره ونحاول نشوف؟؟
طبعا مالحقناهوش

، بس على أقصى تقدير ده 1.6 i.e. عادى.. لو 2.0 مكناش شوفناه؟؟!!!

**Formulator** · 07-07-2012 02:50 PM

اللى عايز أقوله..

انا مع كلام Mostafa_Sherif فـ جزئية ان لو تيبو 1.6 i.e. نظيفة وبحالتها،
فعلا مش هتحتاجتعمل فيها أى Upgrades (عـ الأقل فـ الموتور لفترة كبيرة)..

العربية دى من قلب قلب الـGolden Era بتاع الفيات.. أولها السبعينات ولحد أواخر الـ80s/أوائل الـ90s
لما كانت
- الدلتا integrale مسيطرة عـ الراليات ونافخة الأودى والفورد والبيجو فـ الـWRC
- والألفا 155 V6 كانت ماسحة الميرس والأودى والـBM فـ سباقات الـDTM (الـLocal فـ الهوم-تاون بتاع الألمان)..
التيبو: موتور TwinCam، بودى Lightweight.. وشاسيه وهاندلينج متميز أوى.
Edit: وبرضه لو لازم تعديل: شوف منتديات الفيات الـGreeky والتركى تحديدا؛ فيهم كمية Threads جامدة جدا عن تعديل التيبو والأنو.
وكمان على FF هتلاقى Topics قديمة لتيونز فـ UK معدلين فـ التيبو.

بالتوفيق،