تقييم سيفيك 2007

**iWeLLy** · 19-06-2012 03:57 AM

معروض عليا سيارة سيفيك 2007 lxi ivtec عاملة 127000 كلم صاحبها مسافر طول الوقت بطبيعة شغله وبيعملها الصيانة في التوكيل والعربية فابريكة الا بعض الأجزاء بسبب الخدوش من الجراج اللي هو نفس الجراج اللي بركن فيه العربية انا علطول شايفها راكنه وصاحبها كل ما ينزل يطلع بيها مشاوير سفر وبس مش بيستخدمها داخل البلد المهم انا عايز أغير من اكسنت 2001 وكنت بفكر في اللانسر 2008 ولقيت دي في طريقي علشان بتاعة جاري ... مش عارف مشكلة العربية انها واطية دي مشكلة كبيرة ؟؟ انا طبعا هستخدم العربية في السفر وداخل البلد عايز اعرف تقييم العربية هو بيكلمني في 85 الف وتقريبا ممكن اخلصها ب 80 هل السيارة مناسبة وهل السعر ده مناسب ...أرجو الافادة

**S O P H O S** · 19-06-2012 05:15 AM

هو السعر مقبول طالما حالة جيدة
...
وشوف بردوا راي باقي الاخوة
موفق ان شاء الله ..

**SAMEH_FOUAD** · 19-06-2012 11:42 AM

دة سعرها جااااااااااااااااااامد جدا بس انا معتقدش انها تنزل اوى كدة خدها على التوكيل واكشف عليها كويس لان موديل 2007 سعرها 95 الف جنية

**iWeLLy** · 19-06-2012 10:58 PM

هو جاري في نفس العمارة يمكن عامل حساب الجيرة وكده انا لسه ما كلمتوش في السعر بصراحة بس هي العربية عاجباني مش محتاجة مصاريف خالص فيها خربشتين واحده في الطلاء الاسود اللي في القايم بس مش خبطة وواحدة في الاكصدام غير كده مافيش اي حاجة تانية في جسم العربية أنا اللي خايف منه بصراحة موضوع ان العربية واطية وبتاكل المطبات في الشكمان