الموضوع: عملت حادثة ومحتاج استشارة و مساعدة من الشباب

Raul_7 شكرا ليك وعلي اهتمامك الحمد الله علي كل حال قدر الله وماشاء فعل

هوة مش مركز عصام دة تاع اخر فيصل ؟؟ انا مش متأكد هوة ولا لا عموماً هوة انا فكر اروح اسئل عندة اشوف هيقولي اية وكمان مش عارف هايعمل اية في الاير باج اللي اتفتحت سمعت ان التوكيل س هوة اللي بيعملها

انا جد بشكرك جداً علي اهمامك ومساعدتك لية وشكراً للكل الشاب اللي تساعد وبتسئل تطمن ربنا ما يحطش حد في زنقة شكرا علي اهتماكم ومساعدتكم دي بالدنيا كلها .... جزاكم الله كل خير ويارب يكون في ميزان حسناتكم ربنا يكفينا كلنا شر الطريق .
brashy101 Raul_7 zangry i_Am_Legend koheya

mmaaly لأسف كان متأمن عليها التامين وقفتة بقالة سنة ....

والله مع حضرتك حق في كلامك جزاك الله خير انك خلتني اخد الي من النقطة دي ... طيب لو هاروح مركز متكامل فين المركز دة ... لو حضرتك تعرف ياريت تقولي عملت اية في عريتك ولا عملتها في التوكيل ...

انا متشكرا جداً علي اهتمامك mmaaly جزاك الله خير ويكفينا جميعاً شر الطريق

لا يا Be7ee مركز عصام صفا عند السندباد و هو مركز معتمد من عز العرب. نمرة مهندس عصام 01221030200

و بعدين يا باشا ايه كل الشكر ده احنا معملناش حاجة و الله, ده مجرد رد في أقل من 5 دقائق. :)

المشاركة الأصلية كتبت بواسطة raul_7

لا يا be7ee مركز عصام صفا عند السندباد و هو مركز معتمد من عز العرب. نمرة مهندس عصام 01221030200

و بعدين يا باشا ايه كل الشكر ده احنا معملناش حاجة و الله, ده مجرد رد في أقل من 5 دقائق. :)

الشكر دة دة اقل تقدير لحضرتك ولكل اللي يساعدني

طيب عندي سؤال اسعارة عملة اية زي التوكيل ولا اقل .. انا بقيت محتار مش عارف اوديها مركز صيانة ولا اوديها سمكري نضيف وبعدين مكانيكي او مركز صيانة تاني ولا اوديها التوكيل بس التوكيل اسعارة نااااااااااار وها يقطم وسطي وظهري في تصليحها .....

محتار مش عارف اعمل اية عموماً لو تعرف الاسعار في مركز عصام ارخص من التوكيل ولا لا ممكن تقولي ...

وشكراً ليك تاني .... :) :)

الف سلامة علي حضرتك الاول ..
انا من راي وديها التوكيل او مركز عصام صفا ...

وجه نظري لو عربية راحت لميكانيكي هتروحلة كل شوية ..
التوكيل اضمن .. علشان مايحصلش حاجة غلط وتروح كل شوية وتفك وتعمل .. وان شاء الله ترجع زي الاول ..

المشاركة الأصلية كتبت بواسطة DESIGNER105

الف سلامه يا باشه ومتزعلش إن شاء الله ترجع احسن من الاول.. ده الواحد لما بيتخبطلو رفرف بس بيبقى نايم بيفكر فيه...بس بردو الواحد يقول الحمد لله.... انا راى من راى الاستاذ _koheya_ انك تبدأ بالسمكرة ... وممكن بردو تسأل ميكانيكى كويس هو بيبقى عارف يبتدى شغلو فى العربيه ازاى ممكن يقولك سمكر وتعالى او يعمل حجات ابل السمكره وحجات يقولك دى بعد السمكره ؟؟...ولو انى اعتقد انك ممكن تبدى فى الاتنين فى نفس الوقت يعنى اثناء السمكره تحل الرداتير والوصلات وكده لو محتاج يتغير او لحام او اى شى وويركب بعد مالسمكره تخلص ... وبعدين ترش فى الاخر خالص ...بس نصيحه منى عن تجربة ابعد عن التوكيييييييييييل ...هتدفع فلوس كتير وهتاخد شغل اى كلام ...غير ان التوكيل مبيصلحش بيرمى ويركب جديد ...مع ان فى حجات ممكن تتصلح وتبقى زى الأول...انا راى لو مكانيكى كويس وسمكرى وكهربائى محترف هيرجهوالك زى الاول و بربع تمن التوكيل وشغلذئ احسن ...وهم هيقولك على قطع الغيار وانت انزل اشتريها .....

المشاركة الأصلية كتبت بواسطة Nistelrooy

الف سلامة علي حضرتك الاول ..
انا من راي وديها التوكيل او مركز عصام صفا ...

وجه نظري لو عربية راحت لميكانيكي هتروحلة كل شوية ..
التوكيل اضمن .. علشان مايحصلش حاجة غلط وتروح كل شوية وتفك وتعمل .. وان شاء الله ترجع زي الاول ..

بقيت محتار مش عارف اعمل اية كنت هوديها ورشة مهندس كريم بتاعت فيصل بس معندوش سمكرة والمشكلة اني مش لاقي حد يدلني علي سمكري يفهم في بروتون ويكون مضمون في نطاق فيصل والهرم ... واللي وصلتلهم اما حرافين او دار السلام او شبرا وبصراحة مش عارف امان اني اسيب العرية عندهم وخصوصاً انهم بعيد جداً عليا .... والتوكيل لو رحتلة ها يقطم وسطي في فلوسها خصوصاً ان شكلها هيقا فيها شغل كتير بس ميزتة انة مضمون وعيبة اني مجربهم قبل كدة في قطع غيار ذلوني اكتر من 4 شهور علشان يجبوها .....

ياريت اللي عندو معلومة ما يبخلش عليها بيها وجزاة الله كل خير

وشكراً لحضارتكم Nistelrooy و DESIGNER105 جزاكم الله خير علي مساعدتكم لية وربنا يكفينا جميعاً شر الحوادث والعربيات والطريق