الموضوع: الحمد لله . أنا عملت حادثة النهاردة ومحتاج مساعدتكم (رينو ميجان)

المشاركة الأصلية كتبت بواسطة t_kha83

السلام عليكم ورحمة الله وبركاته

النهاردة - الحمد لله رب العالمين - عملت حادثة كبيرة ، عربيتي رينو ميجان 2 موديل 2007 خليجي ، يعني سواق ميكروباص قرر يقف مرة واحدة في نص الطريق :) وكمان بعد الحادثة هرب وموقفش الحمد لله رب العالمين و قدر الله وماشاء فعل ......

الحقيقة انا مش عارف ابدأ منين ومحتاج نصيحتكم ، انا خبط وش العربية في ضهر الميكروباص والاضرار المبدأية للحادثة كالتالي

1- كابوت (اطبق تماماً ومش عرف هل يمكن اصلاحه والا لأ ، وحتي مش عارف افتحه)
2- الاكصدام (اتمزق كذا حته وماعتقدش ينفع تاني)
3- فانوس امامي شمال
4- الريداتير (دخل لجو ونزل كل الميه اللي فيه)
5- احتمال المروحة تكون كمان راحت انا مش عارف عشان مش عارف افتح الكابوت
6- الرفرف الامامي شمال حصل فيه شرخ مش كبير يعني تقريباً 15 سمبشكل دائري
7- صدر العربية اللي فوق دخل جوا بكل محتوياته ، وكل حاجه في وش العربية مابقتش موجوده

العربية بدور ومشيت بيها شويه بس لاقيتها بتسخن طبعاً عشان مفيش ميه للتبريد فبطلت العربية ، الحقيقة انا مش عارف افتح الكابوت عشان اعرف ايه الاضرار اللي جوه تاني ، المهم شلتها بونش و ودتها التوكيل عشان النهاردة الاحد وكله قافل ، ومهندس التوكيل قالي مبدأياً كدا وقبل المقايسه العربية ممكن تدخل في 30 ألف جنية ولسه اما نشوف اللي حصل جوا الكابوت .........

طبعاً المبلغ صدمني والحقيقة انا ماقدرش اعملها في التوكيل بالمبلغ الخزعبلي دا ، ومش عارف ابدأ منين ... المهندس قال مبدأياً كدا دورة التبريد كلها راحت يعني مروحة ورديداتير زائد الحاجات اللي ذكرتها فوق ، كنت بفكر اجيب ونش بكره تاني واروح الحرفيين ومش عارف حد كويس او اجيب قطع غيار منين .......

ارجو المساعدة ، يعني ابدأ ازاي واجيب الحاجات دي منين؟ وهل في حد كويس يشتغل فيها؟ انتوا عارفين في سينسورز وحاجات ادام انا مش عارف هل حصلها مشكلة والا لأ العربية مفروض انها مش كويسه ومش مطلعه ايرورز ............

اشكركم وجزاكم الله خيراً

هاقول خير الكلام ما قل ودل عاليك وعلى المصطفى للرينو هوه يظبتهالك وهايجبلك الحاجه وسعره كويس

طيب فين المصفى للرينو ، ولو معاك رقم تليفون يبئا كتر خيرك

المشاركة الأصلية كتبت بواسطة t_kha83

طيب فين المصفى للرينو ، ولو معاك رقم تليفون يبئا كتر خيرك

ده فى المعادى قى صقر قريش



ورقم تليفون 01222784231

اشكرك ، دا سمكرة ودوكوا وميكانيكا ، وهل احسن اروح لعادل؟ ايه رأيك؟

لا هوه عنده قطع غيار وميكانيكا وكمان ممكن يركبلك الحاجه

قدر الله و ما شاء فعل انت قدامك يا اما صقر قريش يا اما تروح الهرم عند طارق و بالنسبه لاي حاجه هتحتاجها العربيه ممكن تجيبها استيراد حتي الكبوت و الاكصدام بس دور كويس وهات افضل سعر و ماتشتريش قبل ما تكون سائلت عند اكتر من حد . طارق و عادل و مصطفي كلهم ميكانيكا و هيجبولك قطع الغيار و برده كلهم هيودوك لكهربائي اللي بيتعاملوا معاه و السمكري و الدكو لان كل واحد فيهم بيتعامل مع ناس مختلفه انا عن نفسي اتعاملت مع طارق و عادل و برجح طارق لانه فاهم و دايما قطع الغيار عنده ارخص و ممكن تقارن بنفسك بس هو في الهرم بس يمكن في ناس تانيه اتعاملت مع حد تاني و يكون كويس برده . و ربنا يوفقك و ان شاء الله كلها تتعمل و التكلفه تبقي في المعقول