هل فيه نيسان صنى الشكل الجديد 2013 فى مصر بمواصفات خليجى ؟

**bakka2010** · 20-06-2012 01:27 AM

المشاركة الأصلية كتبت بواسطة ahmazong

100 100 ..

زيادة على كلام sehsss .. ماظنش في فرق كبير غير في options بس و مش كتيير كمان ..

أنا شايف إن السيارة الوكيل احسن .. كفاية إنك معاك توكيل ممتاز و ديه حاجة ليها ثمن في البلد ديه ..

تحياتي ..

أنا عارف إن الفرق فى الأوبشنز بس .. لكن الفرق فيها كبير برده . يبقى معاك عربيه يابانى نيسان ليها إعتماديتها وبرده تمتع نفسك بالأوبشنز والحاجات الحلوه دى . العدادات بتاعتها كفايه ولا فتحه السقف والتكييف التاتش والستارت إنجن . شوف يا ريس صوره الخليجى وملى عينك منها وهى هاتغريك تشتريها . معانها فى الإمارات ب 56 ألف درهم تقريبا يعنى فى مصر وبعد إضافه الجمارك هاتبقى بين 115 و 120 ألف جنيه . بس تستاهلهم .
وبالنسبه للتوكيل ... هو مش ينفع ادفع فلوس مبلغ بسيط كده مش فاكر كام وأدخلها الضمان ؟

**M.Elwan** · 20-06-2012 01:37 AM

دى صور للنيسان صنى بره فى فرق فى التكييف الديجيتال والعدادات الليد وطبعا الجنوط والسبويلر

**bakka2010** · 20-06-2012 01:52 AM

والله يا إم علوان .. كفايه الصور دى تفتح النفس . العدادات رائعه وأجمل من عدادات الكورى اللى مش فيه غير الشكل وبس . والتكييف التاتش شكله جميل أوى . والجنوط وفتحه السقف يبقى كفايه أوى وتستاهل فرق السعر ده . لكن عاوز أعرف ليه مش بينزلوا لينا الحاجات الحلوه دى فى مصر ؟ مهو كله بتمنه . يعنى ينزلوا الفئه دى كمان ويعملوها أغلى وأكيد هيلاقوا ليها معجبينها .

**S O P H O S** · 20-06-2012 02:34 AM

انا بردوا شايف ان التوكيل هتكون افضل
وربنا يوفقك ..

**د. علاء ابراهيم** · 20-06-2012 03:17 AM

المشاركة الأصلية كتبت بواسطة bakka2010

الحاجات اللى سمعت عن إنها هاتزيد فى السوبر صالون بتاعه شهر عشره مش فارق معايا فيها غير الجنوط السبور .لكن التاره المالتى والبلوتوث والسبويلر والحاجات دى مش فارقه معايا خالص . يعنى لو إتأكدت فعلا إنها هى دى الفروق فقط يبقى أتوكل على الله وأشترى الوقتى ومش أستنى أربعه شهور . لو لقيت خليجى يبقى خير وبركه ولو مش لقيت يبقى الأوتو اللى ب 100 ألف حلوه جدا ورضا . إنما مش هاستنى أربعه شهور عشان الحاجات اللى مش مهمه دى . دا غير إن فيه أعضاء هنا على المنتدى بيقولوا إن الموجوده حاليا إحتمال كبير سعرها يزيد قريب .

تمام مش هاستنى 4 شهور و ادفعلى 10000 عشان شويه حركات و ده رايى الشخصى مع احترامى التام لاراء بقية الاعضاء ( جنوط سبور اقدر اركبها على مزاجى و فى اى وقت- البلوتوث بيركب برضك- و السبويلر- الطارة المالتى هى دى اصعب حاجة بس انا شايف ان كدا كمية الكهربا و الافتكاس اللى موجود فى الدركسيون هاتبقى كتير مما يجعل صيانتها اصعب و اعطالها اكثر ثم ان كل الازرار دى حتى لو مش فى الطارة فحتبقى برضك فى متناول ايدك و انتا سايق)
و بعدين السعر ممكن يزيد
و دى اول الانتاج يعنى بيبقا ليها اهتمام شديد من المصنع عشان تحقق مبيعات

**limo81** · 20-06-2012 04:21 AM

كلام جميل وكلام معقول

**bakka2010** · 20-06-2012 11:56 AM

المشاركة الأصلية كتبت بواسطة ahmed1006

انا بردوا شايف ان التوكيل هتكون افضل
وربنا يوفقك ..

مهو انا كمان شايف الوكيل أفضل . بس ده لما ينزل لنا نفس العربيه . لكن لو نزل لنا عربيه أقل كتير من عربية بره يبقى أحاول أشوف خليجى الأول . ولو مش لقيتها أشترى الأوتو اللى ب 100 ألف .

المشاركة الأصلية كتبت بواسطة limo81

كلام جميل وكلام معقول

هو إيه اللى كلام جميل ؟ يعنى إنت معانا ولا معاهم ؟ وياترى مفيش معلومات عن صنى خليجى فى مصر عند أى معرض ؟

**saint2011** · 20-06-2012 01:20 PM

المشاركة الأصلية كتبت بواسطة mollaELolla

تمام مش هاستنى 4 شهور و ادفعلى 10000 عشان شويه حركات و ده رايى الشخصى مع احترامى التام لاراء بقية الاعضاء ( جنوط سبور اقدر اركبها على مزاجى و فى اى وقت- البلوتوث بيركب برضك- و السبويلر- الطارة المالتى هى دى اصعب حاجة بس انا شايف ان كدا كمية الكهربا و الافتكاس اللى موجود فى الدركسيون هاتبقى كتير مما يجعل صيانتها اصعب و اعطالها اكثر ثم ان كل الازرار دى حتى لو مش فى الطارة فحتبقى برضك فى متناول ايدك و انتا سايق)
و بعدين السعر ممكن يزيد
و دى اول الانتاج يعنى بيبقا ليها اهتمام شديد من المصنع عشان تحقق مبيعات

ده كلام محترم وموضوعى

**hossam_elwani** · 20-06-2012 09:10 PM

المشاركة الأصلية كتبت بواسطة bakka2010

أنا عارف إن الفرق فى الأوبشنز بس .. لكن الفرق فيها كبير برده . يبقى معاك عربيه يابانى نيسان ليها إعتماديتها وبرده تمتع نفسك بالأوبشنز والحاجات الحلوه دى . العدادات بتاعتها كفايه ولا فتحه السقف والتكييف التاتش والستارت إنجن . شوف يا ريس صوره الخليجى وملى عينك منها وهى هاتغريك تشتريها . معانها فى الإمارات ب 56 ألف درهم تقريبا يعنى فى مصر وبعد إضافه الجمارك هاتبقى بين 115 و 120 ألف جنيه . بس تستاهلهم .
وبالنسبه للتوكيل ... هو مش ينفع ادفع فلوس مبلغ بسيط كده مش فاكر كام وأدخلها الضمان ؟

ياريت صور على الطبيعه للصنى الخليجى ...

**Youssef.Awad** · 21-06-2012 02:09 AM

المشاركة الأصلية كتبت بواسطة bakka2010

أنا عارف إن الفرق فى الأوبشنز بس .. لكن الفرق فيها كبير برده . يبقى معاك عربيه يابانى نيسان ليها إعتماديتها وبرده تمتع نفسك بالأوبشنز والحاجات الحلوه دى . العدادات بتاعتها كفايه ولا فتحه السقف والتكييف التاتش والستارت إنجن . شوف يا ريس صوره الخليجى وملى عينك منها وهى هاتغريك تشتريها . معانها فى الإمارات ب 56 ألف درهم تقريبا يعنى فى مصر وبعد إضافه الجمارك هاتبقى بين 115 و 120 ألف جنيه . بس تستاهلهم .
وبالنسبه للتوكيل ... هو مش ينفع ادفع فلوس مبلغ بسيط كده مش فاكر كام وأدخلها الضمان ؟

صعب نيسان تتواجد خليجى فى مصر لأن سعرها + الجمارك هايكون اكتر من سعر الوكيل لو نزلت بفرق 10-15 الف ج زيادة
واستحالة اى تاجر او معرض يستورد كمية منها ويجازف بفلوسه
علاوة على ان نيسان مصر من اكتر الشركات الناجحة فى قراءة السوق وتوجهاته وبتدرس كويس سعر اى فئة قبل ما تنزلها